The post སྤེན་པ་ཚེ་རིང་མཆོག་གིས་སྐབས་གཉིས་པའི་སྲིད་སྐྱོང་གི་ལས་འཁུར་དམ་འབུལ་ཞུས། appeared first on བོད་ཀྱི་དུས་བབ།.

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་ལགས་ཀྱི་དྲུང་ནས་སླར་ཡང་བདམས་ཐོན་བྱུང་བའི་སྲིད་སྐྱོང་སྤེན་པ་ཚེ་རིང་ལགས་ཀྱིས་ལས་འཁུར་དམ་འབུལ་ཞུས་སོང་། དེ་ཡང་དེ་རིང་ཕྱི་ཟླ་ ༥ ཚེས་ ༢༧ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་སྐབས་ ༡༨ པའི་བཀའ་ཤག་གི་བདམས་ཐོན་སྲིད་སྐྱོང་སྤེན་པ་ཚེ་རིང་ལགས་ཀྱིས། ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་ལགས་ཀྱི་དྲུང་ནས་ལས་འཁུར་དང་། གསང་རྒྱའི་དམ་འབུལ་བཞེས་ཏེ། སྲིད་སྐྱོང་ནས་དམ་འབུལ་ཡིག་ཆ་དང་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པའི་མཛད་འཁུར་དང་གསང་རྒྱའི་དམ་འབུལ་མ་དེབ་བཅས་སུ་མཚན་རྟགས་བསྐྱོན་གནང་སོང་། སྐབས་དེར་སྲིད་སྐྱོང་མཆོག་གིས་སྐབས་ ༡༧ པའི་ལས་ཡུན་གསར་པ་དབུ་འཛུགས་ཀྱི་གསུང་བཤད་ཁྲོད། བཀའ་ཤག་སྐབས་ ༡༧ པས་ལས་དོན་བྱེད་སྒོ་མཐའ་དག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཐུགས་སུན་བཟོ་མ་དགོས་པ་དང་། གཞིས་བྱེས་བོད་མི་རྣམས་བློ་ཕམ་འབྱུང་མ་དགོས་པ་ཞིག་ཡོང་ཐབས་བྱ་རྒྱུ་གཞི་རིམ་གྱི་དམ་བཅའ་བྱ་རྒྱུ་ཡིན་ཞིང་། བོད་མི་ཚོས་རང་ཉིད་ཆབ་སྲིད་ཀྱི་བཙན་བྱོལ་བ་ཡིན་པའི་ངོ་རྟགས་མ་བརྗེད་པར། སྤྱི་ཚོགས་ནང་ཁུལ་མ་མཐུན་པ་རྣམས་མཐུན་པའི་ཕྱོགས་སུ་བསྒྲིལ་ཐབས་བྱས་ཏེ། བོད་སྤྱིི་པའི་རྩ་དོན་ཐོག་སོ་སོར་འཁྲི་བའི་ལས་འགན་བསྒྲུབ་རྒྱུའི་སེམས་ཤུགས་བསྐྱེད་དགོས་པའི་འབོད་སྐུལ་ཞུས་གནང་སོང་། ལྷག་པར་རྒྱ་གཞུང་གིས་བོད་མི་རིགས་རྩ་གཏོར་གཏོང་བའི་སྲིད་ཇུས་ཇི་ལྟར་གདུག་རྩུབ་ཆེ་ནའང་། སྲིད་པ་ཆགས་པ་ནས་གངས་ལྗོངས་ས་མཐོའི་བདག་པོ་ངོ་མ་ཡིན་པའི་བོད་མི་རིགས་འཆི་གསོན་གྱི་ལས་དབང་འདི་རྒྱ་གཞུང་གི་འདོད་པ་དང་བྱ་བྱེད་ཁོ་ནས་ཁ་ལོ་སྒྱུར་ཐུབ་པ་ཞིག་མིན་པས། གཞིས་བཞུགས་སྤུན་ཟླ་རྣམ་པས་སོ་སོའི་ཁྱིམ་ཚང་གཞི་མར་བཟུང་སྟེ་བུ་ཕྲུག་ཚོར་བོད་ཀྱི་སྐད་ཡིག་དང་། ནང་ཆོས། རིག་གཞུང་གི་བག་ཆགས་འཇོག་པའི་ཐབས་ཚུལ་ལ་འབད་ཁུར་ལེན་ཐུབ་པའི་རེ་སྐུལ་ཞུས་པ་མ་ཟད། གོ་སྐབས་འདིའི་བརྒྱུད་ནས་བོད་མིར་མཐུན་སྦྱོར་རྒྱབ་སྐྱོར་གནང་མཁན་རྒྱ་གར་གཞུང་མང་དང་། ཨ་རི་གཞུང་མང་གིས་གཙོས་པའི་འབྲེལ་ཐོགས་ཚང་མར་ཐུགས་རྗེ་ཆེ་ཞུས་པ་དང་ཆབས་ཅིག རྒྱབ་སྐྱོར་འདི་རིགས་ནི་བོད་དོན་བདེན་མཐའ་གསལ་བའི་འཐབ་རྩོད་ཀྱི་གཞི་རྟེན་གཙོ་བོ་ཞིག་ཡིན་པ་གསུངས་སོང་། དེ་བཞིན་གཞུང་འབྲེལ་གྱི་སྐུ་མགྲོན་ཨིན་ཡུལ་གྲོས་ཚོགས་འཐུས་མི་དང་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ Ms. Wera Wobhouse ཝེ་ར་ཝེབ་ཧའུས་ལགས་ཀྱིས། སྲིད་སྐྱོང་མཆོག་ལ་འཚམས་འདྲི་དང་འབྲེལ། བཙན་བྱོལ་བོད་མི་རྣམས་ནས་མང་གཙོའི་བརྒྱུད་རིམ་ལོངས་སུ་སྤྱོད་པར་ཐུགས་རྗེ་ཆེ་ཞེས་གསུངས་སོང་། མ་ཟད་བོད་ནང་གི་བོད་མི་རྣམས་ལ་འགྲོ་བ་མིའི་ཐོབ་ཐང་རྡོག་རོལ་དང་རིག་གཞུང་རྩ་གཏོར་གྱི་དཀའ་ངལ་ཆེ་ཆེར་འཕྲད་བཞིན་ཡོད་ཀྱང་། བཙན་བྱོལ་བོད་མི་རྣམས་ནས་སོ་སོའི་རིག་གཞུང་སྲུང་སྐྱོབ་དང་རྒྱལ་སྤྱིའི་སྤྱི་ཚོགས་ནང་དེ་འབྲེལ་གོ་རྟོགས་སྤེལ་ཐུབ་ཡོད་པར་བོད་དོན་བདེན་པའི་འཐབ་རྩོད་དེ་ནམ་ཡང་བརྗེད་ཀྱི་མ་རེད་སོགས་གསུངས་སོང་། ཕྱོགས་མཚུངས་...

དེ་རིང་ཉིན་རྒྱབ་བཞུགས་སྒར་རྡ་སའི་ལྷ་རྒྱལ་རིའི་ཉེ་འཁྲིས་སུ་ཆགས་པའི་༸གོང་ས་ཏཱ་ལའི་བླ་མ་དཔེ་མཛོད་དང་ཡིག་ཚགས་ཁང་༸གོང་ས་ཏཱ་ལའི་བླ་མའི་དགེ་རྩ་ཚོགས་པ་དང་། ཨེ་མོ་རིའི་བྱམས་བརྩེའི་བསྟི་གནས་ཁང་ཐུན་མོང་གི་གོ་སྒྲིག་འོག་༸གོང་ས་༸རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ཕེབས་པའི་འཁྲུངས་སྐར་སྲུང་བརྩིའི་ཆ་ཤས་སུ་༸གོང་ས་མཆོག་གི་དགོངས་པ་ཚན་རིག་དང་བཟང་སྤྱོད། སྙིང་རྗེ་བཅས་ཀྱི་ལམ་ནས་གོང་མཐོར་གཏོང་བའི་ཚོགས་འདུ་དབུ་འཛུགས་གནང་སོང་། དེ་རིང་བགྲོ་གླེང་གི་ཉིན་དང་པོའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་ཆེ་མཆོག་དང་སྐུ་མགྲོན་རྣམ་པ་དང་ཚན་རིག་པ། དེ་བཞུན་ཨེ་མོ་རི་གཙུག་ལག་སློབ་གཉེར་ཁང་གི་བྱམས་བརྩེའི་བསྟི་གནས་ཁང་གི་འགན་འཛིན་དགེ་བཤེས་བློ་བཟང་ནེ་གི་ལགས་ཀྱིས་གཙོས་པའི་འབྲེལ་ཡོད་ལས་བྱེད་དང་སཱི་ཤེས་ཡོན་སློབ་གསོ་ཕྱག་བསྟར་གནང་སའི་རྒྱལ་སྤྱིའི་ཡུལ་གྲུ་འདྲ་མིན་གྱི་ཆེད་ལས་པ་དང་དགེ་རྒན། སློབ་ཕྲུག གཞན་ཡང་ནང་པའི་དགོན་སྡེ་ཁག་གི་སྐུ་ཚབ་སོགས་ནས་ལྷན་ཞུགས་གནང་ཡོད། སྐབས་དེར་དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་ཆེ་མཆོག་གིས། ད་ལྟའི་དུས་སྐབས་འདིར་སྐྱེས་འགྲོ་སྤྱིའི་བདེ་དོན་ཡར་རྒྱས་འགྲོ་མིན་གྱི་རྩ་བ་ནི་༸གོང་ས་སྐྱབས་མགོན་ཆེན་པོ་མཆོག་གི་བཀའ་དགོངས་ཚུལ་བཞིན་ལག་བསྟར་བྱེད་ཐུབ་མིན་ཁོ་ནར་རག་ལས་ཡོད་པ་དང་ལྷག་པར་དུ་དེ་རིང་མགོན་པོ་༸གང་ཉིད་མཆོག་གི་འཁྲུངས་སྐར་སྲུང་བརྩིའི་ཆ་ཤས་སུ་གོ་སྒྲིག་ཞུས་པའི་རྗེས་དྲན་ཚོགས་འདུ་འདི་བརྒྱུད་༸གང་ཉིད་མཆོག་གི་རླབས་ཆེན་མཛད་རྗེས་དང་དགོངས་པ་རྣམས་སློབ་གཉེར་དང་གྲོས་བསྡུར་བྱེད་པ་ནི་སྐྱེས་བུ་གཅིག་ལ་རྗེས་དྲན་གྱིས་གུང་བརྩི་ཞུ་བ་ཙམ་མ་ཡིན་པར་སྤྱི་ཚོགས་ཀྱི་བདེ་དོན་ལ་འགན་འཁུར་མཉམ་སྤྱོད་བྱེད་པའི་རྣམ་པ་ཞིག་ཡིན་པར་གསུངས་ཏེ་རྗེས་དྲན་ཚོགས་འདུ་འདི་ལྟ་བུ་ནི་ཧ་ཅང་གལ་ཆེན་པོ་ཡིན་པར་ནན་བརྗོད་གནང་སོང་། ཨེ་མོ་རི་བྱམས་བརྩེ་བསྟི་གནང་ཁང་གི་འགན་འཛིན་དགེ་བཤེས་བློ་བཟང་ནེ་གི་ལགས་ཀྱིས་དེ་རིང་གི་ཚོགས་འདུའི་དགོས་དམིགས་ངོ་སྤྲོད་དང་འབྲེལ་ཉིན་གསུམ་གྱི་ཚོགས་འདུ་དེའི་སྟེང་གཏམ་བཤད་པ་རྣམས་ནས་༸གོང་ས་༸སྐྱབས་མགོན་ཆེན་པོ་མཆོག་གི་ལྗགས་རྩོམ་མཛད་པའི་ཕྱག་དེབ་གསུམ་གཞི་ལ་བཞག་པའི་ཐོག་ནས་ནང་དོན་གལ་ཆེན་ཁག་དཔེར་ན་བཟང་སྤྱོད་དང་སེམས་མྱོང་། བྱམས་བརྩེ་དང་ཤེས་པ་བཅས་ཀྱི་སྐོར་གོ་སྡུར་སྦྱང་བཤད་ཀྱིས་ཚན་རིག་དང་ནང་ཆོས་ཟུང་དུ་བྲེལ་བའི་ཐོག་ནས་ཤེས་བྱ་ཡོན་ཏན་གོང་འཕེལ་གནང་རྒྱུ་ཡིན་པ་གསུངས་སོང་། The post ༸གོང་ས་མཆོག་གི་དགོངས་པ་ཚན་རིག་དང་བཟང་སྤྱོད། སྙིང་རྗེ་བཅས་ཀྱི་ལམ་ནས་ཡར་རྒྱས་གཏོང་བའི་ཚོགས་འདུ་དབུ་འབྱེད། appeared first on vot.

