བལ་བོད་ས་མཚམས་སུ་ཁ་སང་ཕྱི་ཟླ་ ༨ ཚེས་ ༢༦ ཉིན་ཆུ་ལོག་ཚབས་ཆེ་བྱུང་བའི་དོན་རྐྱེན་འོག་མང་ཚོགས་བརྒྱ་ཕྲག་འགའ་ཤས་ཀྱི་ཚེ་སྲོག་ཤོར་བ་དང་།  སྟོང་ཕྲག་ལྷག་གར་སོང་ཆ་མེད་དུ་གྱུར་བའི་ཡོད་སྐྱོའི་གནས་ཚུལ་ཐོན་པའི་ཐོག  བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བསྔོ་བ་ཐུགས་སྨོན་མཛད་པ་དང་འབྲེལ།  འདི་ལྟ་བུའི་དོན་རྐྱེན་སླར་ཡང་མ་ཡོང་བའི་ཆེད་དུ་གང་ཐུབ་ཅི་ཐུབ་ཀྱི་མཇུག་སྐྱོང་ལས་དོན་འོས་ཤིང་འཚམ་པ་སྤེལ་རྒྱུའི་ཐུགས་རེ་ཡོད་པ་བཀའ་སྩལ་འདུག དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་ཐུགས་གསོའི་གསུང་འཕྲིན་དེའི་ནང་།  བལ་བོད་ས་མཚམས་ སྐྱིད་གྲོང་དང་ར་སུ་ཝ་ཁུལ་དུ་ཆུ་ལོག་ཚབས་ཆེན་བྱུང་བའི་དོན་རྐྱེན་སྐོར་ཤེས་རྟོགས་བྱུང་བར་ཧ་ཅང་གི་ཐུགས་འཚབ་བྱུང་སོང་བ་བཀའ་སྩལ་དང་འབྲེལ།  གོད་ཆགས་དེའི་འོག་ཚེ་སྲོག་ཤོར་མཁན་ཡོངས་ལ་བསྔོ་བ་ཐུགས་སྨོན་དང་།  དེ་བཞིན་གོད་ཆགས་ཕོག་མཁན་མང་ཚོགས་ཀུན་ལ་གདུང་སེམས་མཉམ་སྐྱེད་ཞུ་ཡི་ཡོད་པ་བཀའ་སྩལ་འདུག  ༸གོང་ས་མཆོག་གིས་ད་དུང་།  ས་ཁུལ་དེར་སྔར་ཡང་དོན་རྐྱེན་འདི་ལྟ་བུ་བྱུང་མྱོང་ཡོད་པས།  འདི་དག་ནི་གནམ་གཤིས་འགྱུར་ལྡོག་གམ་ཡང་ན་གཏིང་ཟབ་ཀྱི་རྒྱུ་རྐྱེན་གཞན་རིགས་ཀྱི་རྟགས་མཚན་ཡིན་པར་ངེས་ཏེ།  གནོད་སྐྱོན་འདི་ལྟ་བུ་མ་ཡོང་བའི་ཆེད་དུ་གང་ཐུབ་ཅི་ཐུབ་ཀྱི་མཇུག་སྐྱོང་ལས་དོན་འོས་ཤིང་འཚམ་པ་སྤེལ་རྒྱུའི་ཐུགས་རེ་ཡོད་ཅེས་བཀའ་སྩལ་འདུག དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཁ་སང་ཕྱི་དྲོ་ X སྤྱི་ཚོགས་དྲྭ་ལམ་ཐོག  བོད་མིའི་སྒྲིག་འཛུགས་དང་བོད་མི་མང་ཡོངས་ཀྱི་ཚབ་ཞུས་ཏེ། བལ་བོད་ས་མཚམས་སུ་ཆུ་ལོག་དང་ས་རུད་ཚབས་ཆེ་བྱུང་བའི་དོན་རྐྱེན་གྱི་གོད་ཆག་འོག་ཚེ་སྲོག་ཤོར་བའི་ནང་མི་དང་ཤུགས་རྐྱེན་ཐེབས་པའི་མི་མང་ཡོངས་ལ་སེམས་གཏིང་ནས་གདུང་སེམས་མཉམ་སྐྱེད་དང་། གར་སོང་ཆ་མེད་དུ་གྱུར་བའི་མི་ཚང་མར་བདེ་འཇགས་ཡོང་བའི་སྨོན་འདུན་ཡོད་པ་གསུངས་འདུག་ལ།  དེ་རིང་བསྐྱར་དུ་སྲིད་སྐྱོང་སྤེན་པ་ཚེ་རིང་མཆོག་གིས་བོད་ཀྱི་བརྙན་འཕྲིན་ནང་ཐུགས་གསོའི་བརྙན་ཐུང་ཞིག་འདོན་སྤེལ་གནང་འདུག་པ་དེའི་ནང་།  བལ་བོད་ས་མཚམས་སུ་ཆུ་ལོག་གི་གོད་ཆགས་འོག་གནོད་འཚེ་ཕོག་མཁན་ཡོངས་ལ་གདུང་སེམས་མཉམ་སྐྱེད་དང་སྦྲགས།  