༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཆོས་རིག་བཀའ་བློན་མཆོག་ཕྱི་ལོ་ ༢༠༢༦ ཟླ་བ་ ༨ ཚེས་ ༢༥ ཉིན་༸དཔལ་ས་སྐྱ་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། ༸དཔལ་ས་སྐྱ་ཁྲི་འཛིན་ཞེ་གཉིས་པ་རཏྣ་བཛྲ་རིན་པོ་ཆེ་མཆོག་རྣམ་གཉིས་ལ་འཚམས་འདྲིའི་མཇལ་ཁ་ཞུས་པ་དང་། སྡེ་ར་སྡུན་བདེ་སྐྱིད་གླིང་གཞིས་ཆགས་ཀྱི་གཞུང་དང་གཞུང་ཁོངས་མིན་པའི་སྡེ་ཚན་ཁག དེ་བཞིན་ཚེ་རིང་དོན་ལྡན་གཞིས་ཆགས་བཅས་སུ་འཚམས་གཟིགས་གནང་ཡོད། དེ་ཡང་གོང་ཚེས་སྔ་དྲོ་ཕྱག་ཚོད་ ༡༠ ཐོག་༸དཔལ་ས་སྐྱ་༸སྒྲོལ་མ་ཕོ་བྲང་དུ་༸དཔལ་ས་སྐྱ་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། ༸དཔལ་ས་སྐྱ་ཁྲི་འཛིན་ཞེ་གཉིས་པ་རཏྣ་བཛྲ་རིན་པོ་ཆེ་མཆོག་རྣམ་གཉིས་ལ་འཚམས་མཇལ་ཞུས་ཤིང་། ཆོས་རིག་ལས་ཁུངས་ཀྱི་སྔར་སྲོལ་བཟང་པོ་བཞིན་བཀའ་ཤག་སྐབས་ ༡༧ པའི་ཆོས་རིག་བཀའ་བློན་གྱི་ཐུགས་ཁུར་བཞེས་ཏེ་དབུ་ཁྲིད་བླ་ཆེན་རྣམ་པར་འཚམས་མཇལ་ཞུ་སྲོལ་ཡོད་པ་ལྟར་འཛིན་སྐྱོང་གི་ལས་དོན་ལམ་ལྷོང་ཡོང་ཕྱིར་ཐུགས་སྨོན་སྐྱབས་འཇུག་བསྩལ་གནང་ཡོང་བའི་གསོལ་འདེབས་ཞུས། དེ་བཞིན་བཀའ་ཤག་སྐབས་ ༡༧ པའི་བཀའ་བློན་སྒྲུབ་ཆ་དང་། བཀའ་ཤག་གི་སྤྱི་ཡོངས་ཀྱི་ལས་དོན་ཞུ་ཕྱོགས་དང་ལངས་ཕྱོགས། ཆོས་རིག་ལས་ཁུངས་ཀྱི་ལས་གཞི་གལ་ཆེ་བ་གནས་སྐོར་མཉེན་ཆས་དང་། བོད་ཀྱི་གྲངས་འཛིན་དཔེ་མཛོད་བཅས་ངོ་སྤྲོད་ཞུས། ༸དཔལ་ས་སྐྱ་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ནས་བོད་ཀྱི་སྐད་དང་ཡི་གེ་ཉམས་ཆག་ཧ་ཅང་ཆེན་པོ་འགྲོ་བཞིན་པར་ཐུགས་འཚབ་ཆེན་པོ་ཡོད་པ་དང་། དེ་སྔོན་ཕྱི་ལོ་ ༢༠༡༧ ལོར་བཀའ་ཤག་ལ་ཞུས་དོན་ལྟར། ཕྱི་ལོ་ ༢༠༢༦ ཟླ་ ༡༡ ནང་༸དཔལ་ས་སྐྱ་ཁྲི་འཛིན་ཞེ་བཞི་པ་༸ཨ་བི་ཀྲྀ་ཏ་བཛྲ་རིན་པོ་ཆེ་མཆོག་གི་ཁྲི་འདོན་མཛད་སྒོ་བསྐྱངས་གཏན་ཁེལ་བ་བཞིན་སླད་ཕྱིན་བོད་མིའི་སྒྲིག་འཛུགས་ཀྱི་གཞུང་འབྲེལ་ལས་དོན་གནང་སྒོ་ཁག་༸དཔལ་ས་སྐྱ་ཕུན་ཚོགས་ཕོ་བྲང་ལ་འབྲེལ་བ་གནང་དགོས་པའི་བཀའ་སློབ་སྩལ།དེ་རྗེས་སྡེ་ར་སྡུན་བདེ་སྐྱིད་གླིང་གཞིས་ཆགས་ཀྱི་ས་གནས་བཟོ་གྲྭ་དང་། ཤེལ་གྱི་བཟོ་གྲྭ (Exile Creations Private Limited)...

༢༠༢༧ ལོར་རྒྱ་ནག་དམར་ཤོག་གི་ཚོགས་ཆེན་ ༢༡ པ་འདི་ཚོགས་རྒྱུར་གྲ་སྒྲིག་བྱེད་བཞིན་ཡོད་པའི་སྐབས་དེར། རྒྱ་ནག་གཞུང་གིས་བོད་དུ་ཆབ་སྲིད་ཐོག་བསམ་པ་རྣམ་དག་དང་། དམར་ཤོག་ཚོགས་པའི་ལྟ་བ་དང་མཐུན་པ། མི་རིགས་མཉམ་བསྲེས་ཀྱི་སྲིད་ཇུས་ལག་བསྟར་བྱེད་ཐུབ་མཁན་གྱི་མི་རབས་གསར་པའི་འགོ་ཁྲིད་དཔུང་ཁག་ཅིག་གསོ་སྐྱོང་བྱེད་བཞིན་ཡོད་པ་རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ཟླ་ ༨ ཚེས་ ༡༨ ཉིན་སྙན་ཐོ་ཞིག་བཏོན་ཡོད་པའི་ནང་བཀོད་འདུག