ཕྱི་ལོ་ ༢༠༢༦ ལོའི་ཟླ་ ༥ ཚེས་ ༢༥ ཉིན། རྒྱ་ནག་དབུས་གཞུང་སྒྲིག་ཁྲིམས་ལྟ་ཞིབ་ཁང་གིས་གནས་ཚུལ་སྤེལ་བ་ལྟར་ན། བོད་རང་སྐྱོང་ལྗོངས་ཀྱི་ལུས་རྩལ་མཐུན་ཚོགས་ཀྱི་འགན་འཛིན་གཞོན་པ་ཉི་མ་ཚེ་རིང་ལ་ཚབས་ཆེན་གྱི་དམ་འགལ་དང་ཁྲིམས་འགལ་ཡོད་པའི་དོགས་གཞིའི་འོག་ཞིབ་བཤེར་བྱས་འདུག་པའི་གནས་ཚུལ་སྤེལ་ཡོད་པ་དང་། ད་ལྟ་ཏང་གི་སྒྲིག་ཁྲིམས་ཞིབ་བཤེར་ཁང་གིས་རྩད་གཅོད་དང་ཞིབ་འཇུག་བྱེད་བཞིན་ཡོད་འདུག བོད་རིགས་ཉི་མ་ཚེ་རིང་ནི་ཕྱི་ལོ་ ༡༩༦༨ ལོར་བོད་ལྗོངས་ཆབ་མདོ་ས་ཁུལ་གྱི་འབྲོག་ཁྱིམ་ཞིག་ཏུ་སྐྱེས། ཁོང་ལ་ཁྱིམ་ཚང་གི་གནས་བབ་མཐོ་པོ་མེད་ནའང་མི་ཚེའི་ལམ་བུར་འབད་བརྩོན་གྱི་རྨང་གཞི་བརྟན་པོ་བཞག་ཡོད་མཁན་ཞིག་ཡིན་འདུག ཕྱི་ལོ་ ༡༩༨༤ ལོར་ཁོང་བོད་ལྗོངས་ལུས་རྩལ་རུ་ཁག་གི་མདའ་འཕེན་རུ་ཁག་ཏུ་བདམས་ནས། ཆེད་ལས་ལུས་རྩལ་པ་ཞིག་ཏུ་གྱུར། ཕྱི་ལོ་ ༡༩༨༩ ལོར་བོད་ལྗོངས་རི་འཛེགས་ལས་གཉེར་ལྟེ་གནས་སུ་ལས་ཀ་བྱས་པ་དང་། ཞོར་དུ་ཡིག་སྒྱུར་པ་དང་འབྲེལ་མཐུད་པའི་ལས་འགན་འཁུར། རྒྱ་ནག་པེ་ཅིང་དུ་ཨོ་ལིམ་ཕིག་རྩེད་སྐབས་དཔལ་འབར་འཁྱེར་མཁན་གྱི་ལུས་རྩལ་བ་སྐད་གྲགས་ཆེན་པོ་ཞིག་ཡིན་འདུག་པ་མ་ཟད། མཐོ་སྒང་གི་ཞིང་འབྲོག་ཕྲུ་གུ་མང་པོའི་མིག་དཔེ་ལྟ་ས་ཞིག་ཡིན་འདུག ཕྱི་ལོ་ ༢༠༠༡ ལོར་བོད་ལྗོངས་རི་འཛེགས་ཚོགས་པ་གསར་འཛུགས་ཀྱི་ལས་དོན་ལ་སྣེ་ཁྲིད་བྱས་པ་དང་བོད་ལྗོངས་རི་འཛེགས་ཉེན་སྐྱོབ་རུ་ཁག་བཙུགས་ནས་རི་བོ་ཇོ་མོ་གླང་མར་འཛེགས་མཁན་ཚོའི་ཚེ་སྲོག་བདེ་སྲུང་བྱས། དེ་བཞིན་ཕྱི་ལོ་ ༢༠༡༤ ལོར་རྒྱ་ནག་རི་འཛེགས་ཚོགས་པའི་ཚོགས་གཞོན་བདམས་པ་དང་། དེ་རྗེས་བོད་ལྗོངས་རང་སྐྱོང་ལྗོངས་ལུས་སྩལ་མཐུན་ཚོགས་ཀྱི་ཚོགས་གཞོན། བོད་ལྗོངས་ལུས་རྩལ་ལས་དོན་གྱི་འཕེལ་རྒྱས་ལ་སྤྱི་ཡོངས་ཀྱི་འགན་འཛིན་སོགས་ཀྱི་ལས་དོན་བསྒྲུབས་འདུག དེ་བཞིན་ཕྱི་ལོ་ ༢༠༢༥ ལོའི་ཟླ་ ༢ ཚེས་ ༡༣ ཉིན། ...

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༢༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་གི་ཆོས་གྲྭའི་ནང་བོད་མིའི་སྒྲིག་འཛུགས་ཀྱི་སྐབས་བཅུ་བདུན་པའི་བཀའ་ཤག་གི་བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་གི་ལས་ཁུར་དམ་འབུལ་མཛད་སྒོར་དབུ་བཞུགས་མཛད་ཡོད་པ་རེད།   དེ་ཡང་ཐོག་མར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕོ་བྲང་མཇལ་འཕྲད་ཁང་དུ་སྲིད་སྐྱོང་ལས་ཁུར་དམ་འབུལ་མཛད་སྒོར་ཕེབས་པའི་ཕྱིའི་རྒྱལ་ཁབ་ཀྱི་སྐུ་མགྲོན་ཁག་ལ་མཇལ་འཕྲད་མཛད་ཅིང་། ཆུ་ཚོད་ ༨།༣༠ ཙམ་ལ་ཕོ་བྲང་རྒྱ་སྒོ་རུ་ཆིབས་བསྒྱུར་སྐབས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་བཅས་ནས་སྤྱན་རྒྱ་སྤོས་སྣེས་དང་བཅས་མཛད་སྒོའི་གཙོ་མགོན་དུ་གདན་ཞུས་ཀྱིས་སྡིངས་ཆར་༸ཞབས་སོར་འཁོད་མཚམས། ཆེས་མཐོའི་ཁྲིམས་ཞིབ་ཁང་གི་དྲུང་ཆེས་མཛད་སྒོ་གཙོ་སྐྱོང་གིས་ཐོག་མར་བོད་རྒྱལ་ཁབ་ཆེན་པོའི་རྒྱལ་གླུ་དང་གནས་ཡུལ་རྒྱ་གར་རྒྱལ་ཁབ་ཀྱི་རྒྱལ་གླུ་རིམ་པར་བཏང་ཞིང་། སྐུ་བཅར་རྣམ་རྒྱལ་ཕན་བདེ་ལེགས་བཤད་གླིང་གི་དགེ་འདུན་པ་བཞིས་གྲས་ཤིས་བརྗོད་གསུང་འདོན་དང་། རྟེན་འབྲེལ་མཚོན་བྱེད་སྐུ་མགྲོན་རྣམས་ལ་གསོལ་ཇ་འབྲས་སིལ། ལས་བྱེད་དང་མང་ཚོགས་ལ་མངར་ཟས་འབུལ་འགྲེམས་དང་། དྷ་སྟེང་བོད་ཁྱིམ་སློབ་གྲྭའི་སློབ་ཕྲུག་ཁག་གཅིག་ནས་བཀྲ་ཤིས་པའི་ཞབས་གཞས་གཟིགས་འབུལ་ཞུས་ཡོད།དེ་ནས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཎྜལ་རྟེན་གསུམ་འདེགས་འབུལ་ཞུས་རྗེས། བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་གིས་དཔལ་ལྡན་ཁྲིམས་ཞིབ་པ་ཆེ་བའི་མདུན་དུ་ལས་ཁུར་དང་། གསང་རྒྱའི་དམ་བཅའ་འབུལ་བཞེས་མཛད་པ་དང་། ཁྲིམས་ཞིབ་པ་མཆོག་གིས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་རྟེན་འབྱུང་མཇལ་དར་བསྒྲོན་ཞིང་། དཔལ་ལྡན་སྲིད་སྐྱོང་མཆོག་གིས་དམ་འབུལ་ཡིག་ཆ་དང་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པའི་མཛད་འཁུར་དང་གསང་རྒྱའི་དམ་འབུལ་མ་དེབ་བཅས་སུ་མཚན་རྟགས་བཀོད་དེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཎྜལ་རྟེན་གསུམ་འདེགས་འབུལ་ཞུས།དེ་རྗེས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་མཆོག་དང་། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཉིས། སྐབས་ ༡༦ པའི་བཀའ་ཤག་གི་བཀའ་ཟུར་རྣམ་པ། རང་དབང་ཅན་གྱི་སྡེ་ཚན་ཁག་གི་འགན་འཛིན། འདེམས་ལྷན་ཚོགས་མི་རྣམ་པ་བཅས་ནས་རིམ་བཞིན་སྐབས་ ༡༧ པའི་དཔལ་ལྡན་སྲིད་སྐྱོང་མཆོག་ལ་རྟེན་འབྱུང་མཇལ་དར་སྒྲོན་འབུལ་དང་། དྷ་སྟེང་བོད་ཁྱིམ་སློབ་ཕྲུག་ནས་དགའ་བསུའི་རོལ་དབྱངས་གཟིགས་འབུལ་ཞུས།       མཐར་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྐབས་ ༡༧...