ཐེངས་འདིའི་གོད་ཆགས་ཀྱི་དོན་རྐྱེན་དེ་ཆུ་རུད་ཀྱི་རྐྱེན་པས་བྱུང་བ་ཞིག་མིན་པའི་གནས་སྟངས་མཐོང་ཐུབ་ཡག་ཞིག་ཡིན་པ་གང་ལྟར་ཡང་།  ཐེངས་འདིའི་བལ་བོད་སྐྱིད་གྲོང་ཁུལ་དུ་གོད་ཆགས་ཀྱི་དོན་རྐྱེན་དེ་དེ་སྔ་ཕྱི་ལོ་ ༢༠༠༧།༠༨ སྐབས་སུ་བོད་ནང་འཁྱགས་རོམ་བཞུར་ཏེ་ཆུ་ཁེངས་པའི་གནས་སྟངས་འོག་གློ་བུར་དུ་རྒྱུག་ཆུ་རྡོལ་བ་སོགས་དང་འདྲ་འདུག་ཅེས་གསུངས་འདུག་ལ།  རྒྱ་ནག་ངོས་ནས་ད་ལྟའི་ཆུ་ལོག་གི་གོད་ཆགས་འོག་བོད་ནང་ཚེ་སྲོག་ཤོར་བ་ཇི་ཙམ་བྱུང་ཡོད་མེད་ཀྱི་གྲངས་ཐོ་གསལ་པོ་བཤད་ཀྱི་མེད་པ་སོགས་གསུངས་སོང་།  མ་ཟད་ཐེངས་འདིའི་གོད་ཆགས་ཁྲོད་རྐྱེན་འདས་སུ་ཕྱིན་པའི་མང་ཚོགས་ཡོངས་དང་ལྷག་པར་དུ་བོད་མི་ཁག་གཅིག་འདས་གྲོངས་སུ་ཕྱིན་པ་དང་ཁག་གཅིག་གར་སོང་ཆ་མེད་གྱུར་ཡོད་པར་བརྟེན།  དེ་རིང་ཉིན་རྒྱབ་ཕྱག་ཚོད་ ༢ པའི་ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་སྒྲིག་འཛུགས་ཀྱི་གོ་སྒྲིག་འོག་མཛད་གཙོ་རྣམ་པ་དང་སྲི་ཞུ་ལས་བྱེད་དེ་བཞིན་བཞུགས་སྒར་ཁུལ་གྱི་བོད་མི་ཚང་འཛོམས་ཐོག་བལ་བོད་ས་མཚམས་ར་སུ་ཝ་དང་སྐྱོད་གྲོ་ཁུལ་དུ་ཆུ་ལོག་གི་དོན་རྐྱེན་ཐོག་མྱ་ངན་གྱི་གཞུང་འབྲེལ་མཆོད་འབུལ་སྨོན་ལམ་ཞིག་ཀྱང་འཚོགས་སོང་།  དེ་བཞིན་ཨ་རིར་རྟེན་གཞི་བྱས་པའི་རྒྱལ་སྤྱི་བོད་དོན་ལས་འགུལ་ཁང་གིས་བལ་བོད་ས་མཚམས་སུ་ཆུ་ལོག་གི་དོན་རྐྱེན་འོག་གོད་ཆགས་ཕོག་མཁན་ཀུན་ལ་གདུང་སེམས་མཉམ་སྐྱེད་དང་གར་སོང་ཆ་མེད་དུ་གྱུར་བ་ཚང་མ་བདེ་འཇགས་ངང་ཉེན་སྐྱོབ་ཐུབ་པའི་རེ་བ་ཡོད་ཅེས་གསུང་པ་དང་འབྲེལ།  བལ་ཡུལ་གཞུང་ངོས་ནས་ར་སུ་ཝ་ཁུལ་དུ་ཆུ་ལོག་གི་གོད་ཆགས་དང་འབྲེལ་བའི་གནས་ཚུལ་རྣམས་དུས་ཐོག་མཁོ་སྤྲོད་བྱེད་ཀྱི་ཡོད་པ་དང་ཆུ་ལོག་གི་ཤུགས་རྐྱེན་འོག་ཐེབས་པའི་མི་མང་ཡོངས་ལ་རོགས་སྐྱོར་དང་མཐུན་འགྱུར་གནང་གི་ཡོད་པ་ལྟར།  བོད་སྐྱོད་གྲོང་ཁུལ་དུ་ཆུ་ལོག་གི་གོད་ཆགས་འོག་གནོད་སྐྱོན་ཕོག་མཁན་རྣམས་ལ་ཉེན་སྐྱོབ་ཀྱི་ལས་དོན་དུས་ཐོག་སྤེལ་ཐུབ་པ་དང་།  དེ་བྲེལ་གྱི་གནས་ཚུལ་ཕྱི་གསལ་ནང་གསལ་ཡོང་བ།  དེ་བཞིན་དགོས་ངེས་ཀྱི་རོགས་སྐྱོར་རྣམས་བཀག་འགོག་མེད་པའི་ཐོག་ནས་སྤེལ་ཐུབ་པའི་རེ་བ་གནང་གི་ཡོད་སྐོར་གསུངས་འདུག...