སྤྱི་ལོ་༢༠༢༦ པའི་ཟླ་༧ པའི་ཚེས་༢ ཉིན། ཨ་རིའི་ནེའུ་ཡོག་གྲོང་ཁྱེར་ཏུ་ཆགས་པའི་མཉམ་འབྲེལ་རྒྱལ་ཚོགས་མདུན་ཐང་དུ། བོད་གངས་ཅན་པའི་ཆབ་སྲིད་དཀའ་རྙོག་སེལ་སླད་དུ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་གནང་བ་དེ་ནི། ཡུལ་དུས་གཉིས་ཀའི་ཆ་ནས་དམིགས་བསལ་ཅན་ཞིག་ཆགས་བསྡད་ཅིང་། མི་རིགས་ཀྱི་ཆེད་དུ་རང་སྲོག་བློས་བཏང་གནང་པའི་བོད་པ་ཨ་རི་བ་དང་པོ་རེད་ལ། བོད་ཀྱི་རྒྱལ་གཅེས་དཔའ་བོ་ཨང་༡༧༡་པ་དེའང་ཆགས། The post ༄༅། །རྒྱལ་གཅེས་དཔའ་བོ་བློ་དགའ་རང་བཙན་ལགས་དང་བཅས་པའི་རང་ལུས་མེར་བསྲེགས་དང་དེའི་འཕྲོས་དོན་བརྟག་དབྱེ་བོད་བཙན་པོའི་རྟིང་འཇུག་དུས་ཀྱི་མེ་དཔུང་ཞེས་བྱ་བ་བཞུགས་སོ།། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༤ ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་གིས་འགྲོ་ཕན་བོད་ཀྱི་སྨན་རྩིས་ཁང་དུ་གཞུང་འབྲེལ་འཚམས་གཟིགས་གནང་ཡོད། དེ་ཡང་འཕྲོད་བསྟེན་བཀའ་བློན་པདྨ་མཚོ་མཆོག་འགྲོ་ཕན་བོད་ཀྱི་སྨན་རྩིས་ཁང་དུ་ཕེབས་འབྱོར་སྐབས་ཕེབས་བསུའི་སྣེ་ལེན་ཞུས་གྲུབ་རྗེས་ཚོགས་ཁང་དུ་སྣང་གསལ་མར་མེ་ཞལ་ཕྱེ་གནང་རྗེས་བཀའ་བློན་མཆོག་གིས་འགྲོ་ཕན་བོད་ཀྱི་སྨན་རྩིས་ཁང་གི་འཛིན་སྐྱོང་སྡེ་ཚན་དང་། མཐོ་སློབ། སྐར་རྩིས་སྡེ་ཚན། སྨན་སྦྱོར་སྡེ་ཚན། སྨན་རྫས་རིག་པའི་སྡེ་ཚན། ནད་བཅོས་ཉམས་ཞིབ་དང་སེམས་ཁམས་འཕྲོད་བསྟེན་སྡེ་ཚན་བཅས་སྡེ་ཚན་ཁག་ལ་གཟིགས་ཞིབ་གནང་སྟེ་བོད་ཀྱི་གསོ་བ་རིག་པའི་སྨན་སྦྱོར་དང་། ཉམས་ཞིབ། ཤེས་ཡོན། རྒྱུན་འཛིན་བཅས་ཀྱི་ཐོག་རྒྱུས་ལོན་གནང་ཡོད།བཀའ་བློན་མཆོག་གིས་འགྲོ་ཕན་བོད་ཀྱི་སྨན་རྩིས་ཁང་གི་འགན་འཛིན་དང་། སྡེ་ཚན་འགན་འཛིན། ལས་བྱེད། སྨན་པ། སློབ་གཉེར་བ། སྦྱོང་བརྡར་བ་བཅས་ཀྱི་ལྷག་བསམ་ལ་ཡི་རང་བསྔགས་བརྗོད་ཞུས་པ་དང་འབྲེལ། སྨན་རྩིས་ཁང་ནི་བོད་ཀྱི་གསོ་བ་རིག་པའི་རིག་གནས་དང་། ལྷག་པར་བོད་ཀྱི་ཆོས་དང་རིག་གཞུང་། སྐད་ཡིག སྲོལ་རྒྱུན་ཤེས་ཡོན་བཅས་ཉར་ཚགས་དང་སྲུང་སྐྱོབ་གོང་སྤེལ་སླད་གལ་གནད་ཆེན་པོ་ཞིག་ཡིན་པ་འགྲེལ་བརྗོད་གནང་ཡོད། དེ་བཞིན་བཀའ་བློན་པདྨ་མཚོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེས་ལ་ཆེ་བསྟོད་དང་འབྲེལ། བོད་ཀྱི་གསོ་བ་རིག་པ་ཉམས་ལེན་གནང་མཁན་གྱི་མི་རབས་རྒན་པ་རྣམས་ཀྱི་བཀའ་དྲིན་ལས་བཙན་བྱོལ་དུ་བོད་ཀྱི་གསོ་བ་རིག་པ་མི་ཉམས་རྒྱུན་འཛིན་གནང་ཐུབ་ཡོད་པར་བཀའ་དྲིན་རྗེས་དྲན་ཞུས་ཏེ། སྒྲིག་འཛུགས་ཀྱི་འཛིན་སྐྱོང་དང་། ཤེས་ཡོན། ཉམས་ཞིབ། སྤྱི་ཡོངས་ཀྱི་ནུས་པ་བཅས་སྲ་བརྟན་གཏོང་བར་མུ་མཐུད་འབད་བརྩོན་གནང་དགོས་པའི་སྐུལ་འདེད་གནང་བ་དང་། བོད་རིགས་དང་ཕྱི་རྒྱལ་གྱི་སློབ་མ་རྣམས་ལ་གསོ་རིག་སྐོར་སློབ་ཁྲིད་ཀྱིས་གོ་ལའི་ཐོག་བོད་ཀྱི་གསོ་བ་རིག་པའི་གོ་རྟོགས་སྤེལ་དགོས་པའི་སྐོར་གསུངས།འཕྲོད་བསྟེན་ལས་ཁུངས་ནས་འགྲོ་ཕན་བོད་ཀྱི་སྨན་རྩིས་ཁང་ལ་ཆོད་སེམས་བརྟན་པོས་རྒྱབ་སྐྱོར་གནང་རྒྱུ་ཡིན་པ་བསྐྱར་ནན་གནང་སྟེ། བོད་ཀྱི་གསོ་རིག་སྲུང་སྐྱོབ་དང་མི་ཉམས་རྒྱུན་འཛིན་བྱ་རྒྱུ་ནི་ཐུན་མོང་གི་འགན་འཁྲི་ཡིན་པ་ནན་བརྗོད་གནང་ཡོད། ཁོང་གིས་རྩ་ཆེའི་གསོ་རིག་གི་རིག་གནས་འདིས་བོད་མི་ཙམ་མ་ཟད། འཛམ་གླིང་ཡོངས་ཀྱི་སྐྱེ་འགྲོ་ཀུན་ལ་མུ་མཐུད་ཕན་ཐོགས་ཡོང་བ་བྱ་རྒྱུ་ནི་གལ་འགངས་ཆེན་པོ་ཡིན་པ་གསུངས། མཐར་བཀའ་བློན་མཆོག་གིས་འགྲོ་ཕན་བོད་ཀྱི་སྨན་རྩིས་ཁང་གི་ལས་བྱེད་རྣམས་ཀྱི་ལྷག་བསམ་ལ་ཡིད་ཆེས་བརྟན་པོ་ཡོད་པ་དང་འབྲེལ། འབྲེལ་ཡོད་ཚང་མས་མུ་མཐུད་སྒྲིག་འཛུགས་དེ་ཉིད་སྲ་བརྟན་ཡོང་སླད་ཕྱར་བ་གྲུ་འདེགས་ཀྱིས་ཕྱག་ལས་གནང་དགོས་པ་དང་། མ་འོངས་པའི་མི་རབས་གསར་པ་རྣམས་ཀྱི་ཆེད་དུ་ཐུན་མོང་མ་ཡིན་པའི་བོད་ཀྱི་གསོ་རིག་གི་རིག་གཞུང་འདི་ཉིད་སྲུང་སྐྱོབ་གནང་ཐད་འབད་བརྩོན་གནང་དགོས་པའི་འབོད་སྐུལ་གནང་ཡོད་པ་བཅས།...

རྒྱ་ནག་གི་བྱེད་བབ་དེར་བལྟས་ཚེ། རྒྱ་དཀར་ནག་གི་ས་མཚམས་རྩོད་རྙོག་སྐོར་གྱི་དམིགས་བསལ་སྐུ་ཚབ་དབར་གྱི་པེ་ཅིན་དུ་འཚོགས་པའི་གྲོས་མོལ་ཐེངས་ ༢༥ དེས། ས་མཚམས་ཀྱི་དཀའ་རྙོག་ཡོངས་སུ་སེལ་ཐབས་བྲལ་བ་ཡིན་ཞེས་གནད་དོན་དབྱེ་ཞིབ་པས་གསུང་གི་འདུག རྒྱ་ནག་གི་སྲིད་འཛིན་ཞི་ཅིན་ཕིང་ལོ་བདུན་གྱི་རྗེས་སུ་རྒྱ་གར་གྱི་རྒྱལ་ས་ལྡི་ལིར། སྦརིཀསི་ (BRICS) ཞེས་པའི་ཕྱི་ཟླ་ ༩ པའི་ནང་རྒྱལ་ཁབ་ལྔའི་དབུ་ཁྲིད་ལྷན་ཚོགས་ཐོག་མཉམ་ཞུགས་བྱ་རྒྱུ་ཡིན་པའི་སྐབས་འདིར། རྒྱ་གར་གྱི་རྒྱལ་སྲུང་སློབ་སྟོན་པ་ཨཇིཏ་ཌོ་ཝལ་ (Ajit Doval) ལགས་དང་རྒྱ་ནག་གི་ཕྱི་སྲིད་བློན་ཆེན་ཝང་ཡི་ (Wang Yi) དབར་ཟླ་ ༨ ཚེས་ ༢༥ ཉིན་རྒྱ་ནག་གི་རྒྱལ་ས་པེ་ཅིན་དུ་ས་མཚམས་རྩོད་རྙོག་སྐོར་གྱི་དམིགས་བསལ་སྐུ་ཚབ་དབར་གྱི་གྲོས་མོལ་ཐེངས་ ༢༥ དེ་འཚོགས་འདུག་ཅིང་། ས་མཚམས་དང་འབྲེལ་བའི་གྲོས་མོལ་ཐེངས་རྗེས་མ་དེ་ཕྱི་ལོ་ ༢༠༢༧ ལོར་རྒྱ་གར་དུ་འ...