འབྲས་སྤུངས་སྒོ་མང་གྲྭ་ཚང་གིས་ཉེ་ཆར་དགོན་པའི་སྐྱིད་སྡུག་ནས་ཕྱིར་འབུད་བཏང་བའི་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་ཀྱི་གནད་དོན་ཐད་སླར་ཡང་ཚོགས་འདུ་འཚོགས་པའི་རྗེས་སུ།  སྤྱི་འཐུས་རང་ཉིད་སྤྱི་མི་ཚད་ལྡན་ཞིག་གི་ལམ་ནས་བསྟན་འགྲོར་སྨན་པའི་ཕྱག་ལས་མིག་དཔེར་འོས་པ་གནང་བ་སོགས།  བློ་ལྡན་སྐྱེ་བོ་སུས་བལྟས་ཀྱང་སྔར་གྱི་ཉེས་པའི་རིགས་དག་འདུག་སྙམ་པ་དང༌།  སྤྱི་དོན་སླད་མཛད་རྗེས་གང་ལེགས་བཞག་སྟེ་ཀུན་གྱིས་བསྔགས་པའི་ཡུལ་དུ་གྱུར་ཚེ་གྲྭ་ཚང་རིན་པོ་ཆེར་བསྐྱར་དུ་ཞུགས་པའི་གོ་སྐབས་ཤིག་བསྐྲུན་རྒྱུའི་ཐག་གཅོད་གནང་འདུག རྩ་བའི་སྔ་ལོའི་ཕྱི་ཟླ་ ༡༢ ཚེས་ ༢༧ ཉིན་གནས་ཆུང་ཆོས་རྒྱལ་ཆེན་པོའི་སྤྱན་འདྲེན་ཁྲོད། རེ་བོ་དགེ་ལུགས་པའི་མགྲིན་ཚབ་མིང་ཅན་རེ་པ་གཉིས་ནས་ངག་བློ་ཐལ་ཏེ་གང་བྱུང་བྱ་ངན་དང་། ༸གོང་ས་མཆོག་ལ་མཚན་སྨད་ཞུ་བ། དེ་བཞིན་བོད་ཀྱི་རྩ་དོན་དོར་ཏེ་ཆོལ་ཁ་ཆོས་ལུགས་འཐེན་འཁྱེར་བགྱིས་པ་སོགས་ཀྱི་བཀའ་ལུང་ཕེབས་པ་དང་འབྲེལ། འབྲས་སྤུངས་བླ་སྤྱི་ནས་བཀའ་ལུང་ནང་གསུངས་པའི་དགེ་ལུགས་པའི་མགྲིན་ཚབ་མིང་ཅན་རེ་པ་གཉིས་པོ་ད་ལྟའི་དགེ་ལུགས་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་དང་། དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས་གཉིས་ཡིན་པར་ངོས་འཛིན་གྱིས། ཁོང་གཉིས་ལ་འགྱོད་བཤགས་དང་ཕྱིན་ཆད་མི་བྱེད་པའི་དམ་བཅའ་འཇོག་དགོས་པའི་སྐུལ་མ་གནང་བ་བཞིན། འདི་ལོའི་ཕྱི་ཟླ་ ༡ ཚེས་ ༢༠ ཉིན་སྤྱི་འཐུས་རྣམ་གཉིས་ནས་འབྲས་སྤུང་ཚོགས་ཆེན་འདུན་དུ་འགྱོད་བཤགས་དང་ཕྱིན་ཆད་མི་བྱེད་པའི་དམ་བཅའ་འཇོག་གནང་ཡོད་པ་རེད།  དེ་རྗེས་ཟླ་བ་འདིའི་ཚེས་ ༡༠ ཉིན་འབྲས་སྤུང་སྒོ་མང་གྲྭ་ཚང་གིས་ཡོངས་ཁྱབ་གསལ་སྒྲགས་ཞིག་སྤེལ་བའི་ནང་དུ།  དོ་དག་སྤྱི་འཐུས་ནས་ཉེ་ལམ་ཕྱི་ཟླ་ ༣ པའི་ནང་འཚོགས་པའི་སྐབས་ ༡༧ པའི་གྲོས་ཚོགས་མཐའ་མའི་སྐབས་གནད་དོན་བསྐྱར་གླེང་གིས་གནས་ཆུང་ཆོས་རྒྱལ་ཆེན་མོའི་བཀའ་ལུང་དེ་རྫུན་མ་ཡིན་ཚུལ་དང༌། གནས་ཆུང་གི་བཀའ་ལུང་དེ་ལ་ངོས་ལེན་བྱེད་ཐབས་མེད་ཚུལ་སོགས་བསྒྲགས་པ་མ་ཟད། ༸རྒྱལ་བའི་སྐུ་འཁོར་བགྲེས་པ་རྣམས་དང༌། གནས་ཆུང་ཆོས་རྒྱལ་ཆེན་པོའི་སྐུ་རྟེན་བཅས་པར་གཞི་མེད་སྐུར་འདེབས་ཀྱིས་སྐྱོན་འཛུགས་བྱས་པ་དེ་ནི། འདས་པའི་ལོ་རྒྱུས་ཀྱི་དུས་ཡུན་རིང་པོའི་ནང་དཔལ་ལྡན་དགའ་ལྡན་ཕོ་བྲང་དང་མི་མང་བར་གྱི་དམ་ཚིག་ལ་དབྱེན་གྱི་སྦྱོར་བ་བརྩམས་པ་ཞིག་དང༌། དེ་སྔ་འབྲས་སྤུངས་སུ་སྔར་བྱས་ལ་འགྱོད་བཤགས་དང༌། ཕྱིན་ཆད་དེ་རིགས་མི་བྱེད་པའི་ཁས་ལེན་དམ་བཅའ་བྱས་པ་དེ་དག་རང་ཉིད་ཀྱིས་དངོས་སུ་རྩིས་མེད་རྡོག་རོལ་བཏང་བ་ཞིག་ཆགས་པར་ངོས་འཛིན་དང་འབྲེལ།  གྲྭ་ཚང་སྤྱི་མོས་ཀྱི་གྲོས་ཆོད་འོག དགེ་ལུགས་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་གྲྭ་ཚང་དེ་ཉིད་ཀྱི་སྐྱིད་སྡུག་ནས་ཕྱིར་འབུད་བཏང་བ་མ་ཟད། སླད་ཕྱིན་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་སྐྱིད་སྡུག་འོག་ཡོད་པ་སུའང་སྲིད་སྤྱིའི་འོས་འགྲན་ནང་བཞུགས་མི་ཆོག་པ་སོགས་ཀྱི་བཀོད་ཁྱབ་བཏང་ཡོད་པ་རེད། ཉེ་ཆར་ཟླ་བ་འདིའི་ཚེས་ ༡༩...

ཉེ་ཆར་རྒྱ་གར་གྱི་གཞོན་སྐྱེས་ཡིན་པའི་ཨ་རིའི་ནང་སློབ་སྦྱོང་བྱེད་བཞིན་པའི་ན་གཞོན་ཞིག་གིས་དྲྭ་ཐོག་ནས་སྲིད་དོན་ཚོགས་པ་ཞིག་བཙུགས་རྗེས། རྒྱ་གར་གྱི་གཞོན་སྐྱེས་ས་ཡ་མང་པོས་སྲིད་དོན་ཚོགས་པ་དེའི་ནང་མཉམ་ཞུགས་བྱས་ཡོད་འདུག་པ་དང་། ཚོགས་པ་དེས་གནད་དོན་གཙོ་བོ་གླེང་སློང་བྱེད་བཞིན་པ་ནི་གཞུང་འཛིན་སྲིད་དོན་ཚོགས་པས་ལས་ཀའི་གོ་སྐབས་བསྐྲུན་དགོས་པ་དང་། ལྐོག་ཟ་རུལ་སུངས་མེད་པ་བཟོ་དགོས་པ། རྒྱལ་ཡོངས་ཡིག་རྒྱུགས་ཁྲོད་དྲང་པོ་བྱེད་དགོས་པ། གཞུང་གིས་གཞོན་སྐྱེས་ཚོའི་བདེ་སྡུག་ལ་ལྟ་རྟོགས་བྱེད་པའི་དགོས་འདུན་བཏོན་ཡོད་འདུག The post རྒྱ་གར་གྱི་གཞོན་སྐྱེས་ཚོས་སྲིད་དོན་ཚོགས་པ་གསར་པ་ཞིག་བཙུགས་ནས་ལས་འགུལ་སྤེལ་བཞིན་འདུག appeared first on བོད་ཀྱི་བང་ཆེན།.

༄༅། །བོད་རྒྱལ་ལོ་ ༢༡༥༣ རབ་གནས་མེ་རྟ་ལོའི་བོད་ཟླ་ ༤ ཚེས་ ༡༡ དང་། ཕྱི་ལོ་ ༢༠༢༦ ཟླ་བ་ ༥ ཚེས་ ༢༧ རེས་གཟའ་ལྷག་པ་ཉིན་དྷ་ས་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་དབུས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག བོད་མི་མང་ཚོགས་ཀྱིས་མང་གཙོའི་ལམ་ནས་འོས་འདེམས་བྱས་པའི་སྲིད་སྐྱོང་སྤེན་པ་ཚེ་རིང་མཆོག་གི་དམ་འབུལ་མཛད་སྒོ་གཟབ་རྒྱས་ངང་ཚོགས་སོང་། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨ སྟེང་། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། ཨིན་ཡུལ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཁི་རི་སི་ལོ་ (Chris Law) ལགས། ངལ་རྩོལ་ཚོགས་པའི་གྲོས་ཚོགས་འཐུས་མི་སྐུ་ཞབས་ཀེ་རི་ (Kerry McCarthy) ལགས། ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ཝེ་ར་ཧོབ་ཧའུས་ (Wera Hobhouse) ལགས། ཨིན་ཡུལ་གྱི་གྲོས་ཚོགས་འཐུས་མི་ཨེ་ལི་ཤི་ཡ་ཀེ་ཨན་སི་ (Alicia Kearns) ལགས། ལ་ཊིན་ཨ་མི་རི་ཀ་ནས་ཅི་ལིའི་གྲོས་ཚོགས་འཐུས་མི་ལིའུ་སི་ མཱ་ལཱ་ ཝ་ལེན་ཛུ་ལ་...

དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་༸གོང་ས་རྒྱལ་བ་རིན་པོ་ཆེ་མཆོག་དབུ་བཞུགས་ཐོག་འདེམས་ཐོན་སྲིད་སྐྱོང་སྤེན་པ་ཚེ་རིང་མཆོག་གིས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་ནས་ལས་འཁུར་དམ་འབུལ་ཞུས་སོང་། དེ་རིང་ཕྱི་ཚེས་ ༢༧ ཉིན་༸གོང་ས་རྒྱལ་བ་རིན་པོ་ཆེ་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་ནས་བཀའ་ཤག་སྐབས ༡༧ པའི་འདེམས་ཐོན་སྲིད་སྐྱོང་སྤེན་པ་ཚེ་རིང་མཆོག་གི་ལས་འཁུར་དམ་འབུལ་ཞུས་སོང་། སྐབས་དེར་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང། ཕྱིའི་སྐུ་མགྲོན་དུ་དབྱིན་ཡུལ་གྲོས་ཚོགས་འཐུས་མི་དང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་ལྕམ་ཝེ་ར་ (Wera Benedicta Hobhouse) ལགས་དང་། སི་ཁོ་ཊི་ལན་ཌི་ (Scotland) གྲོས་ཚོགས་འཐུས་མི་ལྕམ་ཨེ་ལི་ཤི་ཡ་ (Alicia Alexandra Martha Kearns) ལགས། དབྱིན་ཡུལ་གྲོས་ཚོགས་འཐུས་མི་དང་བློན་ཆེན་ཟུར་པ་ལྕམ་ཀེ་རི་ (Kerry Gillian McCarthy) ལགས། ཨེལ་སལ་ཝེ་ཌོར་ (El Salvador) གྲོས་ཚོགས་འཐུས་མི་སྐུ་ཞབས་ཇོ་སི་ (Jose Francisco Lira Alvadaro)ལགས། ཆི་ལི་ (Chile) གྲོས་ཚོགས་འཐུས་མི་སྐུ་ཞབས་ལུའུ་སི་ (Luis Mala Valenzuela)ལགས།...