Hundreds of people gathered outside hospitals in Nepal on Thursday, searching for family members and friends who went missing in devastating flash floods that killed at least 359 people, as search operations continued at riverbanks and downstream areas for...

Keshav Prasad Baral recounts what he experienced when a huge wall of mud and rock collapsed into a river on the Himalayan border of Nepal and Tibet on Wednesday, burying his wife.

New satellite imagery added to scientists’ understanding of the events that precipitated the deadly flooding in Nepal and Tibet.

Catastrophic flash floods in a border area of China and Nepal have killed at least 353 and left more than 1,300 people missing as of Thursday.

As the death toll from Nepal’s devastating flash floods surged to 359 on Thursday, rescuers launched a desperate race against time to trace hundreds still missing, including 288 Indian nationals. The massive flash flood originating in Tibet swept through...

Chinese scientists have developed a cross-border early warning system with counterparts in Nepal to monitor Himalayan glacial lake outburst floods. The system has issued timely alerts over the past several years, effectively preventing casualties. But on Wednesday, a high-altitude...

China has warned that Nepal faces a fresh flash flood threat over the next three days as a barrier lake has formed near the country's border with Tibet. The lake has already begun overflowing and a breach could trigger...

The UK on Thursday offered 5 million pounds and emergency responders to Nepal after flash floods in the country claimed hundreds of lives and left over a thousand missing, including around 33 British nationals. British Prime Minister Andy Burnham...