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༥ ཉིན་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་ལས་བྱེད་གསོལ་ཚིགས་ཁང་གི་ཡང་སྟེང་ཚོགས་ཁང་དུ་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་ས་གནས་འགོ་འཛིན་དང་སོ་ནམ་སློབ་སྟོན་པ་རྣམས་ཀྱི་འཛིན་སྐྱོང་ཚོགས་ཆེན་ཐེངས་ ༡༧ དབུ་འཛུགས་གནང་སོང་། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། ནང་སྲིད་བཀའ་བློན་དཔལ་ལྡན་དོན་གྲུབ་མཆོག དཔལ་འབྱོར་བཀའ་བློན་གྱར་སར་ཚེ་རིང་དོན་གྲུབ་མཆོག ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག འཕྲོད་བསྟེན་བཀའ་བློན་པདྨ་མཚོ་མཆོག བློན་ཆེན་ལས་ཁུངས་ཁག་གི་དྲུང་ཆེ་རྣམ་པ་དང་། ས་གནས་ཁག་གི་ས་གནས་འགོ་འཛིན་ ༣༦ དང་སོ་ནམ་སློབ་སྟོན་པ་ ༡༢ བཅས་ལྷན་འཛོམས་ཀྱིས་དབུ་འབྱེད་མཛད་སྒོ་ཚོགས་ཡོད།མཛད་སྒོའི་ཐོག་མར་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་མཆོག་ནས་སྣང་གསལ་མར་མེ་ཞལ་ཕྱེ་གནང་རྗེས་རིམ་བཞིན་བཀའ་བློན་རྣམ་པ་དང་དྲུང་ཆེ་རྣམ་པས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་ཞུས་ཡོད། དེ་ནས་ཚང་མས་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བླངས་གྲུབ་བསྟུན་རྟེན་འབྲེལ་གསོལ་ཇ་འབྲས་སིལ་འདེགས་འབུལ་ཞུས། དེ་ནས་ནང་སྲིད་དྲུང་ཚབ་ཚེ་རིང་གཡུ་སྒྲོན་ལགས་ཀྱིས་ཐེངས་འདིའི་ཚོགས་ཆེན་གྱི་ངོ་སྤྲོད་གསུང་བཤད་གནང་དོན། ཚོགས་ཆེན་འདིའི་ཐོག་གཙོ་བོ་གྲོས་གཞི་ལྔའི་ཐོག་གྲོས་བསྡུར་གནང་རྒྱུ་ཡིན་ཞིང་། དེའི་ནང་རྒྱ་གཞུང་གིས་བོད་ནང་མི་རིགས་སིམ་སྒྱུར་གྱི་སྲིད་བྱུས་ལག་བསྟར་བྱེད་བཞིན་པར་གདོང་ལེན་བྱ་ཐབས་དང་། རྒྱ་གར་གཞུང་ནས་གནང་བའི་ས་ཆ་ཁག་བེད་སྤྱོད་ཚུལ་བཞིན་ལྡན་པ་སྤྱོད་ཐབས། ས་གནས་ཁག་གི་སྤྱི་མི་དང་བརྒྱ་དཔོན་རྣམ་པའི་ལས་དོན་བྱེད་ཕྱོགས་ཀྱི་རྩ་འཛིན་ལམ་སྟོན་ཐོག་གྲོས་བསྡུར། ནང་སྲིད་ལས་ཁུངས་ཀྱི་ཁྱབ་ཁོངས་སུ་ཡོད་པའི་རྒས་གསོ་ཁང་ཚགས་ཚུད་གཏོང་ཐབས། དབུས་ས་གཉིས་ཀྱི་འཛིན་སྐྱོང་ཚགས་ཚུད་གཏོང་ཐབས་བཅས་ཡིན་པ་ངོ་སྤྲོད་གནང་།དེ་རྗེས་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་གིས་ས་གནས་འགོ་འཛིན་དང་། སོ་ནམ་སློབ་སྟོན་པ་རྣམས་ཀྱི་རྒྱུན་གཏན་འགན་ཁུར་ཞུ་ཕྱོགས་དང་འབྲེལ་བའི་ཐོག་གསུང་བཤད་གནང་སྐབས། དང་ཐོག་ཚོགས་ཆེན་འདིར་ཕེབས་པའི་མཉམ་ཞུགས་པ་རྣམས་ནས་ཟིན་བྲིས་གང་ལེགས་གནང་དགོས་གལ་ཡིན་པ་ནན་བརྗོད་གནང་། དེ་ནས་ཁོང་གིས་ས་གནས་ས་ཐོག་ཏུ་ཡོད་པའི་ས་གནས་འགོ་འཛིན་རྣམས་བོད་མིའི་སྒྲིག་འཛུགས་ཀྱི་རྩ་བ་ལྟ་བུ་ཡིན་པས་ས་གནས་འགོ་འཛིན་རྣམ་པས་ཕྱག་ལས་ཡག་པོ་གནང་ཚེ་བོད་མིའི་སྒྲིག་འཛུགས་ཀྱང་དེ་ཙམ་གྱི་ཡར་རྒྱས་གོང་འཕེལ་འགྲོ་ངེས་ཡིན་པ་གསུངས། དེ་བཞིན་ས་གནས་འགོ་འཛིན་དང་སོ་ནམ་སློབ་སྟོན་པ་རྣམས་དམིགས་ཡུལ་གཉིས་བཟུང་སྟེ་ཕྱག་ལས་གནང་དགོས་པའི་ཐོག་ལམ་སྟོན་གནང་ཞིང་། ནང་སྲིད་བཀའ་བློན་མཆོག་གིས་བོད་མི་གཞིས་བྱེས་གཉིས་མཉམ་འཛོམས་མ་བྱུང་བར་དུ་བོད་མིའི་འདུ་སྡོད་ས་གནས་སོ་སོར་ཆབ་སྲིད་ཀྱི་གོ་རྟོགས་སྤེལ་རྒྱུ་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་པ་འཕྲིན་ལས་དང་། བོད་མིའི་སྒྲིག་འཛུགས་ཀྱི་ལས་དོན་བྱེད་ཕྱོགས་རྣམས་མང་ཚོགས་ལ་གོ་རྟོགས་སྤེལ་རྒྱུ་གལ་ཆེན་ཡིན་པ་དང་།...

ཐེངས་འདིའི་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་ས་གནས་མགོ་འཛིན་དང་སོ་ནམ་སློབ་སྟོན་པ་རྣམས་ཀྱི་འཛིན་སྐྱོང་གི་ཚོགས་ཆེན་ཐེངས་བཅུ་བདུན་པའི་ཐོག་གྲོས་གཞི་དོན་ཚན་ལྔ་ཡི་ཐོག་ལ་གྲོས་མོལ་དང་གཏན་འབེབས་གནང་རྒྱུ་ཡིན་འདུག The post སྲིད་སྐྱོང་མཆོག་གིས་ས་གནས་མགོ་འཛིན་རྣམས་ཆོལ་ཁ་ཆོས་ལུགས་ཀྱི་རྩོད་རྙོག་ཁྲོད་འཛུལ་མི་ཉན་པར་དཀྱིལ་དུ་བསྡད་དགོས་པའི་སྐུལ་མ་གནང་།  appeared first on བོད་ཀྱི་དུས་བབ།.