[དྷ་རམ་སར། ] ཕྱི་ལོ་༢༠༢༦ ཟླ་༥ ཚེས་༢༧ ཉིན་གྱི་སྔ་དྲོར། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་ནང་། ༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཐོག བསྐྱར་དུ་འདེམས་ཐོན་བྱུང་བའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་བཙན་བྱོལ་བོད་མིའི་བཅའ་ཁྲིམས་རིན་པོ་ཆེ་གཞིར་བཟུང་། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོའི་མདུན་དུ་ལས་འཁུར་དམ་འབུལ་ཞུས་སོང་། The post སྲིད་སྐྱོང་སྤེན་པ་ཚེ་རིང་གིས་སྲིད་སྐྱོང་སྐབས་གཉིས་པའི་ལས་འཁུར་དམ་འབུལ་ཞུས་སོང་། appeared first on བོད་ཀྱི་བང་ཆེན།.

ཡུ་རོབ་མཐུན་ཚོགས་ཀྱི་མཐོ་གྲས་འགན་འཛིན་རྣམས་གནངས་ཉིན་ཕྱི་ཚེས་ ༢༩ ཉིན་ Security College Meeting ཞེས་རྒྱ་ནག་གི་ཤུགས་རྐྱེན་སྐོར་གྱི་གྲོས་བསྡུར་ལས་རིམ་ཞིག་གི་ཐོག་ལྷན་འཛོམས་གནང་རྒྱུ་ཡིན་པ་དང་འབྲེལ།  འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་བརྡ་ཁྱབ་ཅིག་གཏོང་བའི་བརྒྱུད།  ཡུ་རོབ་མཐུན་ཚོགས་ངོས་ནས་རྒྱ་ནག་ནི་ཡུལ་དེའི་བདེ་འཇགས་དང་དཔལ་འབྱོར་སྲ་བརྟན་ལ་ཉེན་ཁ་ཅན་ཞིག་ཡིན་པར་ངོས་འཛིན་གྱིས།  ཡོང་རྒྱུའི་ཚོགས་འདུ་དེའི་ཐོག་འགྲོ་བ་ཐོབ་ཐང་གི་གནད་དོན་དེ་བཞིན་གྲོས་བསྡུར་གྱི་གཙོ་བོར་འཇོག་དགོས་པ་གསུངས་འདུག དེ་ཡང་ཁ་སང་ཕྱི་ཚེས་ ༢༦ ཉིན་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རང་གི་དྲྭ་གནས་ཐོག་བརྡ་ཁྱབ་ཅིག་འདོན་སྤེལ་གནང་བའི་ནང་།  རྒྱ་ནག་གིས་རང་རྒྱལ་ཁབ་ནང་དུ་དྲག་གནོན་ཙམ་མ་ཟད་འཛམ་གླིང་ཡུལ་གྲུ་གཞན་དུ་རྒྱལ་མཚམས་ལས་བརྒལ་ཏེ་བཙན་པོའི་དབང་ཤེད་ཀྱི་བྱ་འགུལ་ཇེ་ཆེར་སྤེལ་བཞིན་པ་ཐེར་འདོན་དང་སྦྲགས།  ཕྱི་ལོ་ ༢༠༡༣ ནས་བཟུང་ཞི་ཅིན་ཕིང་གི་འགོ་ཁྲིད་འོག་རྒྱ་གཞུང་གིས་བསམ་བློའི་སྟངས་འཛིན་དམ་དུ་བཏང་བ་དང་།  རང་དབང་ཅན་གྱི་ཚོགས་སྡེ་ཁག་མེད་པར་བཟོས་པ།  གྲངས་ཉུང་མི་རིགས་དང་ཆོས་ལུགས་ཚོར་སྲིད་གཞུང་གི་མིང་ཐོག་ནས་བཙན་པོའི་དབང་ཤེད་ཀྱིས་ངལ་རྩོལ་དུ་བཅུག་པ་སོགས་ཀྱི་གདུག་རྩུབ་དྲག་པོ་བཏང་བ།  ལྷག་པར་དུ་རྒྱ་གཞུང་གིས་རྒྱལ་མཚམས་ལས་བརྒལ་བའི་དྲག་གནོན་ཇེ་ཤུགས་ཆེ་རུ་བཏང་བའི་ཐོག  ཡུལ་ལུང་གཞན་ནང་ཁྱབ་ཐུབ་པའི་བཙན་ཤེད་ཀྱི་ཁྲིམས་ལུགས་གསར་བཟོ་བྱས་པའམ་དོ་དམ་སྟངས་འཛིན་གྱི་གསང་མྱུལ་འཕྲུལ་ཆས་ཕྱིར་གཏོང་བྱས་པ་སོགས་རྒྱལ་སྤྱིའི་ཁྲིམས་ལུགས་རྡོག་རོལ་གྱི་བྱ་འགུལ་སྤེལ་བཞིན་ཡོད་པ་མངོན་གསལ་གནང་འདུག མ་ཟད་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་འདོན་སྤེལ་གནང་བའི་སྔ་ལོའི་ཕྱི་ཟླ་ ༦ པའི་སྙན་ཐོ་ཞིག་གི་ནང་།  ཨུ་རུ་སུ་དང་ཡུཀ་རེན་གྱི་དམག་འཁྲུག་ཁྲོད་རྒྱ་ནག་གིས་བཟོས་པའི་མི་མེད་གནམ་གྲུ་དེ་བཞིན་ཨུ་རུ་སུས་ཡུཀ་རེན་གྱི་མི་སེར་དཀྱུས་མ་ཚོར་དམིགས་ཏེ་བེད་སྤྱོད་ཀྱིས་མི་གསོད་ཁྲག་སྦྱོར་གྱི་ལས་འགུལ་སྤེལ་ཡོད་པར།  དེས་རྒྱ་ནག་གི་བཟོ་ལས་དང་ལག་རྩལ་ཐོན་སྐྱེད་ཀྱིས་ཕྱི་རྒྱལ་ཁབ་ཁག་ཏུ་ཚབས་ཆེའི་ལོག་སྤྱོད་ལ་རྒྱབ་སྐྱོར་བྱེད་ཐུབ་པ་མཚོན་གྱི་ཡོད་པ་གསལ་འདོན་གནང་འདུག ཚོགས་པས་ད་དུང་།  སྤྱིར་ཡུ་རོབ་མཐུན་ཚོགས་ངོས་ནས་རྒྱ་ནག་ལ་གདོང་ལེན་གྱི་ཚུལ་དུ་ངལ་རྩོལ་བཙན་ཤེད་ཟློག་ཐབས་དང་ཁེ་ལས་རྒྱུན་གནས་ཐུབ་ཐབས་ཀྱི་སྒྲིག་གཞི་གསར་བཟོ་བརྒྱུད་ལས་འགུལ་སྤེལ་འགོ་བཙུགས་ཡོད་ནའང་།  དེ་དག་ནི་འདང་ངེས་ཤིག་རྩ་བ་ནས་མིན་པར།  ཡུ་རོབ་མཐུན་ཚོགས་ངོས་ནས་རང་རྒྱལ་ཁབ་ཀྱི་དཔལ་འབྱོར་དང་ཕྱི་འབྲེལ་སྲིད་བྱུས་ནང་འགྲོ་བ་མིའི་ཐོབ་ཐང་བཅུག་སྟེ་མུ་མཐུད་གདོང་ལེན་གནང་དགོས་གལ་ཙམ་མ་ཟད།  རྒྱ་ནག་ལ་རྒྱལ་སྤྱིའི་ངལ་རྩོལ་སྒྲིག་གཞིའི་འགན་འཁྲི་འཁུར་དུ་འཇུག་དགོས་པ་དང་།  ལྷག་པར་དུ་འགྲོ་བ་མིའི་ཐོབ་ཐང་རྡོག་རོལ་གཏོང་མཁན་གྱི་རྒྱ་ནག་དཔོན་རིགས་དང་ཁེ་ལས་ཚོར་སྲིད་དོན་ཉེས་ཆད་དྲག་པོ་འགེལ་དགོས་པ་གསུངས་འདུག ལྷག་དོན།  ད་བར་གྱི་ཡུ་རོབ་མཐུན་ཚོགས་ནས་རྒྱ་ནག་གི་གདུག་རྩུབ་ཅན་གྱི་བྱ་འགུལ་ལ་རྒྱུན་གནས་མ་ཐུབ་པའི་ལས་འགུལ་གྱི་ཐོག་ནས་གདོང་ལེན་གྱི་རྣམ་པ་དེ་ལམ་ལྷོང་བྱུང་མེད་པ་གང་ལྟར་ཡང་།  དཔལ་འབྱོར་དང་ཕྱི་འབྲེལ་སྲིད་བྱུས་ནང་འགྲོ་བ་མིའི་ཐོབ་ཐང་གི་གནད་དོན་བཅུག་ཡོད་པའི་ཡུ་རོབ་མཐུན་ཚོགས་ཀྱི་མཉམ་བསྡུས་ཐབས་བྱུས་ཁོ་ན་ལས་མ་གཏོགས་རྒྱ་ནག་ལ་ཁ་གཏད་གཅོག་ཐུབ་རྒྱུ་མེད་པ་གསུངས་འདུག The post ཡུ་རོབ་མཐུན་ཚོགས་ཀྱི་རྒྱ་ནག་སྲིད་བྱུས་ནང་འགྲོ་བ་མིའི་ཐོབ་ཐང་གི་གནད་དོན་གཙོ་བོར་འཇོག་དགོས་པ་གསུངས་འདུག appeared...

