ཉེ་ཆར་ཨ་རི་དང་། ཨི་རན། ཨི་སི་རེལ་གསུམ་བར་དམག་འཁྲུག་བྱུང་སྐབས། རྒྱ་ནག་གིས་ཨི་རན་གྱི་ཉེ་འཁོར་རྒྱལ་ཁབ་གཞན་དག་ནང་ཡོད་པའི་ཨ་རིའི་དམག་གི་རྟེན་གཞི་རྣམས་ཀྱི་ས་ཁྲ་སོ་མྱུལ་འཁོར་སྐར་བརྒྱུད་ནས་བླངས་པའི་པར་རྣམས་ཨི་རན་ལ་སྤྲད་པར་བརྟེན། ཨི་རན་གྱིས་ཨ་རིའི་དམག་གི་རྟེན་གཞི་མང་པོ་ཞིག་ལ་གཏོར་རྒོལ་ཚབས་ཆེན་བྱས་འདུག་པ་དང་། ཨ་སྒོར་ས་ཡ་མང་པོའི་གྱོང་གུད་ཕོག་ཡོད་འདུག The post རྒྱ་ནག་གི་སོ་མྱུལ་འཁོར་སྐར་གྱིས་ཨི་རན་ལ་ཨ་རིའི་དམག་གི་རྟེན་གཞི་རྣམས་ཀྱི་ས་ཁྲ་སྤྲད་དེ་གཏོར་རྒོལ་བཏང་བ། appeared first on བོད་ཀྱི་བང་ཆེན།.

ཉེ་ཆར་གོ་མིན་ཏང་སྲིད་དོན་ཚོགས་པའི་འགོ་ཁྲིད་རྒྱ་ནག་ལ་ཕྱིན་རྗེས་རྒྱ་ནག་གཞུང་གིས་སྐུལ་ལྕག་དོན་ཚན་བཅུ་ཞེས་པ་ཞིག་བཏོན་ཡོད་འདུག་པ་དང་། དོན་ཚན་དེ་དག་ལ་ཁ་སང་ཐའེ་ཝན་ཚོང་དོན་སྤྱི་ཁྱབ་ལྷན་ཚོགས་ནས་བགྲོ་གླེང་འཚོགས་གནང་འདུག་པས། སྐབས་དེ་དུས་གོ་མིན་ཏང་སྲིད་དོན་ཚོགས་པས་བོད་དང་ཧོང་ཀོང་གཉིས་ལ་འཕྲད་པའི་བཟོད་དཀའ་བའི་ཉམས་མྱོང་དག་ལ་སྣང་མེད་བཏང་ནས་ཐའེ་ཝན་གྱི་བདེ་དོན་ལ་དོ་སྣང་བྱས་མེད་པ་སྐྱོན་བརྗོད་བྱས་འདུག The post བོད་དང་ཧོང་ཀོང་ལ་འཕྲད་པའི་བཟོད་ཐབས་མེད་པའི་ཉམས་མྱོང་དག་དྲན་དགོས་ཞེས་བརྗོད། appeared first on བོད་ཀྱི་བང་ཆེན།.