ཕྱི་ལོ་༢༠༢༦ཟླ་༨པའི་ཚེས་༢༥ཉིན། རྒྱ་གར་གྱི་The Hindu ཞེས་པའི་གསར་ཁང་གིས་གནས་ཚུལ་སྤེལ་གསལ་ལྟར་ན། རྒྱ་གར་གྱི་རྒྱལ་སྲུང་སློབ་སྟོན་པ་(NSA) ཨ་ཇིཊ་ཌོ་ཝཱལ་ (Ajit Doval) མཆོག་གིས་རྒྱ་ནག་གི་རྒྱལ་ས་པེ་ཅིན་དུ་རྒྱ་ནག་གི་ཕྱི་འབྲེལ་བློན་ཆེན་ཝང་ཡེ་ The post རྒྱ་གར་གྱི་རྒྱལ་སྲུང་སློབ་སྟོན་པ་དང་རྒྱ་ནག་གི་སྲིད་འཛིན་གཞོན་པ་གཉིས་ཐུག་འཕྲད། appeared first on བོད་ཀྱི་བང་ཆེན།.

རྒྱ་ནག་ནང་པད་ཚལ་སོས་པར་གནས་ཐབས་སུ་རྫས་འདྲ་མིན་བེད་སྤྱོད་བྱེད་ཀྱི་ཡོད་པ་དང་། དེའི་ནང་ནས་ཉེན་ཁ་ཆེ་ཤོས་ཤིག་ནི་(Formaldehyde) ཞེས་པའི་རྫས་དེ་ཡིན་ཞིང་། རྫས་དེས་མིའི་ལུས་ཕུང་ལ་སྐྲན་ནད་ (Cancer) ཕོག་པའི་རྐྱེན་བྱེད་ཀྱི་ཡོད་པས། ཟས་རིགས་ནང་བེད་སྤྱོད་བྱེད་ཆོག་གི་ཡོད་མི་འདུག རྒྱ་ནག་གིས་པད་ཚལ་ཕོན་ཆེན་ལྷོ་ཤར་ཨེ་ཤེ་ཡའི་རྒྱལ་ཁབ་མང་པོར་ཕྱིར་ཚོང་བྱེད་ཀྱི་ཡོད་པས། མི་མང་དངངས་ཚབས་སྐྱེ་བཞིན་ཡོད་འདུག The post རྒྱ་ནག་ནང་པད་ཚལ་སོས་པར་ཉར་ཆེད་སྐྲན་ནད་བཟོ་བྱེད་ཀྱི་རྫས་ཤིག་བེད་སྤྱོད་བྱས། appeared first on བོད་ཀྱི་བང་ཆེན།.

རྒྱ་ནག་གཞུང་གིས་གཞིས་ཀ་རྩེར་ཤོག་སྦོག་ཕོན་ཆེན་སྤར་བའི་དོན་རྐྱེན་ལ་ཁ་གཡར་ནས་བོད་ཕྱོགས་ནས་ཇོ་མོ་གླང་མར་འཛེགས་རྒྱུ་བཀག་སྡོམ་བྱས་འདུག The post རྒྱ་ནག་གཞུང་གིས་བོད་ཕྱོགས་ནས་ཇོ་མོ་གླང་མར་འཛེགས་རྒྱུ་སྒོ་བརྒྱབ། appeared first on བོད་ཀྱི་དུས་བབ།.

ཕྱི་ཟླ་ ༩ ཚེས་ ༢༡ ནས་ ༢༧ བར་བདུན་ཕྲག་གཅིག་རིང་འཛམ་གླིང་ཡུལ་གྲུ་གང་སར་གནས་པའི་བོད་མི་ཡོངས་ནས་གནས་ཡུལ་སོ་སོར་བོད་མི་རིགས་ཀྱི་ངོ་བོ་གཅེས་སྲུང་གི་ལས་འགུལ་སྤེལ་དགོས་པའི་ཡོངས་ཁྱབ་གསལ་བསྒྲགས་སྤེལ་འདུག The post བོད་མི་ཡོངས་ནས་མི་རིགས་ཀྱི་ངོ་བོ་གཅེས་སྲུང་གི་ལས་འགུལ་སྤེལ་དགོས་པའི་ཡོངས་ཁྱབ་གསལ་བསྒྲགས་སྤེལ། appeared first on བོད་ཀྱི་དུས་བབ།.