༄༅། །འཛམ་གླིང་ཞི་བདེའི་དེད་དཔོན། བོད་དང་བོད་མིའི་མགོན་སྐྱབས་དང་མཚོན་རྟགས། བོད་ཀྱི་ལྷ་སྐལ་སྤྱན་རས་གཟིགས་དབང་མིའི་གཟུགས་སུ་བྱོན་པའི་ཁམས་གསུམ་ཆོས་ཀྱི་རྒྱལ་པོ་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་སྒོ་གསུམ་གུས་བརྩིའི་འཚམས་ཕྱག་སྔོན་དུ་ཕུལ་ཏེ། ཇི་ལྟར་གསོལ་འདེབས་ཞུས་དོན་བཞིན། སྐབས་ ༡༧ པའི་བཀའ་ཤག་གི་སྲིད་སྐྱོང་དམ་འབུལ་མཛད་སྒོར་ཞབས་སེན་རེ་ཁས་ཤིས་པ་མངོན་པར་བསྩལ་བ་ལ་ཐུགས་རྗེ་བཀའ་དྲིན་བླ་ལྷག་ཏུ་ཆེ་ཞུ་བ་དང་ཆབས་ཅིག་ཏུ། ས་ཐག་རིང་པོ་ནས་ངལ་བ་འཛེམས་མེད་ཀྱིས་མཛད་སྒོ་འདིར་ཆེད་ཕེབས་གནང་མཁན་སྐུ་མགྲོན་རྣམ་པ་དང་། བོད་མིའི་སྒྲིག་འཛུགས་ཀྱི་མཛད་གཙོ་ལས་ཟུར་རྣམ་པ། འདི་གར་གདན་འཛོམས་པའི་སེར་སྐྱ་མང་ཚོགས། བོད་དོན་རྒྱབ་སྐྱོར་བ། ལྷག་པར་དུ་གཞིས་བཞུགས་བོད་རིགས་སྤུན་ཟླ་བཅས་ལ་འཚམས་འདྲི་བཀྲ་ཤིས་བདེ་ལེགས་ཞུ་གི་ཡོད། ང་རང་ཕྱི་ལོ་ ༢༠༢༡ ལོའི་སྲིད་སྐྱོང་འོས་མིར་ལངས་སྐབས། སྤྱི་ཚོགས་དུམ་བུར་འགྲོ་གཞིའི་འོས་བསྡུའི་བྱེད་སྒོ་གང་ལའང་ཞུགས་རྒྱུ་མིན་པའི་དམ་བཅའ་བཟུང་བ་ལྟར་ལག་བསྟར་ཞུས་ཡོད་ཐོག །ད་ཐེངས་ཀྱང་འོས་བསྡུའི་དྲིལ་བསྒྲགས་ཀྱི་ལས་འགུལ་གང་ཡང་བརྩམས་མེད་ནའང་། མང་ཚོགས་ཀྱིས་ཚད་མཐོའི་མང་མོས་རྒྱབ་སྐྱོར་དང་བཅས་ཡང་བསྐྱར་སྲིད་སྐྱོང་དུ་འདེམས་ཐོན་བྱུང་བར་འོས་བསྡུའི་ལས་རིམ་ནང་མཉམ་ཞུགས་གནང་མཁན་ཚང་མར་ཐུགས་རྗེ་ཆེ་ཞུ་རྒྱུ་ཡིན། བཀའ་ཤག་སྐབས་ ༡༦ པའི་ལས་རྒྱུན་རིང་། ཆབ་སྲིད་དང་འཛིན་སྐྱོང་། སྤྱི་ཚོགས་བདེ་དོན་གྱི་ལས་དོན་ཁག་ལ་གྲུབ་འབྲས་གང་དང་གང་ཐོན་པ་རྣམས་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་ད་བར་མཛད་པ་འཕྲིན་ལས་རྒྱ་ཆེར་བསྐྱངས་པའི་ཐུགས་རྗེ་བྱིན་རླབས་དང་། བོད་སྐྱོང་ལྷ་སྲུང་དམ་ལྡན་རྣམས་ཀྱིས་དུས་དང་རྣམ་པ་ཀུན་ཏུ་གཡེལ་མེད་སྡོང་གྲོགས། ཕྱག་སྦྲེལ་བཀའ་བློན་རྣམ་པ་གསུམ་གྱིས་སོ་སོའི་ལས་ཁུངས་ཀྱི་འགན་བཞེས་ཐོག་བཀའ་ཤག་གི་ལས་དོན་ཐོག་ཕྱར་གྲུ་མཉམ་འདེགས། སྲི་ཞུ་ལས་བྱེད་རྣམ་པས་ཁུར་འཁྲིའི་བྱེད་སྒོ་ཁག་ལ་རྒྱུན་མར་འགན་ཁུར་ཧུར་བསྐྱེད། ཚོགས་སྡེ་དང་སེར་སྐྱ་མང་ཚོགས་ཀྱིས་ཁྱོན་ཡོངས་ནས་མཐུན་འགྱུར་རྒྱབ་སྐྱོར་བཅས་པའི་རྣམ་སྨིན་འབྲས་བུ་ཁོ་ནར་ངོས་འཛིན་ཞུ་གི་ཡོད་ལ། སྒོས་སུ་གཞིས་བཞུགས་སྤུན་ཟླ་རྣམས་ཀྱིས་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་དད་གདུང་དང་བོད་མི་རིགས་ཀྱི་ངོ་བོ་གཅེས་འཛིན་གྱི་ཆོད་སེམས་རི་རབ་བཞིན་བརྟན་པར་བཟུང་བ་འདི་ནི་ང་ཚོའི་ལས་ཀ་བྱེད་སྐབས་སེམས་ཤུགས་ཀྱི་འབྱུང་ཁུངས་གཙོ་བོ་ཡིན་པས། གོ་སྐབས་འདི་བརྒྱུད། ཚང་མར་སྙིང་ཐག་པ་ནས་ཐུགས་རྗེ་ཆེ་ཞུ་གི་ཡོད། སྐབས་ ༡༧ པའི་བཀའ་ཤག་ནས་ཀྱང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་སྙིང་དབུས་སུ་བཅངས་ཏེ། ཁྲིམས་སྒྲིག་གི་རྨང་གཞིའི་སྟེང་སྤྱི་སྙོམས་དྲང་བདེན་དང་། སྲིད་ཇུས་ཀྱི་ལག་བསྟར་བརྒྱུད་ནུས་པ་མཉམ་སྤུངས། ཐུན་མོང་གི་དམིགས་འབེན་ཐོག་གོམ་པ་མདུན་སྤོ་བྱེད་པའི་དམ་བཅའ་རྒྱུན་འཁྱོངས་ཞུ་རྒྱུ་དང་། བོད་དོན་བདེན་མཐའ་མ་གསལ་བར་དུ་བོད་དོན་འཐབ་རྩོད་རྒྱུན་གནས་ཡོང་ཐབས་དམིགས་ཡུལ་གཙོ་བོར་བཟུང་སྟེ།...

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༢༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གཙོས་བཀའ་ཤག་སྐབས་བཅུ་དྲུག་པའི་བཀའ་བློན་རྣམས་ལ་ཐོན་མཇལ་དང་། ཡུལ་གྲུ་འདྲ་མིན་གྱི་མཇལ་བཅར་བ་ ༤༢༠ བརྒལ་བར་མཇལ་ཁ་སྩལ་ཡོད་པ་རེད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཆར་ཅན་ལྟར་ཕོ་བྲང་གཟིམ་ཆུང་ནས་གོལྥ་མོ་ཊ་ (Golf cart) ལ་བཞུགས་ཏེ་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་ཐོག་མར་ནུབ་ཕྱོགས་པ་སོགས་འཛམ་གླིང་ཡུལ་ལུང་འདྲ་མིན་གྱི་དད་ལྡན་མཇལ་བཅར་བ་རྣམས་ལ་མཇལ་ཁ་བཀའ་དྲིན་སྩལ་བ་དང་། སྐབས་དེར་རྒྱ་གར་མུམ་བེ་ནས་ཡིན་པའི་མཇལ་བཅར་བ་ཞིག་གིས་ནང་མིར་དཀའ་ངལ་འཕྲད་ཡོད་པས་ཐུགས་སྨོན་གནང་རོགས་ཞེས་སྐྱབས་འཇུག་ཞུས་པར་མགོན་པོ་མཆོག་གིས་བཀའ་སློབ་སྩལ་དོན། དཀའ་ངལ་མ་འཕྲད་པའི་མི་ཚེ་གཅིག་ཀྱང་མེད། དཀའ་ངལ་འཕྲད་ཀྱི་རེད་བསམ་པའི་ཐོག་ནས་གདོང་ལེན་བྱེད་ན་ཡག་པོ་རེད། ངོས་རང་ལ་མཚོན་ན་བོད་ཀྱི་དཀའ་ངལ་ཐོན་དུས་དཀའ་ངལ་འཕྲད་ཀྱི་རེད་བསམ་ནས་གདོང་ལེན་བྱས་པ་རེད། ཅེས་དང་། གཞན་ཡང་ནུབ་ཕྱོགས་པ་ཞིག་གི་བཀའ་འདྲི་དང་འབྲེལ། བཅོམ་ལྡན་འདས་ཀྱིས་སྡུག་བསྔལ་ངོས་འཛིན་གནང་བའི་སྐབས་སུ། སྡུག་བསྔལ་བདེན་པ་གསུངས། སྡུག་བསྔལ་གྱི་རྒྱུ་ཀུན་འབྱུང་བདེན་པ་རེད། སྡུག་བསྔལ་སྤང་ཐུབ་པ་རེད། དེར་བརྟེན། འགོག་པའི་བདེན་པ་ཞེས་སྡུག་བསྔལ་ལ་གཉེན་པོ་བརྟེན་ནས་མེད་པར་བཟོ་ཡོང་དུས་འགོག་པའི་བདེན་པ་དང་། དེ་སྒྲུབ་བྱེད་ཀྱི་ལམ་ཞིག་ཡོད་པས་ལམ་གྱི་བདེན་པ་ཞེས་གསུངས་པ་རེད། སངས་རྒྱས་ཀྱིས་གསུང་པ་འདི་དག་ཧ་ཅང་གོ་རིམ་འགྲིག་པོ་ཞིག་འདུག ང་ཚོས་ཉམས་མྱོང་ལ་སྦྱར་ཡོང་བའི་སྐབས་སུ་ཏག་ཏག་འགྲོ་བ་ཞིག་རེད། ངོས་ཀྱི་ཀླད་པ་ཚན་རིག་ལ་ཧ་ཅང་དོ་སྣང་ཡོད། བདེན་པ་བཞི་གསུངས་པ་འདི་དག་ནི་ཚན་རིག་དང་འགལ་བ་འགྲོ་བ་ཁྱོན་ནས་མེད་པར་ཚན་རིག་གི་བཤད་པ་རྣམས་རྒྱབ་ལྗོངས་ལ་འགྲོ་བ་ཞིག་རེད། ཅེས་བཀའ་སྩལ།དེ་ནས་ཨུ་རུ་སུ་ནས་སླེབས་པའི་དད་ལྡན་མཇལ་བཅར་བ་བཅུ་ཕྲག་ཁ་ཤས་ཀྱིས་མནྜལ་རྟེན་གསུམ་འདེགས་འབུལ་དང་། ཞབས་བརྟན་གསོལ་འདེབས་གསུང་འདོན་ཞུས་མཚམས། བཙུན་མ་ཞིག་གིས་ཉོན་མོངས་ཤུགས་ཆུང་དུ་གཏོང་བར་ཉམས་ལེན་ཅི་བྱེད་དགོས་སྐོར་བཀའ་འདྲི་ཞུས་པར། ཉོན་མོངས་ཆུང་དུ་འགྲོ་བར་རྒྱུན་དུ་གོམས་དགོས། ཉོན་མོངས་ཀྱི་གཉེན་པོའི་ཕྱོགས་ལོ་དང་ཟླ་བ་སྦྲེལ་ནས་སྒོམ་ན་ག་ལེར་ག་ལེར་ཉོན་མོངས་ཤུགས་ཆུང་དུ་ཆུང་དུ་འགྲོ་བ་ཞིག་ཡིན། ཚིག་ཙམ་གྱིས་ཉོན་མོངས་ཀྱི་ཉེས་དམིགས་བཤད་ནས་ལམ་སེང་ཉོན་མོངས་ཆུང་དུ་འགྲོ་རྒྱུ་ཁག་པོ་རེད། ངོས་ལ་ཆ་གཞག་ན་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་རྒྱུན་དུ་སྒོམ་བཞིན་ཡོད།...