རྒྱལ་ཚོགས་ཀྱི་དམིགས་བསལ་ཆེད་མཁས་པས་རྒྱ་གཞུང་གི་ཁྲིམས་ཡིག་གསར་པ་དེས་འགྲོ་བ་མིའི་ཐོབ་ཐང་གི་གཞི་རྩའི་ཐོབ་ཐང་དང་གྲངས་ཉུང་མི་རིགས་ལ་གནོད་སྐྱོན་བཟོས་ཡོད་པའི་སྐྱོན་བརྗོད་བྱས། མཉམ་འབྲེལ་རྒྱལ་ཚོགས་ཀྱི་དམིགས་བསལ་སྙན་སྒྲོན་ཚོགས་ཆུང་གིས་ཉེ་ལམ་རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཟེར་བ་དེའི་སྐོར་ལ་བསྒྲགས་གཏམ་ཞིག་སྤེལ་ཡོད་ཅིང་། རྒྱལ་ཚོགས་ཀྱི་དམིགས་བསལ་ཆེད་མཁས་པ་རྣམས་ཀྱིས་རྒྱ་གཞུང་གི་ཁྲིམས་ཡིག་གསར་པ་དེས་འགྲོ་བ་མིའི་ཐོབ་ཐང་གི་གཞི་རྩའི་ཐོབ་ཐང་དང་གྲངས་ཉུང་མི་རིགས་ལ་གནོད་སྐྱོན་བཟོས་ཡོད་པའི་སྐྱོན་བརྗོད་བྱས་ཡོད་འདུག བསྒྲགས་གཏམ་དེའི་ནང་། མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཟེར་བ་དེས་རྒྱ་ནག་གི་ས་གནས་ཡོངས་ཀྱི་མི་རིགས་བར་མཐུན་སྒྲིལ་ཡོང་རྒྱུར་ཉེན་ཁ་བཟོ་སྲིད་པ་མ་ཟད། ཁྲིམས་ཡིག་དེ་ལག་བསྟར་བྱས་ཚེ་བོད་དང་། ཡུ་གུར། སོག་པོ་བཅས་ཀྱི་གྲངས་ཉུང་མི་རིགས་ཁག་གི་སྐད་ཡིག་དང་། རིག་གཞུང་། ཆོས་ལུགས་ཀྱི་གནས་སྟངས་ཐོག་ཤུགས་ཆེན་ཚབས་ཆེན་ཐེབས་རྒྱུ་རེད། ཅེས་དང་། ཁྲིམས་ཡིག་དེའི་དོན་ཚན་དང་པོའི་ནང་དུ་རྩ་ཁྲིམས་ཀྱི་དགོངས་དོན་གཞིར་བཟུང་ནས་མི་རིགས་མཐུན་སྒྲིལ་དང་ཡར་རྒྱས་གོང་འཕེལ་གཏོང་ཆེད་བཟོས་པ་ཡིན་ཞེས་བཀོད་ཡོད་ལ།  ཁྲིམས་ཡིག་དེའི་ཆ་རྐྱེན་ཁ་ཤས་རྩ་ཁྲིམས་དང་འགལ་བ་མཐོང་གི་འདུག ལྷག་པར་དུ་དོན་ཚན་བཞི་པའི་ནང་མི་རིགས་ཚང་མས་རང་ཉིད་ཀྱི་སྐད་དང་ཡི་གེ་རང་དབང་ཐོག་ཡར་རྒྱས་གཏོང་བར་འོས་འགན་ཡོད་པ་དང་། དོན་ཚན་ལྔ་པའི་ནང་རྒྱལ་ཁབ་ཀྱི་མི་སེར་ཚང་མ་ཁྲིམས་ཀྱི་མདུན་དུ་འདྲ་མཉམ་ཡིན་པ་དང་། མི་རིགས་དབྱེ་འབྱེད་དང་གཉའ་གནོན་བྱེད་མི་ཆོག་པའི་སྐོར་གྱི་ཁས་ལེན་བྱས་ཡོད་ཀྱང་། དོན་ཚན་གཞན་ཁ་ཤས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་མཐུན་གྱི་ཡོད་མེད་དོགས་པ་བྱུང་ཡོད། ཅེས་བཀོད་འདུག ཡང་བསྒྲགས་གཏམ་དེའི་ནང་། ང་ཚོས་ཁྲིམས་ཡིག་འདིས་གྲངས་ཉུང་མི་རིགས་ཀྱི་སྐད་ཡིག་སློབ་གསོར་བཀག་རྒྱ་བྱེད་སྲིད་པ་མཐོང་གི་ཡོད། དོན་ཚན་ ༡༥ པའི་ནང་རྒྱ་ནག་གཞུང་གི་སྤྱི་སྐད་དང་ཡི་གེ་ཁྱབ་སྤེལ་གཏོང་རྒྱུར་སྐུལ་འདེད་གང་ལེགས་བྱ་དགོས་པ་དང་། སློབ་གྲྭ་དང་ཤེས་ཡོན་ལྟེ་གནས་ཁང་ཡོངས་སུ་རྒྱའི་སྐད་ཡིག་ཐོག་ནས་སློབ་ཁྲིད་བྱེད་དགོས་པའི་གཏན་འབེབས་བྱས་ཡོད། དེ་ནི་ དེ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་གནས་རང་སྐྱོང་གི་བཅའ་ཁྲིམས་དོན་ཚན་ ༣༧ པའི་ནང་གཏན་འབེབས་བྱས་པའི་ཐོབ་ཐང་དང་འགལ་བ་ཆགས་ཡོད། དེའི་ནང་སློབ་གྲྭ་ཁག་ཏུ་གྲངས་ཉུང་མི་རིགས་ཀྱི་སྐད་ཡིག་གི་སློབ་དེབ་བཀོལ་སྤྱོད་ཀྱིས་སློབ་ཁྲིད་ཀྱི་བརྒྱུད་ལམ་བྱེད་དགོས་པ་གཏན་འབེབས་བྱས་ཡོད། ཁྲིམས་ཡིག་གསར་པའི་ནང་གྲངས་ཉུང་མི་རིགས་ཀྱི་སྐད་ཡིག་དེ་རྒྱ་སྐད་ཀྱི་འོག་ཏུ་གནས་དགོས་པའི་གོ་རིམ་ཞིག་གཏན་འབེབས་བྱས་ཡོད། དེ་ནི་གྲངས་ཉུང་མི་རིགས་ཀྱི་སྐད་ཡིག་ཐོག་ནས་སློབ་གསོ་སྤེལ་མཁན་དང་ཕ་མ་སོགས་བཀག་སྡོམ་བྱ་སྲིད་པའི་ཉེན་ཁ་ཞིག་མཐོང་གི་ཡོད། ཅེས་གསལ་འདུག དེ་བཞིན་ཁྲིམས་ཡིག་དེའི་ནང་ཆོས་ལུགས་ཀྱི་རང་དབང་དང་ཡིད་ཆེས་ལ་ཚོད་འཛིན་བྱེད་པའི་ཉེན་ཁ་ཡོད་པ་ཞིག་མཐོང་གི་ཡོད། དོན་ཚན་ ༤༦ པའི་ནང་ཆོས་ལུགས་ཚོགས་པ་དང་། ཆོས་ལུགས་སློབ་གྲྭ། ཆོས་ལུགས་ཀྱི་བྱེད་སྒོ་སྤེལ་སའི་ས་གནས་ཁག་གིས་ཆོས་ལུགས་རྒྱ་ནག་ཅན་དུ་བསྒྱུར་བའི་ཁ་ཕྱོགས་སུ་རྒྱུན་འཁྱོངས་བྱེད་དགོས་པ་དང་། ཆོས་ལུགས་དང་སྤྱི་ཚོགས་རིང་ལུགས་ཕན་ཚུན་འཆམ་མཐུན་ཡོང་བར་ཁྲིད་སྟོན་བྱེད་དགོས་པ་བཤད་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༢ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་དྷ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་། བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ནས་བརྟན་བཞུགས་བསྟར་འབུལ་ཞུས་ཡོད། དེ་ཡང་རྣམ་གྲྭ་མཁན་རིན་པོ་ཆེ་བློ་བཟང་བསམ་གཏན་མཆོག་དབུ་བཞུགས་ཀྱིས་རྣམ་རྒྱལ་གྲྭ་ཚང་གི་གསུང་ཞབས་དང་། བསྙེན་མཚམས་པ་སོགས་དགེ་བཙུན་རྣམས་ནས་སྒྲོལ་དཀར་ཚེ་སྒྲུབ་ཀྱི་ཆོ་གའི་སྒོ་ནས་སྒྲུབ་ཞག་ཉིན་གསུམ་སྔོན་བཏང་གིས། དེ་རིང་སྐུའི་ཚེ་སྒྲུབ་ཀྱི་ཆོ་ག་གྲུབ་པ་དང་། སྔ་དྲོའི་ཆུ་ཚོད་ ༨།༡༥ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བརྟན་བཞུགས་ཀྱི་མཛད་སྒོར་ཆེད་ཕེབས་ཀྱིས་ཕོ་བྲང་གཟིམ་ཆུང་ནས་རྒྱལ་སྒོ་རུ་ཆིབས་བསྒྱུར་སྐབས་ཚོགས་པ་གཉིས་ཀྱི་འགན་ཡོད་མི་སྣས་ཕེབས་བསུ་དང་། ཕེབས་ལམ་གཡས་གཡོན་གཉིས་སུ་ཡུལ་ལུང་གི་ཆོས་གོས་སྤྲས་པའི་ན་གཞོན་རྣམས་ནས་རུ་སྒྲིག་གིས་ཕེབས་བསུ་གཟབ་རྒྱས་དང་། རྣམ་གྲྭས་སྤྱན་རྒྱ་དང་སྤོས་འཛིན་གྱིས་ཕེབས་བསུ་དང་བཅས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་༸ཞབས་སོར་འཁོད།ཐོག་མར་བརྟན་བཞུགས་ཀྱི་དབུ་བཞུགས་རྡོ་རྗེ་སློབ་དཔོན་རྣམ་གྲྭ་མཁན་རིན་པོ་ཆེ་མཆོག་གིས་མཇལ་དར་རྐྱང་འབུལ་གནང་རྗེས་དབུ་མཛད་ཀྱིས་གསུང་ཆོག་དབུ་འཛུགས་ཀྱིས་རྒྱུན་ཆགས་གསུམ་པ་དང་། པཎ་གྲུབ་བཅུ་བདུན་གྱི་གསོལ་འདེབས། ༸རྒྱལ་བའི་འཁྲུངས་རབས་གསོལ་འདེབས་བཅས་གསུངས་པ་དང་། བརྟན་བཞུགས་དངོས་གཞིར་བླ་མ་ལྷར་བསྐྱེད་ནས་མཆོད་བསྟོད་ཚེ་འགུགས་བཟླས་པ་སོགས་ཆོ་གའི་གཞུང་བསྟར་གནང་། གསོལ་འདེབས་མཎྜལ་སྐབས་སུ་དབུ་བཞུགས་རྡོར་སློབ་མཆོག་དང་འཐུས་ཚབ་དྷ་ས་མདོ་སྟོད་ཆོལ་ཁའི་ཚོགས་གཙོ་དབའ་ཧོ་བསྟན་འཛིན་དང་གློ་སྒྲིག་བདེ་དོན་ཚོགས་པའི་ཚོགས་གཙོ་བྱམས་པ་ཚེ་རིང་གཉིས་ནས་མཎྜལ་ཚོམ་བུ་འདེགས་འབུལ་ཞུས་ཤིང་། རྡོར་སློབ་མཆོག་ནས་ཞལ་འདོན་ཚིག་བསྟུན་གྱིས་སྐུ་གསུང་ཐུགས་རྟེན་དང་། ཚེ་བུམ། རིགས་ལྔའི་མཚན་མ། ཚེ་ཆང་། ཚེ་རིལ། རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་དང་བཀྲ་ཤིས་རྫས་བརྒྱད་བཅས་རིམ་པར་ཕུལ་ཞིང་། རྡོར་སློབ་རྣམ་གྲྭ་མཁན་རིན་པོ་ཆེ་མཆོག་དང་ཚོགས་སྡེ་ཁག་གཉིས་ཀྱི་འཐུས་མི་ ༡༥ ཡིས་མཇལ་ཁ་ཞུས།མཐར་བཀའ་དྲིན་གཏང་རག་གི་མཎྜལ་སྐབས་སུ་དྷ་ས་མདོ་སྟོད་ཆོལ་ཁའི་ཚོགས་གཙོ་དབའ་ཧོ་བསྟན་འཛིན་དང་། གློ་སྒྲིག་བདེ་དོན་ཚོགས་པའི་ཚོགས་གཙོ་བྱམས་པ་ཚེ་རིང་གཉིས་ཀྱིས་རིམ་བཞིན་མཎྜལ་རྟེན་གསུམ་འདེགས་འབུལ་དང་། བརྟན་བཞུགས་བསྟར་འབུལ་ཞུ་མཁན་མི་གྲངས་ ༡༥ ཡིས་མཇལ་ཁ་ཞུས་པ་དང་བསྟུན། ཉི་གཞོན་འཆར་ཀ་མ་དང་། རིས་མེད་རྒྱལ་བསྟན་རྒྱས་པའི་སྨོན་ལམ། བདེན་ཚིག་སྨོན་ལམ་བཅས་གསུངས་ཏེ་བརྟན་བཞུགས་གནང་སྒོ་ལེགས་པར་གྲུབ་ཅིང་། མགོན་པོ་གང་ཉིད་མཆོག་སྔར་བཞིན་སྤྱན་རྒྱ་སྤོས་འཛིན་དང་བཅས་ཕོ་བྲང་དུ་གདན་ཞུ་ཞུས་ཡོད།བརྟན་བཞུགས་གནང་སྒོ་འདིར་བོད་མིའི་སྒྲིག་འཛུགས་ཀྱི་དཔལ་ལྡན་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་།...