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༢༤ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་ཨུཏྟརཱ་ཁནྜ་མངའ་སྡེའི་སྡེ་ར་སྡུན་ཁུལ་༸དཔལ་ས་སྐྱ་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། ༸དཔལ་ས་སྐྱ་ཁྲི་འཛིན་ཞེ་གསུམ་པ་ཛྙན་བཛྲ་རིན་པོ་ཆེ་མཆོག ཁྲི་འཛིན་ཞེ་གཉིས་རཏྞ་བཛྲ་རིན་པོ་ཆེ་མཆོག་ལ་འཚམས་འདྲིའི་མཇལ་ཁ་ཞུ་རྒྱུ་གཙོས་པས་ས་གནས་ཁྱབ་ཁོངས་དགོན་སྡེ་ཁག་དང་། གཞུང་དང་གཞུང་ཁོངས་མིན་པའི་སྡེ་ཚན་ཁག མི་མང་ཐུག་འཕྲད་བཅས་ཀྱི་གཞུང་འབྲེལ་འཚམས་གཟིགས་གནང་རྒྱུ་ཕེབས་འགོ་བཙུགས་ཡོད། དེ་ཡང་ཕྱི་ཚེས་ ༢༣ ཉིན་གྱི་ཕྱི་དྲོ་ཆུ་ཚོད་ ༦།༠༠ ཙམ་ལ་སྡེ་ར་སྡུན་གནམ་ཐང་དུ་ཕེབས་འབྱོར་སྐབས་ས་གནས་འགོ་འཛིན་ལས་ཁུངས་ཀྱི་ལས་དྲུང་དང་། བྱང་ཕྱོགས་ཁྲིམས་ཞིབ་ཁང་གི་ཁྲིམས་ཞིབ་པ། ས་གནས་འཐུས་ཚོགས། ས་གནས་རང་བདེན་ཚོགས་ཆུང་། མངོན་དགའ་བོད་ཕྲུག་དམིགས་བསལ་དགོས་མཁོ་ཅན་གྱི་སློབ་གྲྭའི་འགན་འཛིན་བཅས་ནས་ཕེབས་བསུ་ཀྱིས་བདེ་སྐྱིད་གླིང་མགྲོན་ཁང་མདུན་དུ་འབྱོར་སྐབས་ས་གནས་སྡེ་ཚན་ཁག་གི་སྐུ་ཚབ་རྣམས་ཀྱིས་ཕེབས་བསུ་ཞུས།ཕྱི་ཚེས་ ༢༤ ཉིན་གྱི་སྔ་དྲོ་ཆུ་ཚོད་ ༨།༠༠ ཐོག་༸དཔལ་ས་སྐྱ་ཁྲི་འཛིན་ཞེ་གསུམ་པ་ཛྙན་བཛྲ་རིན་པོ་ཆེ་མཆོག་ལ་འཚམས་འདྲིའི་མཇལ་ཁ་ཞུས་ཡོད། ཆོས་རིག་བཀའ་བློན་མཆོག་གིས་རིན་པོ་ཆེ་མཆོག་ལ་ཆོས་རིག་ལས་ཁུངས་ཀྱི་སྔར་སྲོལ་བཟང་པོ་བཞིན་ཆོས་རིག་བཀའ་བློན་གྱི་ཐུགས་ཁུར་བཞེས་རྗེས་དབུ་ཁྲིད་བླ་ཆེན་རྣམ་པར་འཚམས་མཇལ་ཞུས་ཏེ་འཛིན་སྐྱོང་གི་ལས་དོན་ལམ་ལྷོངས་ཡོང་ཕྱིར་ཐུགས་སྨོན་སྐྱབས་འཇུག་ཡོང་བའི་སྙན་སྒྲོན་ཞུས་པ་དང་། བཀའ་ཤག་སྐབས་ ༡༧ པའི་སྤྱི་ཡོངས་ཀྱི་ལས་དོན་ཞུ་ཕྱོགས་སྐོར་དང་། ཆོས་རིག་ལས་ཁུངས་ཀྱི་འགྲོ་བཞིན་པའི་ལས་གཞི་གལ་ཆེ་བ་གནས་སྐོར་མཉེན་ཆས་དང་གྲངས་འཛིན་དཔེ་མཛོད་བཅས་ཀྱི་ངོ་སྤྲོད་ཞུས། རིན་པོ་ཆེ་མཆོག་གིས་བོད་ཀྱི་ཆོས་བརྒྱུད་རིས་སུ་མ་ཆད་པའི་དགོན་སྡེ་གྲྭ་ཚང་ཁག་གི་སློབ་གྲྭ་ཁག་ཁྲིམས་མཐུན་དེབ་བསྐྱེལ་ཡོད་པའི་ཐོག་ལག་འཁྱེར་ཚད་ལྡན་གནང་རྒྱུ་གལ་ཆེན་པོ་ཡིན་པ་དང་། དེས་དགེ་འདུན་པ་གྲྭ་ཚང་ནས་ཕྱིར་ཐོན་ནའང་མི་ཚེའི་མདུན་ལམ་ཡོད་པ་ཞིག་དང་། ནང་པའི་སྤྱི་ཚོགས་ཁྱོན་ཡོངས་ཤེས་ཡོན་ལྡན་པའི་སྤྱི་ཚོགས་ཤིག་དང་། གྲྭ་རྒྱུན་གནས་ཐུབ་པའི་ཐབས་ལམ་བཟང་པོ་ཞིག་ཏུ་འགྱུར་ཐུབ་པའི་གཟིགས་སྣང་དང་ཐུགས་རེ་ཡོད་པ་བཅས་བཀའ་སློབ་བསྩལ་ཡོད།དེ་རྗེས་རིམ་བཞིན་ས་སྐྱ་བཤད་གྲྭ་དང་། རཱཇ་སྤུར་བོད་ཕྲུག་ཁྱིམ་སྡེ། ས་སྐྱ་ཆོས་སྒར། རཱཇ་སྤུར་བོད་ཀྱི་བུད་མེད་མཉམ་ལས་བཟོ་གྲྭ རཱཇ་པུར་འགྲོ་ཕན་བོད་ཀྱི་སྨན་རྩིས་ཁང་གི་ཡན་ལག་སྨན་ཁང་བཅས་སུ་འཚམས་གཟིགས་སུ་ཕེབས་ཏེ་བཀའ་བསྡུར་ལྷུག་པོ་གནང་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༤ ཉིན་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་ཤེས་རིག་ལས་ཁུངས་ནས་ཕྱི་ཟླ་ ༨ ཚེས་ ༡༧ ནས་ ༢༤ བཅས་ཉིན་གྲངས་བརྒྱད་རིང་གོ་སྒྲིག་ཞུས་པའི་དྷ་ས་དང་མ་སུ་རི་ཁུལ་གྱི་གཏན་ཉིན་སློབ་གྲྭ་ཁག་གི་རིགས་ལམ་འདུ་འཛོམས་མཇུག་སྒྲིལ་ཡོད། དེ་ཡང་མཇུག་བསྡོམས་མཛད་སྒོའི་ཐོག་སྐུ་མགྲོན་གཙོ་བོ་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། ཤེས་རིག་ཤེས་ཡོན་ལྷན་ཚོགས་ཀྱི་འགན་འཛིན་བསྟན་འཛིན་པདྨ་ལགས། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སློབ་སྤྱི་པ་སངས་ཚེ་རིང་ལགས་དང་། སློབ་སྤྱི་གཞོན་པ་དགེ་བཤེས་འཇིགས་མེད་བློ་གྲོས་ལགས། ཤེས་རིག་སྲོལ་རྒྱུན་ཚན་པའི་འགན་འཛིན་དངོས་གྲུབ་བསྟན་པ་ལགས། དེ་བཞིན་སློབ་གྲྭ་ཁག་བཅོ་ལྔའི་ལྟ་གྲུབ་དགེ་རྒན་དང་སློབ་ཕྲུག་ཕོ་མོ་བཅས་ཁྱོན་མི་གྲངས་ ༡༢༩ ལྷག་མཉམ་ཞུགས་གནང་ཡོད། མཛད་སྒོའི་ཐོག་མར་ཤེས་རིག་ཤེས་ཡོན་ཚན་པའི་འགན་འཛིན་དངོས་གྲུབ་བསྟན་པ་ལགས་ཀྱིས་ཤེས་རིག་ལས་ཁུངས་ནས་ཕྱི་ལོ་ ༢༠༡༢ ནས་འགོ་འཛུགས་ཀྱིས་ལོ་སྟར་ཆགས་རིགས་ལམ་འདུ་འཛོམས་འདི་ལྟ་བུ་གོ་སྒྲིག་གནང་དང་གནང་མུས་ཡིིན་པ་དང་། རིགས་ལམ་འདུ་འཛོམས་འདི་ཉིད་གོ་སྒྲིག་གནང་དགོས་པའ་ིདམིགས་ཡུལ་འབྲེལ། ཉིན་གྲངས་བརྒྱད་རིང་གི་ལས་བསྡོམས་སྙིང་བསྡུས་ཤིག་སྒྲོགས་སྦྱང་གནང་ཡོད།དེ་རྗེས་སློབ་གྲྭ་ཁག་ནས་སྐར་མ་ལྔ་རེའི་རྟགས་གསལ་སྤྱན་འབུལ་ཞུས་གྲུབ་རྗེས་མཉམ་ཞུགས་གནང་མཁན་སློབ་ཕྲུག་གི་སྐུ་ཚབ་གསུམ་དང་ལྟ་གྲུབ་དགེ་རྒན་གྱི་སྐུ་ཚབ་གཅིག་ནས་རིགས་ལམ་འདུ་འཛོམས་ཀྱི་མྱོང་ཚོར་དང་འབྲེལ། སློབ་ཕྲུག་རྣམས་ནས་ད་བར་རིགས་ལམ་སློབ་ཁྲིད་བརྒྱུད་སོ་སོ་རང་ཉིད་ལ་ཡར་རྒྱས་དང་ཕན་ཐོགས་ཇི་ཞིག་བྱུང་ཡོད་མེད་དང་། མ་འོངས་པར་ཡར་རྒྱས་ཅི་ཞིག་བཏང་དགོས་མིན་ཐོག་སོ་སོའི་བསམ་ཚུལ་མཉམ་སྤྱོད་ཀྱིས། ཤེས་རིག་ལས་ཁུངས་ནས་གོ་སྐབས་བཟང་པོ་འདི་ལྟ་བུ་གནང་བར་ཐུགས་རྗེ་ཆེ་ཞུས་གྲུབ་བསྟུན། ས་རཱ་མཐོ་སློབ་ཀྱི་སློབ་སྤྱི་གཞོན་པ་དགེ་བཤེས་འཇིགས་མེད་བློ་གྲོས་ལགས་ནས་རིགས་ལམ་འདུ་འཛོམས་ཀྱི་ལས་རིམ་རྟོག་ཞིབ་གནང་བའི་སྙན་ཐོ་དང་འབྲེལ། རིགས་ལམ་འདུ་འཛོམས་འདིའི་བརྒྱུད་སློབ་མ་རྣམས་ལ་རིགས་ལམ་ཐོག་གོ་རྟོགས་ཆེན་པོ་ཐོབ་ཡོད་པ་དང་། ལྟ་གྲུབ་དགེ་རྒན་དང་སློབ་མ་རྣམས་ནས་མ་འོངས་གནད་དོན་ཇི་ཞིག་གི་ཐོག་ཡར་རྒྱས་གཏོང་དགོས་མིན་བཅས་ཀྱི་ཐོག་གསུང་བཤད་གནང་ཡོད། དེ་ནས་སྐུ་མགྲོན་གཙོ་བོ་ཤེས་རིག་བཀའ་བློན་མཆོག་གིས་ལྷ་གྲུབ་དགེ་རྒན་རྣམས་ལ་མཇལ་དར་དང་སློབ་ཕྲུག་རྣམས་ལ་ལག་འཁྱེར་ཕུལ་གནང་རྗེས། ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་ནས་གསུང་བཤད་གནང་དོན། སྤྱིར་སློབ་གྲྭ་ཁག་ཏུ་རིགས་ལམ་སློབ་ཁྲིད་གནང་རྒྱུའི་ལམ་སྲོལ་བཟང་པོ་འདི་ཉིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སློབ་གྲྭ་ཁག་གི་ནང་རིགས་ལམ་སློབ་ཁྲིད་ཀྱི་གལ་གནད་ཐོག་བཀའ་སློབ་རབ་དང་རིམ་པ་ཕེབས་བཞིན་པ་གཞི་རིམ་སློབ་གྲྭ་ཁག་ནང་ལྟ་གྲུབ་དགེ་རྒན་བཀོད་སྒྲིག་གིས་སློབ་ཕྲུག་རྣམས་ལ་རིགས་ལམ་སློབ་ཁྲིད་གནང་དང་གནང་མུས་ཡིན་པའི་སྐོར་འགྲེལ་བརྗོད་གནང་ཞིང་།བཙན་བྱོལ་བོད་མིའི་ཤེས་ཡོན་སྲིད་བྱུས་ཀྱི་དམིགས་ཡུལ་བཞིའི་ཡ་གྱལ་རང་དབང་དང་རིགས་ལམ་དབར་འབྲེལ་བ་ཆེན་པོ་ཆགས་ཡོད་པ་ནི། སློབ་ཕྲུག་ཚོས་ཤེས་བྱའི་གནད་གང་ཞིག་ཡིན་ཡང་གཞན་བཤད་རྗེས་སུ་འབྲང་པ་མ་ཡིིན་པར་སོ་སོའི་རྣམ་དཔྱོད་རྩལ་སྤྲུགས་ཀྱིས་དཔྱད་པ་བྱེད་དེ་རྒྱུ་མཚན་དང་བསམ་ཚུལ་དྲངས་ནས་ལེགས་ཉེས་དབྱེ་བ་འབྱེད་ཐུབ་པའི་བསམ་བློའི་རང་དབང་ལྡན་པ་ཞིག་དགོས་ཀྱི་ཡོད་པ་དང་མཚུངས་ཀྱི་ཡོད་གསུངས་པ་དང་། དེ་བཞིན་རིགས་ལམ་ནི་ཤེས་ཡོན་སྲིད་བྱུས་ནང་དུའང་གལ་གནད་ཅན་ཞིག་ཏུ་ངོས་འཛིན་བྱེད་བཞིན་པར་སོང་། སློབ་མ་རྣམས་ནས་མུ་མཐུད་རིགས་ལམ་ལ་ཐུགས་སྣང་ཤུགས་ཆེ་གནང་དགོས་གལ་ཡིན་པ་གསུངས།...

