བོད་དོན་རྐང་འཁོར་སྐོར་སྐྱོད་པ་ Sandesh Meshram ལགས་རྒྱ་གར་བྱང་ཤར་ཁུལ་དུ་བོད་དོན་དྲིལ་བསྒྲགས་ཀྱི་ལས་འགུལ་ཐེངས་དྲུག་པ་མཇུག་སྒྲིལ་དང་བསྟུན་ནས་དེ་རིང་ཕྱི་ཟླ་ ༡ ཚེས་ ༢༩ ཉིན་གྱི་སྔ་དྲོ་མོན་གྷོ་རུ་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་མཇལ་ཁ་ཞུས་སོང་བ་མ་ཟད། རྒྱ་གར་གྲོས་ཚོགས་གོང་མའི་འཐུས་མི་ཟུར་པ་ KC Ramamurthy མཆོག་ནས་ཀྱང་རང་གིས་འདོན་སྤེལ་གནང་བའི་ཕྱག་དེབ་འགྲེམས་སྤེལ་ཆེད་༸གང་ཉིད་མཆོག་གི་མཇལ་ཁ་ཞུས་སོང་། མཇལ་ཁ་གྲུབ་མཚམས་འདི་གའི་གསར་འགོད་པར་ Sandesh Meshram ལགས་ཀྱིས། ད་རེས་འཕགས་བོད་ས་མཚམས་འབུམ་ལ་ནས་འགོ་འཛུགས་ཀྱིས་བོད་དོན་རྐང་འཁོར་སྐོར་སྐྱོད་ཐེངས་དྲུག་པ་འདི་བཞིན་ལེགས་པར་གྲུབ་སོང་བ་དང་། ཨ་རུ་ན་ཅལ་དང་། མཱེ་གྷ་ལ་ཡ། ཨ་སམ་བཅས་མངའ་སྡེ་གསུམ་གྱི་ནང་སྐོར་སྐྱོད་གྲུབ་པ་དང་བསྟུན་ནས་ཉིན་ཤས་གོང་འདི་ག་མོན་གྷོ་རུ་འབྱོར་རྗེས་དེ་རིང་༸གོང་ས་མཆོག་གི་མཇལ་ཁར་བཅར་བ་ཡིན་ཞེས་གསུངས་སོང་། ཁོང་གིས་ད་དུང་། དེ་རིང་གི་མཇལ་ཁ་དེ་བཞིན་སྐལ་པ་བཟང་པོ་བྱུང་སོང་ལ། ད་དུང་ཡང་ལས་འགུལ་སྤེལ་བསམ་པའི་སྙིང་སྟོབས་དང་སེམས་ཤུགས་འཕར་མ་ཞིག་སྐྱེས་བྱུང་ཞེས། ༸གོང་ས་མཆོག་ནས་ཀྱང་ཐུགས་སྨོན་སྐྱབས་འཇུག་སྩལ་སོང་བ་གསུངས་སོང་། མ་ཟད་ཁོང་གིས། ཐེངས་འདིའི་བྱང་ཤར་ཁུལ་དུ་བོད་དོན་རྐང་འཁོར་སྐོར་སྐྱོད་ཁྲོད་དཀའ་ངལ་རིགས་དམིགས་བསལ་འཕྲད་མ་སོང་ལ། ལས་འགུལ་བསམ་དོན་ལྟར་ལེགས་པར་བསྒྲུབས་ཐུབ་པ་བྱུང་སོང་བས། སྐོར་སྐྱོད་ཁྲོད་རྒྱ་གར་བའི་མི་མང་དང་དམིགས་བསལ་གྱི་ཨ་རུ་ན་ཅལ་ཁུལ་གྱི་རྒྱ་གར་མི་མང་ཚོའི་དགོངས་ཚུལ་ལ་བོད་ཀྱི་བདེན་མཐའ་མྱུར་དུ་གསལ་བ་དང་། རྒྱ་གར་གྱི་ས་མཚམས་དེ་བཞིན་རྒྱ་ནག་མཉམ་དུ་མ་ཡིན་པར་བོད་རྒྱལ་ཁབ་མཉམ་དུ་ཡོད་ན་བསམ་པའི་རེ་བ་ཆེན་པོ་འདུག་ཅེས་གསུངས་སོང་། དེ་བཞིན་ Sandesh Meshram ལགས་ཀྱིས་གསུང་དོན་བྱས་ན། བོད་པའི་གཞོན་སྐྱེས་ཚོས་བོད་ཀྱི་འཐབ་རྩོད་ཐོག་གང་ཐུབ་ནུས་པ་སྤུང་དགོས་པ་དང་། རང་སོ་སོའི་སྤྱི་ཚོགས་དྲྭ་ལམ་ཐོག་ཉིན་ལྟར་༸གོང་ས་༸སྐྱབས་མགོན་ཆེན་པོ་མཆོག་གི་ལུང་ཚིག་དང་བོད་ཀྱི་ཛ་དྲག་གནད་དོན་སྐོར་འབོད་སྒྲ་རེ་བཀོད་ཐུབ་ན། རྒྱ་གར་གཙོས་པའི་རྒྱལ་སྤྱིའི་ཁྲོད་ཀྱི་མི་མང་ལ་བོད་དོན་གོ་རྟོགས་ལེགས་པར་ཤེས་ཐུབ་པར་ཕན་ཐོགས་ཆེན་པོ་ཡོང་གི་རེད་བཅས། རྒྱ་ནག་ལ་བརྡ་ལན་ཚུལ་དུ་རྒྱ་གར་གྱི་མཐའ་མཚམས་ས་ཁུལ་ནས་ཞི་བདེའི་ངང་ཏོག་ཙམ་ཐག་རིང་བཞུགས་པའི་རེ་བ་ཡོད་ལ། བོད་མི་རིགས་ཀྱི་མངོན་འདོད་ལ་རྒྱབ་སྐྱོར་བྱེད་དགོས་པ་དང་། འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་དེ་འཕྲལ་དུ་མཚམས་འཇོག་བྱེད་དགོས་པ་ནན་བརྗོད་གནང་སོང་། རྩ་བའི་ Sandesh Meshram ལགས་ཀྱི་ཉིན་གྲངས་ ༤༣ རིང་གི་བོད་དོན་རྐང་འཁོར་སྐོར་སྐྱོད་ཐེངས་དྲུག་པ་དེ་བཞིན་རྒྱ་གར་བྱང་ཤར་ཁུལ་གྱི་ཨ་རུ་ན་ཅལ་དང་། མཱེ་གྷ་ལ་ཡ། ཨ་སཱམ་བཅས་མངའ་སྡེ་གསུམ་གྱི་ནང་སྤྱི་ལེ་ཀི་ལོ་མི་ཊར་ ༢༦༠༠ ཡས་མས་ཁྱབ་ཐུབ་པ་བྱུང་ཡོད། དེ་བཞིན་དེ་རིང་༸གོང་ས་མཆོག་གི་དམིག་བསལ་མཇལ་ཁར་བཅར་མཁན་རྒྱ་གར་གྲོས་ཚོགས་གོང་མའི་འཐུས་མི་ཟུར་པ་ KC Ramamurthy མཆོག་གིས། དེ་རིང་༸མགོན་པོ་མཆོག་གི་མཇལ་ཁ་ཞུ་རྒྱུ་བྱུང་བ་དེ་དགའ་པོ་བྱུང་ཞེས་དང་། ༸གང་ཉིད་མཆོག་གི་མཇལ་ཁ་དེ་སྔ་བྷེང་ལོར་དུ་ཐེངས་གཉིས་གསུམ་ཙམ་ཞུས་མྱོང་ཡོད་པ་མ་ཟད། […]

The post Sandesh Meshram ལགས་ཀྱིས་བོད་དོན་རྐང་འཁོར་སྐོར་སྐྱོད་མཇུག་སྒྲིལ་དང་འབྲེལ་༸གོང་ས་མཆོག་གི་མཇལ་ཁ་ཞུས་པ། appeared first on vot.