UN experts warn that China's upcoming Ethnic Unity and Progress Law will threaten fundamental minority rights, accelerating the assimilation of Tibetans.

  ༄༅། །འདི་གར་སུད་སི་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༤ ཚེས་ ༡༦ ཉིན་མཉམ་འབྲེལ་རྒྱལ་ཚོགས་ཀྱི་དམིགས་བསལ་སྙན་སྒྲོན་པ་ཁག་གཅིག་གིས་ཉེ་ལམ་རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ཅེས་པར་བློ་འཚབ་ཤུགས་ཆེ་བསྟན་པ་དང་། ཁྲིམས་ཡིག་འདི་ཉིད་ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་དངོས་སུ་ལག་བསྟར་བྱ་རྒྱུ་ཡིན་པ་རེད། ཁྲིམས་ཡིག་དེས་རྒྱ་ནག་ནང་མི་རིགས་སྣ་མང་རང་བཞིན་ལས་རྒྱལ་ཁབ་ཀྱི་ངོ་བོ་གཅིག་གྱུར་ལ་གལ་ཆེར་འཛིན་པའི་རྒྱ་ཆེ་བའི་སྲིད་བྱུས་ཀྱི་འགྱུར་བ་ཞིག་མཚོན་གྱི་ཡོད། དེ་བཞིན་ད་ལྟའི་ཆར་རྒྱ་ནག་གི་རྩ་ཁྲིམས་ནང་རིག་གཞུང་དང་སྐད་ཡིག་གི་ཐོབ་ཐང་སྲུང་སྐྱོབ་ཐོག་ཁྲིམས་ཡོད་བཞིན་དུ་ཁྲིམས་ཡིག་འདིའི་བརྒྱུད་བོད་རིགས་དང་། ཡུ་གུར་བ། སོག་རིགས་བཅས་ཀྱི་གྲངས་ཉུང་མི་རིགས་ལ་ཤུགས་རྐྱེན་ཆེན་པོ་ཐེབས་སྲིད་པ་ཞིག་ཡིན། སེམས་འཚབ་བྱེད་གཞི་གཙོ་བོ་ནི་ཁྲིམས་ཡིག་གི་གསལ་ཁ་མེད་པའི་ཐ་སྙད་བཀོལ་སྟངས་དེ་ཡིན་ཞིང་། དེ་ཡང་མི་རིགས་མཐུན་སྒྲིལ་ལ་གཏོར་བཤིག་གཏོང་བའི་བྱ་སྤྱོད་རིགས་ལ་བཀག་སྡོམ་བྱེད་པ་དེ་ཚུད་ཡོད། མཉམ་འབྲེལ་རྒྱལ་ཚོགས་ནས་དེ་ལྟ་བུའི་གསལ་ཁ་མེད་པའི་ཐ་སྙད་བཀོལ་སྟངས་ལས་དབང་འཛིན་པ་རྣམས་ནས་སོ་སོའི་འདོད་མོས་ལྟར་འགྲེལ་བརྗོད་ཀྱིས་སྨྲ་བརྗོད་རང་དབང་དང་། རིག་གཞུང་གི་བྱེད་སྒོ། དེ་བཞིན་ཤེས་ཡོན་གྱི་ལས་དོན་སོགས་ལ་དྲག་གནོན་བྱེད་སྲིད་པའི་ཉེན་བརྡ་བཏང་ཡོད། དེ་བཞིན་ཁྲིམས་ཡིག་དེས་རྒྱ་སྐད་ (Mandarin) དེ་སློབ་ཁྲིད་ཀྱི་སྐད་ཡིག་གཙོ་བོ་ཡིན་པ་གཏན་འབེབས་བྱས་ཡོད་པས། དེས་གྲངས་ཉུང་མི་རིགས་ཀྱི་རང་སྐད་བཀོལ་སྤྱོད་བྱེད་རྒྱུར་བཀག་སྡོམ་དང་། མི་རབས་གསར་པའི་རིག་གཞུང་གི་ངོ་བོ་ཉམས་དམས་སུ་གཏོང་བའི་ཉེན་ཁ་ཡོད། ཆོས་ལུགས་རྒྱ་ནག་ཅན་དུ་སྒྱུར་བའི་སྲིད་བྱུས་འོག་ཆོས་དད་རང་དབང་ལ་དམ་དྲག་དང་། མི་རིགས་འདྲེས་སྡོད་ཀྱི་སྤྱི་ཚོགས་འཛུགས་སྐྲུན་བྱེད་པའི་མིང་ཐོག་ནས་མི་རིགས་སོ་སོའི་རང་དབང་གི་འཚོ་བ་དང་སྒྲིག་འཛུགས་ལ་ཐེ་བྱུས་བྱེད་བཞིན་ཡོད། རྒྱལ་ཚོགས་ཀྱི་མཁས་དབང་ཚོས་ཁྲིམས་ཡིག་དེ་ནི་རྒྱ་ནག་གིས་རྒྱལ་སྤྱིའི་ཐོག་ཁས་ལེན་བྱས་པའི་ “དཔལ་འབྱོར་དང་། སྤྱི་ཚོགས། རིག་གཞུང་བཅས་ཀྱི་ཐོབ་ཐང་སྐོར་གྱི་རྒྱལ་སྤྱིའི་གྲོས་མཐུན་” དང་ “བྱིས་པའི་ཐོབ་ཐང་སྐོར་གྱི་ཆིངས་ཡིག་” སོགས་དང་འགལ་ཡོད་པར་གསུངས་འདུག སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཀྱིས་རྒྱལ་ཚོགས་ཀྱི་དུས་ཐོག་བསྒྲགས་གཏམ་སྤེལ་བ་དེར་དགའ་བསུ་ཞུས་པ་དང་སྦྲགས། ཁྲིམས་ཡིག་དེ་ནི་མི་རིགས་རྩ་མེད་བཟོ་བའི་བཙན་ཤེད་ཀྱི་བྱེད་ཐབས་ཤིག་ཡིན་པར་བརྗོད་དེ། རྒྱ་ནག་གཞུང་གིས་ཁྲིམས་ཡིག་དེ་ལག་བསྟར་མི་བྱེད་པར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་དང་མཐུན་པའི་བསྐྱར་བཅོས་བྱེད་དགོས་པའི་རེ་སྐུལ་བཏོན་ཡོད།...