༄༅། །རྒྱ་དམར་གཞུང་གིས་རྒྱ་ནག་གི་མངའ་ཁོངས་སུ་བཅུག་པའི་མི་རིགས་ ༥༥ དང་། ཡང་སྒོས་སུ་བོད་དང་། སོག་པོ།  ཡུ་གུར་སོགས་ཆོས་དང་རིག་གཞུང༌། སྐད་ཡིག་གི་ཁྱད་ཆོས་འབུར་དོད་ཡོད་པའི་མི་རིགས་རྣམས་རྒྱ་རིགས་ཁེར་རྐྱང་གི་ཀྲུང་ཧྭ་མི་རིགས་ཟེར་བ་དེའི་ཁོངས་བསྲེས་བསྒྱུར་བྱ་རྒྱུ་དམིགས་འབེན་དུ་བཟུང་སྟེ། མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་ཀྱི་ཁྲིམས་ཡིག་ཟེར་བ་གཏན་འབེབས་དང་ལག་བསྟར་འགོ་འཛུགས་ཀྱིས། ངན་གཡོ་བསམ་ཐོག་ཏུ་འབེབས་སླད་ཕྱོགས་ཡོངས་དང་ཁྱོན་ཡོངས་ནས་དམར་པོའི་རྒྱལ་ཁབ་ཀྱི་འཕྲུལ་འཁོར་མ་ལག་ཡོངས་སུ་རྫོགས་པ་བཀོལ་སྤྱོད་བྱེད་བཞིན་པ་ནི། རྒྱལ་སྤྱིའི་ཁྲིམས་ལུགས་ཀྱིས་བཀག་སྡོམ་བྱས་པའི་མི་རིགས་རྩ་གཏོར་ (Genocide) དང་འགྲོ་བ་མིའི་རིགས་ལ་རྒོལ་བའི་ནག་ཉེས་ (Crime against humanity)། དེ་བཞིན་རྒྱ་ནག་གི་རྩ་ཁྲིམས་ཀྱིས་མི་རིགས་སོ་སོར་ས་གནས་མི་རིགས་རང་སྐྱོང་གི་ཐོབ་ཐང་དང་། མི་རིགས་འདྲ་མཉམ། སྐད་ཡིག་བཀོལ་སྤྱོད་དང་ཡར་རྒྱས། ཡུལ་སྲོལ་གོམས་གཤིས་རྒྱུན་འཛིན་གྱི་ཐོབ་ཐང་། (རྩ་ཁྲིམས་དོན་ཚན་ ༤ པ།) རང་སྐྱོང་ས་གནས་ཀྱི་དཔལ་འབྱོར་དང་། སློབ་གསོ། རིག་གནས་འཛིན་སྐྱོང་ (ལེའུ་ ༣ པའི་ཚན་པ་ ༦ པ།) སོགས་ཀྱི་ཐོབ་ཐང་འགན་ལེན་བྱས་ཡོད་པ་ལ་ལྟོས་མེད་བྱས་པ་ཞིག་ཡིན་པས། དེར་གདོང་ལེན་ཆེད། སྐབས་ ༡༧ པའི་སྤྱི་འཐུས་ལྷན་ཚོགས་ཀྱི་ཚོགས་དུས་ ༡༡ སྟེང་གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༡༦ ཀ སྤྱི་མོས་གཏན་འབེབས་གནང་བའི་ནང་།...

བོད་པའི་སློབ་གྲྭ་ཁག་ཏུ་སློབ་བཞིན་པའི་རིགས་ལམ་སློབ་ཚན་དེས། དེང་དུས་ཤེས་ཡོན་སློབ་སྦྱོང་ལ་རམ་འདེགས་བྱེད་བཞིན་ཡོད་པ་གསུ

༧གོང་ས་རྒྱལ་བ་རིན་པོ་མཆོག་ནས་ལ་དྭགས་དབྱར་ཆོས་ཆེན་མོ་ཐེངས་བཅུ་གཉིས་པའི་ཚོགས་མགོན་དུ་སངས་རྒྱས་ཀྱི་བསྟན་པ་བོད་དུ་བསྒྱུར་ཅིང་རིགས་ལམ་གྱི་སྒོ་ནས་སློབ་གཉེར་བྱས་པ་ནི་དུས་རབས་ཉེར་གཅིག་པར་ཡང་ཕན་ཐོགས་ཆེན་པོ་ཡོད་པར་གསུངས་སོང་། The post ༧གོང་ས་རྒྱལ་བ་རིན་པོ་ཆེ་མཆོག་ལ་དྭགས་དབྱར་ཆོས་ཆེན་མོ་ཐེངས་བཅུ་གཉིས་པའི་ཚོགས་མགོན་དུ་ཆིབས་བསྒྱུར་བསྐྱངས། appeared first on བོད་ཀྱི་དུས་བབ།.

འབུམ་རམས་པ་སྭ་པན་དཱས་གུཔྟ་ཞེས་པ་ཁོང་རྒྱ་གར་གྱི་ནུབ་བྷེང་གྷལ་གྱི་དཔལ་འབྱོར་བློན་ཆེན་དུ་བསྐོ་གཞག་བྱུང་བར་ཆེ་བསྟོད་སླད་གོ་སྒྲིག་ཞུས་པའི་དགོང་མའི་གསོལ་སྟོན་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མགྲོན་འབོད་ཞུས་པ་བཞིན། སྐབས་དེ་དུས་སྲིད་སྐྱོང་གིས་རྒྱ་གར་དབུས་གཞུང་གི་བློན་ཆེན་འགའ་དང་མཇལ་འཕྲད་བྱུང་འདུག The post ཆེ་བསྟོད་གསོལ་སྟོན་ཐོག་ཏུ་སྲིད་སྐྱོང་སྤེལ་པ་ཚེ་རིང་དང་རྒྱ་གར་གྱི་བློན་ཆེན་འགའ་དང་ཐུག་འཕྲད། appeared first on བོད་ཀྱི་བང་ཆེན།.

