འགྲོ་ཕན་བོད་ཀྱི་སྨན་རྩིས་ཁང་ནས་རྒྱ་གར་གྱི་ས་ཁུལ་ཁག་གཅིག་ཏུ་རིན་མེད་སྨན་སྦྱིན་གནང་བ།

4 months ago

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༩༠ ཕེབས་པའི་༸སྐུའི་གོ་སྟོན་སྲུང་བརྩིའི་སླད་འགྲོ་ཕན་བོད་ཀྱི་སྨན་རྩིས་ཁང་ནས་ས་གནས་ཁག་གཅིག་ཏུ་རིན་མེད་སྨན་སྒར་གྱི་ལས་གཞི་སྤེལ་ཡོད།དེ་ཡང་ཕྱི་ལོ་ ༢༠༢༥ ཟླ་བ་ ༡༢ ཚེས་ ༥ ཉིན་སྤོན་ཊ་ཡན་ལག་སྨན་རྩིས་ཁང་གིས་ཧ་པ་སྤུར་དུ་རིན་མེད་འཕྲོད་བསྟེན་བརྟག་དཔྱད་དང་། རྒྱ་གར་གྱི་ཡུལ་མི་ནད་པ་སྐྱེས་པ་ ༤༤ དང་བུད་མེད་ ༣༡ བཅས་ཁྱོན་བསྡོམས་མི་གྲངས་ ༧༤ ལ་རིན་མེད་ཐོག་བདུན་གཅིག་རིང་གི་སྨན་སྦྱིན་གནང་ཡོད། དེ་བཞིན་ཨེམ་ད་བད་ (Ahmedabad) ཡན་ལག་སྨན་རྩིས་ཁང་ནས་ས་གནས་མི་མང་ལ་རིན་མེད་ཐོག་འཕྲོད་བསྟེན་བརྟག་དཔྱད་དང་སྨན་གྱི་མཐུན་རྐྱེན་བསྐྲུན་ཡོད། ཕྱི་ཚེས་ ༩ དང་ ༡༠ བཅས་ཉིན་གྲངས་གཉིས་རིང་གངས་སྐྱིད་ཡན་ལག་སྨན་རྩིས་ཁང་ནས་དྷ་ས་གྲོང་སྡེའི་ལས་ཁུངས་སུ་ནད་པ་མང་པོར་སྨན་བཅོས་རྒྱབ་སྐྱོར་དང་སྨན་སྤྲོད་མཐུན་རྐྱེན་སྦྱར་ཡོད། གཞན་ཡང་ཀུ་ལུ་མ་ན་ལི་ས་གནས་ཡན་ལག་སྨན་རྩིས་ཁང་ནས་གོང་མཚུངས་རིན་མེད་སྨན་སྒར་གྱི་ལས་གཞི་སྤེལ་ཡོད། །