The detentions of Samten Gyatso and Jamyang Samten highlight the ongoing repression of support for the Dalai Lama in Tibetan monasteries. The post Two Tibetan Monks “Disappeared” into the Chinese Jail System first appeared on Bitter Winter.

By Tenzin Chokyi DHARAMSALA, 22 April: Reports from Tibetan sources have raised alarm over the deteriorating health of two detained writers in occupied Tibet, underscoring broader concerns about prisoner welfare and access to adequate medical care in custody under Chinese...

(TibetanReview.net, Apr21’26) – China is accused of ill-treating and then ignoring even urgently needed medical attention to Tibetan political prisoners while moving them to different prisons when their cases are raised internationally. Two such most recently reported cases are...

Tenzin Nyidon  DHARAMSHALA, April 21: Two Tibetan writers, Gangkye Drubpa Kyab and Tsering Dolma, are reportedly in critical health due to inadequate and delayed medical treatment while in Chinese custody, raising serious concerns over violations of prison regulations that...

Tenzin Nyidon  DHARAMSHALA, April 21: Russian authorities have deported a group of Tibetan Buddhist monks of Gyudmed Tantric Monastery, in Hunsur Tibetan Settlement, Karnataka, following a police raid on a Buddhist festival in Moscow. The move has drawn criticism...

Tenzin Nyidon  DHARAMSHALA, April 21: Marking a significant milestone for Tibetan cultural expression in exile, the Tibetan Arts Council (TAC) was officially launched on April 15, coinciding with World Art Day, a global celebration of artistic creativity. The newly...

June 2026 will bring a rare and meaningful cultural moment to the United Kingdom as the Tibetan Institute of Performing Arts (TIPA) returns for a landmark tour hosted by Tibet House Trust. From 1–9 June, a 26-member troupe will...

Geneva: On 16 April 2026 Geneva, a group of UN Special Rapporteurs from the United Nations raised serious concerns about China’s newly adopted Law on Promoting Ethnic Unity and Progress, which is scheduled to take effect on 1 July...

Geneva: On 16 April 2026 Geneva, a group of UN Special Rapporteurs from the United Nations raised serious concerns about China’s newly adopted Law on Promoting Ethnic Unity and Progress, which is scheduled to take effect on 1 July...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་ཡུལ་ལུང་འདྲ་མིན་གྱི་དད་ལྡན་མཇལ་བཅར་བ་སུམ་བརྒྱ་དྲུག་ཅུ་བརྒལ་བར་མཇལ་ཁ་སྩལ་ཡོད་པ་རེད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕོ་བྲང་གཟིམ་ཆུང་ནས་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་ཐོག་མར་ཕྱི་རྒྱལ་ཡུལ་གྲུ་ཁག་ནས་ཕེབས་པ་དང་། རྒྱ་གར་བ་སོགས་ལ་མཇལ་ཁ་མགོ་འཛུགས་ཀྱིས་རིམ་པར་ཧི་མ་ལ་ཡའི་རི་རྒྱུད་ཀྱི་དད་ལྡན་མི་མང་དང་། དེ་བཞིན་དྷ་ས་མདོ་སྟོད་ཆོལ་ཁའི་དབུས་རྒྱུན་གྱི་བརྟན་བཞུགས་འབུལ་མཁན་མི་མང་དང་གློ་སྒྲིག་བདེ་དོན་ཚོགས་པའི་མི་མང་བཅས་ལ་མཇལ་ཁ་རིམ་པར་སྩལ་ཡོད།སྐབས་དེར་རྒྱ་གར་བ་ཞིག་གིས་རང་ཉིད་ལ་སྐབས་རེ་ཞེད་སྣང་ཡོང་གི་འདུག་པས་དེ་མེད་པར་བཟོ་ཐབས་ལ་བཀའ་སློབ་ཅིག་གནང་རོགས་ཞུས་པར་མགོན་པོ་མཆོག་གིས། བསམ་བློ་རྒྱ་ཆེ་ས་ནས་བཏང་ན་སེམས་པ་ལྷོད་ལྷོད་ཆགས་ཀྱི་རེད། སྣེ་གཅིག་ལ་སྦུ་སུག་དོག་པོའི་བསམ་བློ་བཏང་ནས་བསྡད་ཚེ་སེམས་མ་སྐྱིད་པོ་བྱེད་ཀྱི་ཡོད། ང་ཚོས་སེམས་ཅན་ཐམས་ཅད་ཟེར་དུས་སོ་སོ་གཅིག་པུའི་བསམ་བློ་མ་རེད། རྒྱ་ཆེ་ས་ནས་བསམ་བློ་བཏང་ནས། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག ཅེས་བསམ་བློ་ཧ་ཅང་རྒྱ་ཆེན་པོ་རེད། སེམས་ཅན་གཅིག་གི་སྡུག་བསྔལ་སེལ་བའི་སྐད་ཆ་མིན་པར་སེམས་ཅན་མཐའ་དག་གི་སྡུག་བསྔལ་རྒྱུན་དང་བཅས་པ་བྲལ་བར་བྱའོ་སོམས། ངོས་རང་འདིར་མི་གཅིག་ཡིན་ཡང་བསམ་བློའི་ནང་དུ་སེམས་ཅན་ཐམས་ཅད་ཀྱི་འཁུར་འཁྱེར་ནས་བསྡད་ཡོད། ཅེས་བཀའ་སློབ་སྩལ་བ་དང་། བྱང་ཆུབ་སེམས་ཀྱི་སྐོར་ལ་གློག་བརྙན་བཟོ་མཁན་ཞིག་གིས་མཇལ་ཁ་དང་འབྲེལ་ཐུགས་སྨོན་ཞུས་པར། བྱང་ཆུབ་ཀྱི་སེམས་ཟེར་བ་ནི་དངོས་ཐོག་བདེན་འཚོལ་རེད། གང་ལྟར་ནམ་མཁའི་མཐར་གཏུགས་པའི་སེམས་ཅན་གྱི་སྡུག་བསྡུལ་ག་ཚོད་སེལ་ཐུབ་པ་ཞིག་ངས་བྱེད་རྒྱུ་ཡིན་ཟེར་བ་རེད། བྱེད་མ་ཐུབ་པ་ལ་སྨོན་ལམ་བརྒྱབ་ནས་སྡོད་པ་ལས་གཞན་མེད། ཅེས་དང་།སེམས་ཁམས་རིག་པའི་སྐོར་ལ་ནང་པའི་གཞུང་ཧ་ཅང་ཞིབ་ཚགས་པོ་དང་འབེལ་པོ་རེད། ཚན་རིག་པ་ནང་བསམ་བློའི་སྐོར་ལ་དོ་སྣང་ཡོད་མཁན་ཚོ་ངོས་ལ་ཐུག་འཕྲད་དུ་སླེབས་ནས་གོ་བསྡུར་བྱེད་ཀྱི་འདུག ངོས་ཀྱིས་རྣམ་རྟོག་འདྲ་མིན་དང་ཆོས་ཀྱི་དད་པ་སྣ་ཚོགས་ཐོག་ནས་བཤད་ཀྱི་མེད། བརྟག་དཔྱད་བྱས་པའི་གྲུབ་འབྲས་ཀྱི་བློས་འཁྱེར་སོ་དང་ཀླད་པའི་འགྲོ་སྟངས་བཅས་གལ་ཆེན་པོ་འདུག ཅེས་བཀའ་སློབ་སྩལ་ཡོད། །  