མང་སྤྲོ་དགོན་པར་ལ་དྭགས་དབྱར་ཆོས་ཆེན་མོ་ཐེངས་བཅུ་གཉིས་པའི་ཚོགས་མགོན་དུ་ཆིབས་བསྒྱུར་སྐབས་༧གོང་ས་མཆོག་གིས་ད་ལྟ་ནཱ་ལེནྡྲ་ནི་མིང་སྐམ་པོ་ཞིག་མ་གཏོགས་ཡོད་པ་མ་རེད། ང་ཚོ་བོད་པས་ནང་པའི་གཞུང་རྣམས་ལ་བདག་པོ་བརྒྱབ་པ་རེད། ང་ཚོ་བོད་པས་ལོ་སྟོང་ཕྲག་རིང་བདག་པོ་བརྒྱབ་པ་དེ་ད་ལྟའི་དུས་རབས་ཉེར་གཅིག་པའི་ནང་དུའང་བེད་སྤྱོད་བྱེད་རྒྱུ་ཡོད་པ་ཞིག་དང་། བསམ་བློ་གཏོང་རྒྱུ་ཡོད་པ་ཧ་ཅང་ཡག་པོ་རེད་ཅེས་གསུངས་འདུག The post ༸གོང་ས་མཆོག་ལ་དྭགས་དབྱར་ཆོས་ཆེན་མོའི་ཚོགས་མགོན་དུ་ཆིབས་བསྒྱུར་བསྐྱངས་པ། appeared first on བོད་ཀྱི་བང་ཆེན།.

བོད་རང་སྐྱོང་ལྗོངས་མི་དམངས་ཁྲིམས་ཁང་ཟེར་བས་སླར་ཡང་རྡོ་རྗེ་བཀྲ་ཤིས་ལགས་སུ་ནང་མི་དང་ཁྲིམས་རྩོད་པའི་ཐུག་འཕྲད་བྱེད་དུ་བཅུག་མི་འདུག The post རྡོ་རྗེ་བཀྲ་ཤིས་ལགས་ཀྱི་གཅེན་མོ་མགོན་པོ་སྐྱིད་ཀྱིས་མུ་མཐུད་ངོ་རྒོལ་ལས་འགུལ་སྤེལ་གྱིན་འདུག appeared first on བོད་ཀྱི་དུས་བབ།.

རྒྱ་ནག་གཞུང་གིས་ངོས་འཛིན་བྱས་པའི་རྒྱལ་མཚན་ནོར་བུས་བློ་བརྟན་འགྱུར་མེད་ངང་རྒྱལ་ཁབ་གཅིག་གྱུར་སྲུང་སྐྱོང་ཐོག་ཁ་བྲལ་ལ་ངོ་རྒོལ་བྱ་དགོས་ལུགས་སོགས་བཤད་འདུག  The post མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་བཅའ་ཁྲིམས་ཟེར་བ་ལག་བསྟར་དང་དྲིལ་བསྒྲགས་ཀྱི་ཚ་རླབས། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༤ ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ཁང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་ནང་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་འབུམ་རམས་པ་ཨེ་ལི་སི་ཀ་ཛི་གྷོ་ཝ་ (Dr. Eliska Zigova) མཆོག་གཞུང་ཚབ་ཀྱི་ལས་ཡུན་རྫོགས་པ་དང་བསྟུན་མཇལ་འཕྲད་ཀྱིས་འཚམས་འདྲི་ཞུས་གནང་ཡོད།དེ་ཡང་ཆུ་ཚོད་གཅིག་རིང་གི་མཇལ་འཕྲད་སྐབས་གཙོ་བོ་བོད་ནང་རྒྱ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཚུད་པའི་མི་རིགས་སིམ་སྒྱུར་གྱི་སྲིད་བྱུས་ལག་བསྟར་བྱེད་བཞིན་པའི་སྐོར་དང་། ཁྲིམས་ཡིག་འདིས་བོད་མིའི་ངོ་བོ་སྲུང་སྐྱོབ་ལ་དོ་ཕོག་ཇི་ལྟར་ཐེབས་མིན་ཐོག་ལ་གླེང་སློང་གནང་ཡོད། དེ་བཞིན་འཛམ་གླིང་གི་སྟོབས་ཤུགས་ཀྱི་གནས་སྟངས་འགྱུར་བ་འགྲོ་བཞིན་པ་དང་། བོད་མི་རིགས་ཀྱི་ད་ལྟའི་གནས་སྟངས། བོད་མིའི་སྒྲིག་འཛུགས་ཀྱི་ཞི་བའི་གྲོས་མོལ་བརྒྱུད་བོད་མི་རྣམས་ལ་མིང་དོན་མཚུངས་པའི་རང་སྐྱོང་ཐོབ་ཐབས་ཀྱི་སྲིད་བྱུས་དབུ་མའི་ལམ་བཅས་ཀྱི་ཐོག་གྲོས་མོལ་གནང་ཡོད། སྐབས་དེར་དཔལ་ལྡན་སྲིད་སྐྱོང་མཆོག་གིས་ལྕམ་སྐུ་ཨི་ལི་སི་ཀ་མཆོག་ནས་བོད་མིའི་སྤྱི་ཚོགས་ལ་རྒྱུན་མཐུད་རྒྱབ་སྐྱོར་གནང་བར་ཐུགས་རྗེ་ལེགས་འབུལ་མཚོན་ཆེད་མཇལ་དར་དང་སྒྲོལ་ལྗང་གི་སྐུ་ཐང་ཞིག་ཕུལ་ཡོད།ལྕམ་སྐུ་ཨེ་ལི་སི་ཀ་མཆོག་གིས་བོད་མི་རིགས་དང་། བོད་མིའི་སྒྲིག་འཛུགས་ཀྱི་ཞི་བདེ་དང་། གྲོས་མོལ། མང་གཙོ། འགྲོ་བ་མིའི་ཐོབ་ཐང་བཅས་ཀྱི་རིན་ཐང་སྲུང་སྐྱོབ་ཐོག་གི་འབད་བརྩོན་ལ་མུ་མཐུད་རྒྱབ་སྐྱོར་གནང་རྒྱུའི་ཆོད་སེམས་བསྐྱར་ནན་གནང་ཡོད། དཔལ་ལྡན་སྲིད་སྐྱོང་མཆོག་གིས་ལྕམ་སྐུ་ཨེ་ལི་སི་ཀ་མཆོག་གི་མ་འོངས་པའི་བྱ་བ་མཐའ་དག་ལམ་ལྷོངས་ཡོང་བར་འཚམས་འདྲི་ཞུས་པ་དང་ཆབས་ཅིག བོད་མིའི་སྤྱི་ཚོགས་ལ་ཡུན་རིང་རྒྱབ་སྐྱོར་དང་། འབྲེལ་བ་གནང་བར་བསྔགས་བརྗོད་ཞུས་གནང་ཡོད། མཇལ་འཕྲད་སྐབས་དཔལ་ལྡན་སྲིད་སྐྱོང་མཆོག་དང་ལྷན་ལྡི་ལི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་དང་། སྐུ་ཚབ་དོན་ཁང་གི་དྲུང་ཆེ་བཀྲ་ཤིས་བདེ་སྐྱིད་ལགས། སྣེ་ལེན་འགན་འཛིན་བསྟན་འཛིན་པ་སངས་ལགས་བཅས་ཕེབས་ཡོད་པ་བཅས།།