ས་ག་ཟླ་བའི་སྐབས་དེར་རྒྱ་ནག་གཞུང་གིས་བོད་ཀྱི་ས་ཁུལ་ཁག་ནང་དྲ་རྒྱའི་དམ་དྲག་དང་། དྲ་རྒྱའི་ལྟ་ཞིབ་བྱེད་ཤུགས་ཆེ་རུ་བཏང་ཡོད་པའི་ཐོག་དགོན་པ་དང་མཆོད་མཇལ། གནས་སྐོར་ལ་སྐྱོད་ཡུལ་སོགས་ས་ཆ་མང་པོར་གདོང་དབྱིབས་ངོས་འཛིན་གྱི་པར་ཆས་བེད་སྤྱོད་བཏང་སྟེ་ཞིབ་བཤེར་དམ་དྲག་བྱེད་བཞིན་ཡོད་འདུག། ཕྱི་ཟླ་ ༥ ཚེས་ ༢༥ ཉིན། བོད་རང་སྐྱོང་ལྗོངས་དམར་ཤོག་ཚོགས་པའི་རྒྱུན་ལས་ཁང་གི་དྲ་རྒྱའི་ཆ་འཕྲིན་ལས་ཁུངས་ ཀྱིས་ལྷོ་ནུབ་སློབ་གྲྭ་ཆེན་མོར་དྲ་རྒྱའི་ཐོག་ཐེར་འདོན་གོང་ཞུ་དང་དཀྲོག་གཏམ་དག་སེལ་ལས་དོན་སྐོར་ལ་ཆེད་མངགས་ཟབ་སྦྱོང་ཞིག་གཉེར་ཡོད་ཅིང་། ཟབ་སྦྱོང་དེའི་ནང་དྲ་རྒྱའི་བསམ་བློའི་འདུ་ཤེས་འཛིན་སྟངས་ཀྱི་བདེ་འཇགས་དང་། དྲ་རྒྱའི་ཁོར་ཡུག་ལ་བཅོས་སྒྲིག དྲ་རྒྱའི་ཐོག་ཐེར་འདོན་གོང་ཞུ་དང་དཀྲོག་གཏམ་དག་སེལ་གྱི་དོན་དངོས་ལས་འགན་སོགས་ཀྱི་ནང་དོན་གཙོ་བོར་བཞག་ཡོད་འདུག་ལ། ཟབ་སྦྱོང་ནང་མཉམ་ཞུགས་བྱེད་མཁན་ནི་...

སྐབས་བཅུ་དྲུག་པའི་བཀའ་ཤག་གིས་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་མདུན་ནས་ཐོན་མཇལ་ཞུས་པ། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བོད་ནང་གི་བོད་མི་ཙམ་མ་ཟད་རྒྱ་རིགས་རྣམས་ཀྱིས་ཀྱང་བོད་ཀྱི་ཆོས་དང་རིག་གཞུང་། སྐད་ཡིག་དང་བཅས་པ་འགན་རྐང་བཞེས་མཁན་གྱི་བསྟི་གནས་གྱོང་ཐག་ཆོད་ཅིག་འདུག་བསམ་པ་ཡོང་གི་ཡོད་པས་ཡག་པོ་ཞེ་དྲགས་འདུག་ཅེས། སྐབས་བཅུ་དྲུག་པའི་བཀའ་ཤག་གི་ཐོན་མཇལ་ཞུས་པའི་སྐབས་བཀའ་བསྩལ་འདུག བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་དབུས་པའི་ཤེས་རིག་བཀའ་བློན་དང་། ཕྱི་དྲིལ་བཀའ་བློན། བདེ་སྲུང་བཀའ་བློན་བཅས་ཀྱིས། སྐབས་ ༡༦ པའི་བཀའ་ཤག་གི་ལས་ཉིན་མཐའ་མ་དང་བསྟུན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁ་ཞུས་པ་དང་སྦྲགས། མཇལ་ཁའི་སྐོར་སྲིད་སྐྱོང་སྤེན་པ་ཚེ་རིང་ལགས་ཀྱིས། ད་བར་ཆབ་སྲིད་དང་སྤྱི་ཚོགས་བདེ་དོ...


[དྷ་རམ་སར།] ཕྱི་ལོ་༢༠༢༦ ཟླ་༥ ཚེས་༢༦ ཉིན། ཉིན་གྲངས་བཞིའི་རིང་ཨོ་གླིང་གི་གྲོང་ཁྱེར་སེཌ་ནེའི་ (Sydney) ཉེ་འགྲམ་རི་སྔོན་པོ་ (Blue The post རྒྱལ་སྤྱིའི་རང་བཙན་ཚོགས་ཆེན་ཐེངས་བརྒྱད་པ་མཇུག་སྒྲིལ། appeared first on བོད་ཀྱི་བང་ཆེན།.

དེ་རིང་ཕྱི་ལོ་ ༢༠༢༦ ཟླ་ ༥ ཚེས་ ༢༦ སྟེ་སྐབས་བཅུ་དྲུག་པའི་བཀའ་ཤག་གི་ལས་ཉིན་མཐའ་མ་དང་འབྲེལ།  སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྲིད་སྐྱོང་དབུས་པའི་བཀའ་བློན་རྣམས་ནས་ཐོན་མཇལ་ཞུས་སོང་། དེ་ཡང་དེ་རིང་བཀའ་བློན་རྣམ་པའི་ཐོན་མཇལ་ཁྲོད་༸མགོན་པོ་༸གང་ཉིད་མཆོག་གིས།  ང་ཚོ་བོད་ནས་བྲོས་བྱོལ་གྱིས་རྒྱ་གར་བཙན་བྱོལ་དུ་དུས་ཡུན་འདིའི་རིང་བོད་ཀྱི་ཆོས་དང་རིག་གཞུང་བདག་པོ་རྒྱག་མཁན་གྱི་བསྟི་གནས་ཤིག་ཆགས་ཡོད་པ་དེ།  བོད་གཞིས་ལུས་རྒྱ་ཆེའི་མི་མང་ཙམ་མིན་པར་བོད་ལ་དོ་སྣང་གནང་མཁན་གྱི་རྒྱ་རིགས་མང་པོ་ཞིག་གིས་ཀྱང་བློ་གཏད་ས་ཤིག་ཡིན་པར་ཡག་པོ་ཞེ་དྲག་འདུག་ཅེས་བཀའ་སྩལ་འདུག   ཐོན་མཇལ་གྲུབ་མཚམས་གསར་འགོད་པའི་དྲི་བར་ལན་འདེབས་ཁྲོད་སྲིད་སྐྱོང་སྤེན་པ་ཚེ་རིང་མཆོག་གིས།  དེ་རིང་བཀའ་ཤག་སྐབས་བཅུ་དྲུག་པའི་ལས་ཉིན་འཐའ་མ་དེ་ཆགས་ཀྱི་ཡོད་པ་དང་བསྟུན།  སྤྱི་ནོར་༸གོང་ས་༸སྐྱབས་མགོན་ཆེན་པོ་ནས་ཐོན་མཇལ་ཞུས་པ་དང་ལྷན་དུ་༸གང་ཉིད་མཆོག་ལ་འདས་པའི་ལོ་ལྔའི་རིང་གི་བཀའ་དྲུང་ཡིག་ཚང་དབུས་པའི་ལྷན་ཁང་སོ་སོའི་ལས་བསྡོམས་སྙིང་བསྡུས་ཤིག་ཕུལ་རྒྱུའི་གོ་སྐབས་བྱུང་ཡོད་པ་གསུངས་སོང་ལ།  སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་སྐྱོང་དབུས་པའི་བཀའ་བློན་རྣམས་ལ་ད་བར་ལས་དོན་ཡག་པོ་བསྒྲུབས་གནང་ཡོད་པར་ཐུགས་རྗེ་ཆེ་ཞུས་དང་འབྲེལ།  བོད་ནང་གི་བོད་མི་ཚོས་ཇི་ལྟར་རེ་བ་འཆོལ་བཞིན་པ་ལྟར་བཙན་བྱོལ་ནང་གི་བོད་མི་ཚོས་བོད་པའི་ཆོས་དང་རིག་གཞུང་སྐད་ཡིག་དང་བཅས་པ་མི་ཉམས་རྒྱུན་འཛིན་གནང་དགོས་གལ་སྐོར་བཀའ་སློབ་ལམ་སྟོན་ཕེབས་ཡོད་པ་གསུངས་སོང་།   མ་ཟད་སང་ཉིན་སྲིད་སྐྱོང་གི་དམ་འབུལ་མཛད་སྒོ་འཚོག་གཏན་འཁེལ་ཡོད་སྟབས་དེ་འབྲེལ་༸མགོན་པོ་༸གང་ཉིད་མཆོག་ནས་ཐུགས་སྨོན་སྐྱབས་འཇུག་ཞུས་ཡོད་པ་དང་།  ཐོན་མཇལ་ཁྲོད་བཀའ་བློན་རྣམ་པར་༸གང་ཉིད་མཆོག་གིས་ཐུབ་དབང་གི་སྐུ་བརྙན་རེ་རེ་གསོལ་རས་སྩལ་ཡོད་པ་གསུངས་སོང་།   སྲིད་སྐྱོང་མཆོག་གིས་ད་དུང་ཉིན་ཤས་གོང་ཕྱི་ཚེས་ ༢༡ ཉིན་ཨ་རིའི་གྲོས་ཚོགས་འོག་མའི་འཐུས་མི་ Jim McGovern ལགས་དང་། Michael McCaul ལགས་རྣམ་གཉིས་ཀྱིས་ཨ་རིའི་ཕྱི་སྲིད་ལས་ཁུངས་ནས་དབུས་བོད་མིའི་སྒྲིག་འཛུགས་ལ་གང་ཅིའི་ཐད་ནས་ངོས་འཛིན་གོང་མཐོར་གཏོང་དགོས་པ་སོགས་ཀྱི་གནད་དོན་ཚུད་པའི་ཁྲིམས་འཆར་གསར་པ་ཨང་ H.R. 8982 ཞེས་པ་ཞིག་ཨ་རིའི་གྲོས་ཚོགས་ནང་ངོ་སྤྲོད་གནང་ཡོད་པ་དེ་ཉིད་གལ་ཆེན་པོ་ཡིན་པ་གསུངས་སོང་།   དེ་བཞིན་སྐབས་དེར་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས།  དེ་རིང་བཀའ་ཤག་སྐབས་བཅུ་དྲུག་པའི་ལས་ཉིན་མཐའ་མ་དང་འབྲེལ་སྲིད་སྐྱོང་དབུས་པའི་ཤེས་རིག་དང་ཕྱི་དྲིལ་བཀའ་བློན་ལྷན་དུ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུ་རྒྱུ་བྱུང་བར་སྐལ་པ་བཟང་པོ་བྱུང་སོང་བ་འགྲེལ་བརྗོད་ཀྱིས།  བཀའ་ཤག་སྐབས་བཅུ་དྲུག་པ་ཐོག་མའི་ཆར་དམ་འབུལ་སྐབས་སྟབས་མ་ལེགས་པ་ཞིག་ལ་བཙན་བྱོལ་སྤྱི་ཚོགས་དེ་བཞིན་འཁྲུག་ཆ་དོད་པོའི་གནས་སྟངས་ཤིག་གི་འོག་ལྷུང་ཡོད་པ་དེ་ལྟར་ཡང་།  དེ་རིང་ལས་ཉིན་མཐའ་མའི་སྐབས་བོད་མིའི་སྒྲིག་འཛུགས་ཀྱི་ཀ་བ་གསུམ་ཀ་ཆ་ཚང་བ་ཞིག་གི་ཐོག་གནས་ཡོད་པ་དེ་བཀྲ་ཤིས་པའི་གནས་སྟངས་ཤིག་ལ་ངོས་འཛིན་གནང་གི་ཡོད་པ་མ་ཟད།  ལོ་རྒྱུས་ཐོག་བཀའ་ཤག་ནང་ཐེངས་འདིར་བཀའ་བློན་བུད་མེད་གསུམ་དུས་གཅིག་ཏུ་ཡོད་པ་ལྟར་མྱོང་ཚོར་མི་འདྲ་བ་ཞིག་དང་ཕན་ཚུན་མཉམ་རུབ་ཀྱི་ནུས་པ་ཞིག་ཀྱང་སྟོན་ཐུབ་ཡོད་པ་གསུངས་སོང་།   རྩ་བའི་དེ་རིང་བཞུགས་སྒར་༸རྒྱལ་བའི་ཕོ་བྲང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་བཅར་ཞུས་མཁན་དད་ལྡན་མི་མང་བཞི་བརྒྱ་ཉི་ཤུ་ཙམ་ཡོད་པའི་ཁོངས་སུ།  ཨེ་མོ་རི་དང་བོད་ཀྱི་ཚན་རིག་ལས་རིམ་གྱི་ཆ་ཤས་སུ་སང་ཉིན་ཕྱི་ཚེས་ ༢༧...