སང་ཕྱི་ཟླ་ ༤ ཚེས་ ༢༢ ཉིན་གྱི་སྔ་དྲོ་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པ་གཉིས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་ཡིན་པ་རེད། དེ་ཡང་སང་ཉིན་བརྟན་བཞུགས་ཀྱི་རྡོ་རྗེ་སློབ་དཔོན་རྣམ་གྲྭ་ཕན་བདེ་ལེགས་བཤད་གླིང་གི་མཁན་རིན་པོ་ཆེ་ཉང་པོ་བློ་བཟང་བསམ་གཏན་མཆོག་ནས་གནང་རྒྱུ་དང་།  བརྟན་བཞུགས་ཐོག་ཚོགས་པ་གཉིས་ཐུན་མོང་ནས་དམིགས་བསལ་གྱི་སྒྲོལ་དཀར་གྱི་སྐུ་བརྙན་ཞིག་འབུལ་མཚན་དུ་འབུལ་བཞེས་གནང་རྒྱུ་མ་ཟད།  སང་ཉིན་གྱི་བརྟན་བཞུགས་ཆེད་དུ་རྡ་ས་མདོ་སྟོད་ཆོལ་ཁའི་ཁོངས་ནས་མི་གྲངས་ ༨༠ ལྷག་དང་།  བལ་ཡུལ་སྤོག་ར་གློ་སྒྲིག་ཚོགས་པ་ནས་མི་གྲངས་ ༣༠༠ ཙམ་ཆེད་ཕེབས་གནང་གི་ཡོད་པ་རེད་འདུག ལྷག་པར་དུ་དེ་རིང་ཕྱི་ཚེས་ ༢༡ ཉིན་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་དང་བལ་ཡུལ་སྤོག་ར་གློ་སྒྲིག་བདེ་དོན་ཚོགས་པའི་བརྟན་བཞུགས་གོ་སྒྲིག་ཚོགས་ཆུང་གི་ཚོགས་མི་གཙོས་པའི་ཚོགས་བཅར་བ་ ༡༨༠ ལྷག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་མ་ཟད།  མཇལ་བཅར་ཁྲོད་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་ནས་མགོན་པོ་༸གང་ཉིད་མཆོག་ལ་བཀའ་དྲིན་རྗེས་དྲན་མཚོན་བྱེད་དུ་༸གོང་ས་མཆོག་བོད་ནས་རྒྱ་གར་ལ་བྲོལ་བྱོལ་སྐབས་ཀྱི་པར་རིས་འཁོད་པའི་བོད་ཀྱི་ས་ཁྲ་བཟོ་སྐྲུན་གནང་བ་ཞིག་དྲན་རྟེན་གྱི་ཚུལ་དུ་འབུལ་བཞེས་གནང་ཡོད་པ་རེད་འདུག མཇལ་ཁ་གྲུབ་མཚམས་འདི་གའི་གསར་འགོད་པས་རྡ་ས་མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་ཝ་ཧོ་བྟན་འཛིན་ལགས་དང་ཚོགས་གཞོན་ཚེ་རིང་དབྱངས་འཛོམས་ལགས་གཉིས་སུ་བཀའ་འདྲི་ཞུས་ཡོད། མ་ཟད་དེ་རིང་གི་མང་མཇལ་ཁྲོད་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་དད་ལྡན་པ་གཅིག་གིས་ཞེ་སྣང་ལ་གདོང་ལེན་ཇི་ལྟར་བྱེད་དགོས་མིན་ཐད་བཀའ་འདྲི་ཞུས་པར། ༸གང་ཉིད་མཆོག་གིས་བཀའ་ལན་ཁྲོད།  བསམ་བློ་རྒྱ་ཆེ་ས་ནས་བཏང་ན་སེམས་ལྷོད་ལྷོད་ཡོང་གི་རེད་ཅེས་དང་།  