ཕྱི་ལོ་༢༠༢༦ ཟླ་༨ ཚེས་༡༧ ནས་༡༩ བར་ཨོ་གླིང་གི་རྒྱལ་ས་ཁན་བྷེ་རར་༼Canberra༽ལ་ཡོད་པའི་ཨོ་གླིང་གི་གྲོས་ཚོགས་ཁང་དུ། གཞོན་སྐྱེས་ཚོར་ཨོ་གླིང་གི་གྲོས་ཚོགས་ལམ་ལུགས་ལ་རྒྱུས་མངའ་དང་། ལྷག་པར་དུ་ཁྲིམས་འཆར་ཟིན་འབྲི་འགོད་སྟངས་དང་། དེའི་ཐོག་བགྲོ་གླེང་བྱེད་པ། མཐའ་མར་ཁྲིམས་སུ་གཏན་ལ་འབེབས་སྟངས་བཅས་ཀྱི་བརྒྱུད་རིམ་ལ་སློབ་སྦྱོང་བྱེད་རྒྱུའི་ཆེད། The post བསྟན་འཛིན་འཆི་མེད་ཀྱིས་ཨོ་གླིང་གི་གནད་ཡོད་དཔོན་རིགས་རྣམས་ལ་བོད་དོན་རྒྱབ་སྐྱོར་ཡོང་བའི་འབོད་སྐུལ་ཞུས། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༣ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ The Leela Palace དུ་འབུམ་རམས་པ་སྭ་པན་དཱས་གུཔྟ་ (Dr. Swapan Dasgupta) མཆོག་ནུབ་བྷེང་གྷལ་གྱི་དཔལ་འབྱོར་བློན་ཆེན་དུ་བསྐོ་གཞག་བྱུང་བར་ཆེ་བསྟོད་སླད་གོ་སྒྲིག་ཞུས་པའི་དགོང་མའི་གསོལ་སྟོན་ཐོག་མཉམ་ཞུགས་གནང་ཡོད།སྐབས་དེར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་འབུམ་རམས་པ་སྭ་པན་དཱས་གུཔྟ་མཆོག་ལ་འཚམས་འདྲི་ཞུས་པ་དང་སྦྲགས། ཁོང་གིས་མི་མང་ལ་ལྷག་བསམ་རྣམ་དག་གིས་ཞབས་འདེགས་བསྒྲུབས་པ་དང་འགོ་ཁྲིད་ཀྱི་ལས་འགན་གསར་པ་བཞེས་པར་ཡི་རང་བསྔགས་བརྗོད་ཞུས་ཡོད། དེ་བཞིན་ཐུན་མོང་གི་ཁེ་ཕན་ཐོག་རྒྱུན་མཐུད་མཉམ་འབྲེལ་དང་། བགྲོ་གླེང། མཉམ་ལས་བཅས་གནང་རྒྱུ་ནི་གལ་ཆེན་པོ་ཡིན་པའི་ཐོག་ནན་བརྗོད་གནང་ཡོད།མཛད་སྒོའི་ཐོག་དཔལ་ལྡན་སྲིད་སྐྱོང་མཆོག་གིས་འབུམ་རམས་པ་སྭ་པན་དཱས་གུཔྟ་མཆོག་ལ་མཇལ་དར་དང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་འབུལ་ཏེ་འཚམས་འདྲི་ཞུས་པ་དང་། དེ་བཞིན་སྐབས་དེར་རྒྱ་གར་དབུས་གཞུང་གི་དཔལ་འབྱོར་བློན་ཆེན་ལྕམ་སྐུ་ནིར་མ་ལ་སི་ཐ་ར་མན་ (Nirmala Sitharaman) མཆོག་དང་། དབུས་གཞུང་གིས་རྡོ་སྣུབ་བློན་ཆེན་ཧར་ཌེབ་སེངྒ་པུ་རི་ (Hardeep Singh Puri) མཆོག་མཇལ་འཕྲད་གནང་ཡོད།དེ་ཡང་པད་མ་བྷུ་ཥན་ (Padma Bhushan) གཟེངས་རྟགས་ཐོབ་མཁན་དང་། གསར་འགོད་པ་ཟུར་པ། སྲིད་དོན་དཔྱད་ཞིབ་པ་འབུམ་རམས་པ་སྭ་པན་དཱས་གུཔྟ་མཆོག་གིས་ཕྱི་ལོ་ ༢༠༢༦ ཟླ་བ་ ༦ ཚེས་ ༡༠...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༦ ཟླ་ ༨ ཚེས་ ༢༣ ཉིན་ལ་དྭགས་དབྱར་ཆོས་ཆེན་མོ་ཐེངས་ ༡༢ པ་ལ་དྭགས་མང་སྤྲོ་དགོན་དུ་ཚོགས་ཡོད་པ་དེར་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་བའི་སྐབས་བཀའ་སློབ་བསྩལ་བའི་ནང་བོད་ཀྱི་ཆོས་དང་རིག་གཞུང་། དེ་བཞིན་སྐད་བཅས་དེང་གི་དུས་རབས་ ༢༡ པའི་འཛམ་གླིང་ནང་དོ་སྣང་དང་བེད་སྤྱོད་ཆེན་པོ་བྱུང་བཞིན་ཡོད་པ་དེར་བོད་ཀྱི་མི་རབས་གོང་མ་རྣམས་ཀྱི་བཀའ་དྲིན་དྲན་དགོས་པའི་སྐོར་བཀའ་བསྩལ་གནང་སོང་། དེ་ཡང་༧གོང་ས་༧སྐྱབས་མགོན་ཆེན་པོ་མཆོག་གིས་བཀའ་བསྩལ་དོན་དུ། བཅོམ་ལྡན་འདས་ཀྱི་གསུང་རྣམས་ནི་དཔལ་ན་ལན་དྲ་ནས་བརྒྱུད་དེ། བོད་ཆོལ་ཁ་གསུམ་གྱི་ནང་དུ་ནང་ཆོས་ཀྱི་ལྟ་བ་དང་རིག་པ་རྣམས་བརྟག་དཔྱད་ཞིབ་རྩད་དང་མཉམ་བོད་ཀྱི་སེ་འབྲས་དགའ་གསུམ་གྱི་ནང་དུ་ནང་པའི་གཞུང་ཆེན་རྣམས་སློབ་ཁྲིད་དང་སྦྱང་པ་ཞེ་དྲགས་ཡོད་པ། ཡང་བོད་...

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢༣ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མང་སྤྲོ་དགོན་པར་ལ་དྭགས་དབྱར་ཆོས་ཆེན་མོ་ཐེངས་བཅུ་གཉིས་པའི་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས་ཡོད་པ་རེད།                                            དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨།༣༠ ཙམ་ལ་ཤེལ་གྱི་ཞི་བའི་ཚལ་ཕོ་བྲང་ནས་མང་སྤྲོ་དཔལ་ཐུབ་བསྟན་ཤྭ་གླིང་ཆོས་འཁོར་དགོན་དུ་ཆིབས་བསྒྱུར་བསྐྱངས་ཤིང་། ཕེབས་ལམ་དུ་ཡུལ་མི་རྣམས་ཀྱིས་ལག་ཏུ་མེ་ཏོག་དང་བདུག་སྤོས་སོགས་ཐོགས་ནས་ཕེབས་བསུ་དང་བཅས་མངོན་པར་དགའ་བའི་ཕོ་བྲང་མདུན་ཐང་དུ་༸ཞབས་སོར་འཁོད་པ་དང་། སྐབས་དེར་ཆོས་ར་རུ་སློབ་གྲྭ་ཁག་གི་སློབ་ཕྲུག་རྣམས་ཀྱིས་རྟགས་གསལ་གཟིགས་འབུལ་དང་། ཁྲིག་རྩེ་རིན་པོ་ཆེ། འབྲུག་པ་ཐུགས་སྲས་རིན་པོ་ཆེ། ས་སྐྱའི་ཕུན་ཚོགས་ཕོ་བྲང་གི་གདུང་སྲས་ཨ་སངྒ་བཛྲ་རིན་པོ་ཆེ། གོ་སྒྲིག་ཚོགས་ཆུང་གི་འཐུས་མི་སོགས་ཀྱིས་ཕེབས་བསུ་དང་། མངོན་པར་དགའ་བའི་ཕོ་བྲང་དུ་དུས་ཡུན་ཐུང་ཙམ་རིང་སྐུས་ངལ་གསོ་གནང་མཛད་ཡོད།ཆུ་ཚོད་...