དེ་རིང་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་སྲིད་སྐྱོང་ཚོགས་ཁང་དུ། བོད་མིའི་མཉམ་འབྲེལ་བཅོ་ལྔའི་ལོ་འཁོར་འཛིན་སྐྱོང་ཚོགས་ཆེན་ཐེངས་ ༢༥ པ་དེ་དབུ་འཛུགས་གནང་སོང་། དེ་ཡང་དེ་རིང་ནས་བཟུང་ཉིན་བཞིའི་རིང་འཚོགས་གཏན་ཁེལ་བའི་བོད་མིའི་མཉམ་འབྲེལ་བཅོ་ལྔའི་ལོ་འཁོར་འཛིན་སྐྱོང་ཚོགས་ཆེན་དུ། སྔ་དྲོ་ཚོགས་ཆེན་ཐོག་སྐུ་མགྲོན་གཙོ་བོ་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་དང་དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག བོད་མི་མང་སྤྱི་འཐུས་རྒྱུན་ལས་རྣམ་པ་དང་དྲུང་ཆེ་རྣམ་པ། དེ་བཞིན་བོད་མིའི་སྤྱི་མཐུན་མཉམ་འབྲེལ་གྱི་ཚོགས་གཙོ་པདྨ་བདེ་ལེགས་ལགས་དང་ས་གནས་ཁག་བཅོ་ལྔའི་མཉམ་འབྲེལ་གྱི་ཚོགས་གཙོ་དང་དྲུང་ཆེ་བཅས་མཉམ་ཞུགས་གནང་སོང་། མཛད་སྒོའི་ཐོག་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས། བོད་མིའི་སྤྱི་མཐུན་མཉམ་འབྲེལ་གྱི་དྲྭ་ཚིགས་གསར་པ་དབུ་འབྱེད་གནང་སོང་བ་མ་ཟད། སྐུ་མགྲོན་གཙོ་བོ་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་གིས་བོད་མིའི་མཉམ་འབྲེལ་གྱི་བྱུང་རིམ་དང་གལ་གནད་སྐོར་གསུངས་བ་དང་སྦྲགས། འཛིན་སྐྱོང་ནང་ཕྱག་ལས་གནང་བའི་སྐབས་འཐུས་ཤོར་གང་ཕྱིན་པ་རྣམས་ལ་ལྟ་རྟོགས་བྱེད་ཐུབ་དགོས་པ་དང་།  གཞིས་ཆགས་ནང་རྙོག་གྲ་གང་བྱུང་པ་རྣམས་དུས་ཐོག་ལ་ཐག་གཅོད་བྱེད་ཐུབ་དགོས་གལ་ཡིན་པ་དང་ངེས་པར་དུ་རྒྱ་གར་གྱི་ཁྲིམས་དང་མཐུན་པའི་ཕྱག་ལས་གནང་དགོས་གལ་ཡིན་པའི་ལམ་སྟོན་གནང་སོང་། ཕྱོགས་མཚུངས་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གིས། ལས་བྱེད་རྣམས་ནས་ཕྱག་ལས་གནང་བའི་སྐབས་ལྷག་བསམ་ཡོད་པའི་ཐོག་ནས་ཕྱག་ལས་གནང་དགོས་གལ་ཡིན་པ་ནན་བརྗོད་དང་སྦྲགས། ད་རེས་མཉམ་འབྲེལ་གྱི་ལས་བྱེད་ནང་ནམ་རྒྱུན་དང་མ་འདྲ་བའི་བུད་མེད་བརྒྱ་ཆ་ ༤༩ ཡོད་པ་ནི་དགའ་འོས་པ་ཞིག་དང་སྤོབས་པ་བྱེད་འོས་པ་ཞིག་རེད་ཅེས་གསུངས་བ་མ་ཟད། བུད་མེད་རྣམས་ནས་སྤུངས་པ་མཉམ་གཤིབ་ཀྱི་དཀའ་ལས་རྒྱག་དགོས་པ་གསུངས་སོང་། མཛད་སྒོ་གྲུབ་མཚམས་སུ་འདི་ག་རླུང་འཕྲིན་ཁང་གིས་བོད་མིའི་མཉམ་འབྲེལ་གྱི་ཚོགས་གཙོ་པདྨ་བདེ་ལེགས་ལགས་སུ་བཅར་འདྲི་ཞུས་ཡོད་པས་གོང་གི་སྒྲ་སྒམ་ནས་གསན་ཐུབ། རྩ་བའི་ཐེངས་འདིའི་བོད་མིའི་མཉམ་འབྲེལ་བཅོ་ལྔའི་ལོ་འཁོར་འཛིན་སྐྱོང་ཚོགས་ཆེན་ཐེངས་ ༢༥ པ་དེ་བཞིན་དེ་རིང་ནས་བཟུང་ཚེས་ ༣༠ བར་ཉིན་གྲངས་བཞིའི་རིང་ཚོགས་རྒྱུ་ཡིན་པ་དང་ས་གནས་ཁག་ ༡༥ ནས་མཉམ་འབྲེལ་ཚོགས་གཙོ་དང་དྲུང་ཆེ་རྣམས་པ་ཆེད་ཕེབས་གནང་ཡོད་པ་མ་ཟད། ཉིན་བཞིའི་རིང་བོད་མིའི་མཉམ་འབྲེལ་ཁག་གི་ལས་དོན་གནང་ཕྱོགས་དང་ལྷག་པར་དུ་ལོ་འཁོར་ལས་བསྡོམས་དང་རྩིས་ཁྲ་སྙན་སེང་བཅས་ཞུ་རྒྱུ་ཡིན་པ་རེད་འདུག The post བོད་མིའི་མཉམ་འབྲེལ་བཅོ་ལྔའི་ལོ་འཁོར་འཛིན་སྐྱོང་ཚོགས་ཆེན་ཐེངས་ ༢༥ པ་དབུ་འཛུགས། appeared first on vot.