ཕྱི་ལོ་ ༢༠༢༦ ལོའི་འཇར་མན་གྱི་བྷར་ལིན་སྣ་མང་རིག་གཞུང་དུས་སྟོན་ཐོག་ས་གནས་བོད་རིགས་ཚོགས་པ་དང་བོད་ཀྱི་ཟློས་གར་ཚོགས་པ་ཟུང་འབྲེལ་གྱིས་བོད་ཀྱི་ཐུན་མོང་མ་ཡིན་པའི་རིག་གཞུང་འཁྲབ་སྟོན་གནང་སྟེ་འཛམ་གླིང་རྒྱལ་ཁབ་ ༤༦ དང་ཚོགས་སྡེའི་རུ་ཁག་ ༧༠ ཡི་ནང་ནས་འཁྲབ་སྟོན་རྩེ་ཕུད་ཀྱི་རྒྱལ་ཁ་ཐོབ། ལོ་ལྟར་འཇར་མན་གྱི་རྒྱལ་ས་བྷར་ལིན་ (Berlin) དུ་བྷར་ལིན་སྣ་མང་རིག་གཞུང་དུས་སྟོན་ (Berlin Carnival Festival) འཚོག་སྲོལ་ཡོད་པ་ལྟར། ཟླ་འདིའི་ཕྱི་ཚེས་ ༢༢ ནས་ ༢༥ བར་དུ་འཇར་མན་གྱི་རྒྱལ་ས་བྷར་ལིན་ (Berlin) དུ། ཕྱི་ལོ་ ༢༠༢༦ ལོའི་བྷར་ལིན་སྣ་མང་རིག་གཞུང་དུས་སྟོན་ (Berlin Carnival of Cultures 2026) འཚོགས་ཡོད་ཅིང་། སྣ་མང་རིག་གཞུང་དུས་སྟོན་ཐོག་ཡུ་རོབ་ཀྱི་རྒྱལ་ཁབ་ཁག་ཅིག་དང་། རྒྱ་གར། བལ་ཡུལ། ཀོ་རི་ཡ། ཨ་ཧྥི་རི་ཀའི་རྒྱལ་ཁབ་ཁག་ཅིག་ཚུད་པའི་འཛམ་གླིང་རྒྱལ་ཁབ་ཁག་ ༤༦ དང་། ཚོགས་སྡེའི་རུ་ཁག་ ༧༠...

ཟླ་བ་འདིའི་ཕྱི་ཚེས་ ༢༤ ཉིན་ཕྱི་ལོ་ ༢༠༢༦ ལོའི་ལན་ཀྲུའུ་གྲོང་ཁྱེར་དུ། སྐབས་ ༢༠ པའི་ཨེ་ཤ་ཡའི་དྲག་འདེམས་རྩེད་འགྲན་བསྡུས་ཡོད་པ་དང་། ཐེངས་འདིའི་རྩེད་འགྲན་ཁྲོད་བོད་གཞིས་ཀ་རྩེ་ནས་ཡིན་པའི་རྒྱང་རྒྱུག་ལུས་རྩལ་པ་ཚེ་རིང་མཚོ་མོ་ལགས་ཀྱིས་ཆུ་ཚོད་ ༢ དང་སྐར་མ་ ༢༩། སྐར་ཆ་ ༥༩ དུས་ཡུན་ནང་ཨང་རིམ་དང་པོ་བླངས་ནས་ཟིན་ཐོ་གསར་པ་བསྐྲུན་ཡོད་པ་དང་། བཀྲ་ཤིས་ཚེ་རིང་གིས་རྒྱ་ནག་ནང་ལོག་གི་རྒྱང་རྒྱུག་ཁྲོད་ཨང་རིམ་གསུམ་པ་དང་རྒྱལ་སྤྱི་རིམ་པའི་ནང་ཨང་རིམ་བདུན་པ་བླངས་ཏེ།  ཁོང་གཉིས་ཕྱི་ལོ་ ༢༠༢༦ ལོའི་སྐབས་ ༢༠ པའི་ཨེ་ཤ་ཡའི་མཆོང་རྒྱུག་འཕེན་གསུམ་གྱི་རྩེད་འགྲན་ནང་དུ་མཉམ་ཞུགས་བྱ་རྒྱུ་ཡིན་འདུག ཕྱི་ལོ ༢༠༢༤ ལོའི་ཁྲེང་ཏུའུ་ནས་ཨེ་ཤེ་ཡ་ཤར་མའི་རྒྱང་རྒྱུག་འགྲན་སྡུར་ཁྲོད་བོད་རང་སྐྱོང་ལྗོངས་ཟེར་བ་ནས་ཡིན་པའི་ལུས་རྩལ་པ་བོད་མི་ཚེ་རིང་མཚོ་མོ་དང་བཀྲ་ཤིས་ཚེ་རིང་གཉིས་འཛུལ་ཞུགས་བྱས་ཡོད་པ་དང་། བོད་མི་ལུས་རྩལ་པ་ཚེ་རིང་མཚོ་མོར་ཨེ་ཤེ་ཡ་ཤར་མའི་བུད་མེད་རྒྱང་རྒྱུག་ཁྲོད་ཨང་དང་པོ་ཐོབ་ཡོད་པ་དང་། བོད་མི་བཀྲ་ཤིས་ཚེ་རིང་ལ་ཨེ་ཤེ་ཡ་ཤར་མའི་སྐྱེས་པའི་རྒྱང་རྒྱུག་ཁྲོད་ཨང་གསུམ་པ་ཐོབ་ཡོད་པར། བོད་མི་མང་པོའི་དགའ་བསུ་དང་བསྟོད་བསྔགས་ཐོབ་ཡོད་འདུག དེ་བཞིན་ ༢༠༢༤ ལོའི་འགྲོ་རྩལ་འགྲན་སྡུར་ཧྲའན་ཞི་ཧན་ཀྲུང་དུ་སྤེལ་ཞིང་། རྒྱལ་ནང་གི་ཞིང་ཆེན་རིམ་པའི་འཐུས་མིའི་རུ་ཁག་ ༢༧ གྱི་ལུས་རྩལ་པ ༣༥༠ དེའི་ནང་ཞུགས་ཡོད་ལ། བོད་རང་སྐྱོང་ལྗོངས་ཟེར་བ་ནས་ཡིན་པའི་བོད་པའི་ལུས་རྩལ་པ་ ༢ འགྲན་སྡུར་ནང་བོད་པ་སྐྱེས་པ་ཆོས་འཛིན་ཉི་མ་དང་། བོད་པ་བུད་མེད་པདྨ་སྒྲོལ་མ་གཉིས་མཉམ་ཞུགས་བྱས་འདུག...