ང་ཚོས་སེམས་ཅན་ཐམས་ཅད་ཞེས་ཚད་མེད་བཞིའི་སྐོར་བཀའ་སྩལ་དང་འབྲེལ།  ༸གང་ཉིད་མཆོག་ཀྱང་གང་ཟག་སྒེར་གཅིག་ཡིན་ནའང་བསམ་བློའི་ནང་སམེས་ཅན་ཐམས་ཅད་ཀྱི་འཁུར་བཞེས་ཀྱི་ཡོད་པ་བཀའ་སྩལ་འདུག རྩ་བའི་དེང་སང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་བརྩེ་བ་ཆེན་པོས་རེས་གཟའ་ཟླ་བ་ནས་སྤེན་པ་འཆར་ཅན་འཛམ་གླིང་ཡུལ་གྲུ་གང་ས་ནས་ཕེབས་པའི་བོད་མི་དང་ཧི་མ་ལ་ཡའི་རི་རྒྱུད་ཀྱི་དད་ལྡན་པ་གཙོས་པའི་ཕྱི་རྒྱལ་མི་སྣ་མཇལ་བཅར་བ་བརྒྱ་ཕྱག་འགའ་ཤས་ལ་མང་མཇལ་སྩལ་གནང་གི་ཡོད་པ་ལྟར།  ཁ་སང་ལྟ་བུ་མཚོན་ན་༸མགོན་པོ་མཆོག་གིས་མཇལ་བཅར་བ་ ༣༦༠ སྐོར་ལ་མང་མཇལ་ཁྲོད་དད་ལྡན་པ་ཁག་གཅིག་ལ་༸གང་ཉིད་མཆོག་གི་ཤེས་རབ་དེ་རྗེ་བཙུན་འཇམ་དཔལ་དབྱངས་ཀྱི་བྱིན་རླབས་དང་འབྲེལ་བ་ཡོད་པ་མ་ཟད། ༸གོང་ས་མཆོག་གི་སྐུ་ཚེ་འདི་བོད་རིགས་ཙམ་མ་ཡིན་པར་འགྲོ་བ་མི་ཚང་མ་ལ་ཞབས་འདེགས་བསྒྲུབ་བསམ་པའི་ཐུགས་སྨོན་བསྐྱོན་གྱི་ཡོད་པ་བཀའ་སྩལ་ཡོད་པ་རེད།  ལྷག་པར་དུ་མཇལ་བཅར་ཞུ་མཁན་ཁོངས་སུ་བོད་རིགས་གཞོན་སྐྱེས་རང་ཤི་རྒྱབ་རྩིས་ཐེངས་གཉིས་ཙམ་བྱེད་མཁན་ཞིག་ལ་མགོན་པོ་༸གང་ཉིད་མཆོག་གིས།  ང་རང་ཚོ་རྒྱ་ཆེ་ས་ནས་བསམ་བློ་བཏང་ན་འཛམ་བུ་གླིང་གི་སེམས་ཅན་མང་པོ་ཞིག་དཀའ་ངལ་ནང་ཚུད་ཡོད་པ་གང་ལྟར་ཡང་།  ང་རང་ཚོ་བོད་རིགས་ལ་ཆ་བཞག་ན་བྱང་ཆུབ་ཀྱི་སེམས་དང་། སྟོང་ཉིད་ཀྱི་ལྟ་བ། འཕགས་པ་སྤྱན་རས་གཟིགས་བཅས་དུས་རྟག་ཏུ་དྲན་ཐུབ་ཡག་ཅིག་ཡོད་དུས། གཞན་དང་ཏོག་ཙམ་མི་འདྲ་བ་ཞིག་ཆགས་ཀྱི་ཡོད་པ་བཀའ་སྩལ་འདུག་ལ།  ཡང་བོད་རིགས་ཞོན་སྐྱེས་གཞན་ཞིག་ལ་ལོ་སྐག་དང་འབྲེལ་བའི་བར་ཆད་སྐོར་དང་འབྲེལ། སྐག་ནི་བསམ་བློ་གཏོང་སྟངས་ཤིག་ཡིན་པ་དང་།  དེ་ནི་རྟེན་ངན་གྲོགས་སུ་འཁྱེར་ཞེས་དང་། ...

Due to the Chinese government's continued failure to provide adequate medical treatment and supervision to Tibetan political prisoners, the health conditions of Tibetan writers, Gangkye Drubpa Kyab and Gang Tsering Dolma have deteriorated considerably.