བོད་ལུགས་ལྟར་ལོ་རྟགས་རྟ་ལོར་བོད་མངའ་རི་ཁུལ་དུ་ཆགས་པའི་གངས་རིན་པོ་ཆེར་གནས་མཇལ་བསྐྱོད་རྒྱུ་ནི་བསོད་ནམས་དང་དགེ་མཚན་ཆེ་བ་ཡོད་པའི་བརྩི་སྲོལ་ལྟར། བོད་ཀྱི་ས་ཁུལ་གང་ས་ནས་གནས་མཇལ་དུ་བསྐྱོད་ཀྱི་ཡོད་ཀྱང་། རྒྱ་གཞུང་གིས་བོད་མི་རྣམས་ལ་ནག་ཉེས་མེད་པའི་དཔང་རྟགས་དགོས་ལུགས་བཤད་དེ་ངལ་བ་ཆེ་ཆེར་འཕྲད་བཞིན་ཡོད་པ་རེད་འདུག དེ་ཡང་གནས་ཚུལ་ཤེས་རྟོགས་བྱུང་བར་གཞིགས་ན། གཞིས་བཞུགས་བོད་མི་མང་པོ་ཞིག་ལ་གངས་རིན་པོ་ཆེར་གནས་མཇལ་དུ་བསྐྱོད་རྒྱུར་ས་གནས་སོ་སོའི་ཉེན་རྟོག་ལས་ཁུངས་ནས་ས་མཚམས་ཀྱི་ཆོག་མཆན་དགོས་པ་དང་། ཆོག་མཆན་ཐོབ་པར་རང་ཉིད་ལ་ནག་ཉེས་མེད་པའི་དཔང་རྟགས་ཡིག་ཆ་རྒྱབ་གཉེར་མ་སྤྲད་པར་བཀག་སྡོམ་བྱས་ཏེ། དཀའ་ངལ་མང་དག་ཅིག་འཕྲད་བཞིན་པའི་གནས་ཚུལ་དང་། ལྷག་པར་རྒྱ་རིགས་རྣམས་ལ་དྲ་ཐོག་ནས་ཆོག་མཆན་ཞུས་ཏེ་ཐོབ་ཀྱི་ཡོད་པ་དང་། བོད་མི་རྣམས་ལ་རང་རང་སོ་སོའི་ས་གནས་ཀྱི་ཉེན་རྟོག་ལས་ཁུངས་སམ་སྤྱི་བདེ་ལས་ཁུངས་སུ་མི་དངོས་བཅར་དགོས་པའི་ངལ་བ་འཕྲད་བཞིན་ཡོད་འདུག རྩ་བའི་དེ་ལྟ་བུའི་ཆོག་མཆན་གྱི་དུས་ཡུན་ནི་ཟླ་གསུམ་ཡིན་ཡང་། གངས་རིན་པོ་ཆེ་བཞུགས་པའི་མངའ་རི་ས་ཁུལ་སུ་བསྐྱོད་ཚེ་དུས་ཡུན་ཟླ་བ་གཅིག་ལས་ཆོག་མཆན་ཐོབ་ཀྱི་མེད་པ་རེད་འདུག འདི་ག་རླུང་འཕྲིན་ཁང་ནས་སྦེལ་ཇམ་ནང་དུ་རྟེན་གཞི་བྱས་པའི་བོད་ནང་གི་གནས་ཚུལ་མཁོ་སྤྲོད་གནང་མཁན་ས་དཀར་བཀྲ་ཤིས་ལགས་ཀྱིས། རང་ཉིད་ཀྱི་སྤྱི་ཚོགས་དྲ་རྒྱའི་སྟེང་དེ་འབྲེལ་གནས་ཚུལ་འདོན་སྤེལ་གནང་ཡོད་ཅིང་། ཁོང་གིས་ས་གནས་ཉེན་རྟོག་ལས་ཁུངས་ནས་བོད་མི་རྣམས་ལ་ཆབ་སྲིད་དང་འབྲེལ་བའི་གནད་དོན་དང་། བོད་ཕྱི་ཕྱོགས་སུ་འབྲེལ་བ་ཡོད་ལུགས་སོགས་ལ་ཁག་དཀྲིས་ཏེ་ནག་ཉེས་མེད་པའི་དཔང་རྟགས་ཡིག་ཆ་མཁོ་སྤྲོད་གནང་གི་མེད་པ་མ་ཟད། རྒྱ་མི་རྣམས་ལ་ཆོག་མཆན་ལས་སླ་པོའི་ངང་ཐོབ་ཀྱི་ཡོད་སྐོར་དྲ་རྒྱའི་ཐོག་རྒྱ་མི་རྣམས་ཀྱིས་ཐད་གཏོང་གི་ལས་ནས་མངོན་རྒྱུ་ཡོད་པ་འགྲེལ་བརྗོད་གནང་སོང་། ད་དུང་ཁོང་གིས་བོད་མི་རྣམས་ཀྱིས་དེ་ལྟ་བུའི་དངོས་ཡོད་གནས་ཚུལ་དྲ་ཐོག་ཏུ་བཤད་ཚེ་ཁྲིམས་འགལ་ཞིག་ལ་ངོས་འཛིན་བྱེད་ཀྱི་ཡོད་པ་དང་། ལྷག་པར་གངས་རིན་པོ་ཆེར་གནས་མཇལ་དུ་དགེ་འདུན་པ་རྣམས་ལ་དམིགས་བསལ་གྱི་དམ་བསྒྲགས་ཤུགས་ཆེ་བྱེད་ཀྱི་ཡོད་པའི་རྣམ་པ་མངོན་རྒྱུ་ཡོད་སྐོར་གསུངས་སོང་། The post གཞིས་བཞུགས་བོད་རྣམས་ལ་གངས་རིན་པོ་ཆེ་མཇལ་ཁར་ནག་ཉེས་མེད་པའི་ཡིག་མ་སྤྲད་པའི་ངལ་བ་འཕྲད་བཞིན་འདུག appeared first on vot.

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། སྤྱི་ནོར་༸གོང་ས་༸སྐྱབས་མགོན་༸སྐུ་ཕྲེང་བཅུ་བཞི་པ་ཆེན་པོ་མཆོག་ནས་༸སྐུ་ཚེ་ཧྲིལ་པོར་ཕོ་མོ་འདྲ་མཉམ་དང་བོད་བརྒྱུད་ནང་བསྟན་ཁྲོད་བུད་མེད་ཀྱི་ནུས་སྟོབས་གོང་འཕེལ་གཏོང་བར་མཛད་འཕྲིན་བསྐྱངས་དང་སྐྱོང་མུས་ལྟར། ཚོགས་འདུའི་དམིགས་ཡུལ་ནི། ༸མགོན་པོ་མཆོག་གིས་ནང་པའི་བུད་མེད་རྣམས་ཀྱི་ཤེས་ཡོན་དང་། ངོས་འཛིན་ཐོག་སྲ་བརྟན་ཡོང་ཐབས་མཛད་པའི་དགོངས་གཞི་དང་དངོས་ཡོད་གྲུབ་འབྲས་ཁག་གསལ་སྟོན་བྱ་རྒྱུ། ཕྱི་ལོ་ ༢༠༢༦ ཟླ་བ་ ༥ ཚེས་ ༢༠ དང་ ༢༡ ཉིན་གཉིས་རིང་ཏཱ་ལའི་བླ་མའི་དཔེ་མཛོད་དང་ཡིག་ཚགས་ཁང་དུ་ཏཱ་ལའི་བླ་མའི་དགེ་རྩ་ཚོགས་པ་དང་། བོད་མིའི་སྒྲིག་འཛུགས་ཆོས་རིག་ལས་ཁུངས་གཉིས་ཀྱིས་གོ་སྒྲིག་གནང་བའི་བོད་བརྒྱུད་ནང་བསྟན་ཁྲོད་བུད་མེད་ནུས་སྟོབས་གོང་སྤེལ་ཚོགས་ཆེན་ཚོགས་གནང་ཡོད།ཚོགས་ཆེན་འདིའི་བརྗོད་གཞི་གཙོ་བོ་གསུམ། ༡། དགེ་བཤེས་མའི་ཕྱག་འཁྱེར་གནང་སྲོལ་གསར་གཏོད། དགེ་བཤེས་མའི་ཕྱག་འཁྱེར་གནང་སྲོལ་གསར་བཏོད་མཛད་པ་ནི། བོད་བརྒྱུད་ནང་བསྟན་ཁྲོད་ལོ་རྒྱུས་ཀྱི་མཚམས་རྡོ་ཞིག་ཆགས་ཡོད་ལ།  བཙུན་མ་རྣམས་ཀྱིས་དགོན་སྡེའི་བསླབ་གནས་མཐོ་ཤོས་དེར་སློབ་གཉེར་གནང་རྒྱུའི་གོ་སྐབས་སྩལ་ཡོད། འདས་པའི་ལོ་ཉི་ཤུའི་ནང་དགེ་བཤེས་མ་བརྒྱ་ལྷག་སློབ་ཐོན་གྱིས་བཙུན་དགོན་ཁག་དང་། ནང་པའི་ཚོགས་སྡེ་ཁག་ཏུ་དགེ་རྒན་དང་། འགོ་ཁྲིད། མཁས་པའི་ལས་དོན་བཅས་ལ་དངོས་སུ་འཇུག་མུས་ཡིན། ༢། འཕགས་བོད་གྲུབ་ཆེན་སྐྱེས་མ་ཉེར་གཅིག་ངོས་འཛིན། ༸གོང་ས་མཆོག་གིས་བོད་དང་རྒྱ་གར་འཕགས་པའི་གནད་ཡོད་གྲུབ་ཆེན་སྐྱེས་མ་ཉེར་གཅིག་ངོས་འཛིན་གནང་སྟེ། ཁོང་རྣམ་པའི་ཆོས་ཀྱི་རྟོགས་པ་ལ་བསྔགས་བརྗོད་དང་། ནང་བསྟན་ལོ་རྒྱུས་ཁྲོད་མཚན་གནས་སླར་གསོའི་ཆེད་ཚིགས་བཅད་བསྟོད་ཚིག་བཀའ་རྩོམ་མཛད་ཡོད། ༣། གཞི་ཐམས་ཅད་ཡོད་པར་སྨྲ་བའི་ལུགས་ལ་དགེ་སློང་མའི་སྡོམ་རྒྱུན་སླར་གསོ་ཡོང་ཐབས་མཛད་པ། ༸གོང་ས་མཆོག་ནི་བོད་ཀྱི་གཞི་ཐམས་ཅད་ཡོད་པར་སྨྲ་བའི་འདུལ་བའི་ལུགས་ལ་དགེ་སློང་མའི་སྡོམ་པ་སླར་གསོ་གནང་རྒྱུར་མཛད་འགན་བཞེས་མཁན་གཙོ་བོ་ཞིག་ཡིན་པ་དང་། ༸མགོན་པོ་མཆོག་གིས་མཁས་དབང་དང་། དགོན་སྡེ་ཁག་དང་ལྷན་དུ་སངས་རྒྱས་ཀྱི་དགོངས་པ་བཞིན། སངས་རྒྱས་ཀྱི་འཁོར་རྣམ་པ་བཞི་ཆ་ཚང་སླར་གསོ་གནང་རྒྱུར་མཛད་འགན་བཞེས་བཞིན་ཡོད། ཚོགས་ཆེན་གྱི་དབུ་འབྱེད་མཛད་སྒོའི་སྐུ་མགྲོན་གཙོ་བོ་འཇམ་མགོན་བསྟན་པའི་གསལ་བྱེད་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་ཆེད་ཕེབས་ཀྱིས་ལམ་སྟོན་བཀའ་སློབ་གནང་ཡོད་པ་དང་། ཚོགས་ཆེན་དངོས་སུ་ཚུགས་སྐབས་བཀའ་ཟུར་རིན་ཆེན་མཁའ་འགྲོ་མཆོག་དང་། བོད་ཀྱི་བཙུན་མའི་ལས་འཆར་ཁང་གི་འགན་འཛིན་སྤྱི་འཐུས་དབུ་དཀར་ཚང་གཡུ་སྒྲོན་ལགས།...

དེ་རིང་༸གོང་ས་མཆོག་གིས་སྐབས་བཅུ་དྲུག་པའི་བཀའ་ཤག་ལ་ཐོན་མཇལ་བསྩལ་བ་དང་བཀའ་ཤག་གིས་ལོ་ལྔའི་རིང་གི་ལས་བསྡོམས་སྙིང་བསྡུས་ཤིག་ཡར་གཟིགས་འབུལ་ཞུས་འདུག The post ༸གོང་ས་མཆོག་ནས་སྐབས་བཅུ་དྲུག་པའི་བཀའ་ཤག་ལ་འཐོན་མཇལ་བསྩལ། appeared first on བོད་ཀྱི་དུས་བབ།.

རྒྱལ་སྤྱིའི་བོད་རང་བཙན་ཚོགས་ཆེན་ཐེངས་བརྒྱད་པའི་ཐོག་དམིགས་བསལ་ཆེད་མཁས་མི་སྣ་དང་ཨོ་གླིང་གི་ཆབ་སྲིད་པ། དེ་བཞིན་བོད་དོན་རྒྱབ་སྐྱོར་བ་སོགས་ཀྱིས་བོད་རྒྱལ་ཁབ་སླར་གསོ་ཡོང་ཐབས་དང་འབྲེལ་བའི་གཏམ་བཤད་དང་བགྲོ་གླེང་གནང་སྟེ་གྲོས་ཆོད་དོན་ཚན་ ༤ གཏན་འབེབས་གནང་འདུག ཟླ་འདིའི་ཕྱི་ཚེས་ ༢༣ ནས་དེ་རིང་ཕྱི་ཚེས་ ༢༦ བར་ཉིན་གྲངས་བཞིའི་རིང་ཨོ་གླིང་གི་གྲོང་ཁྱེར་སིད་སིད་ནི་ (Sydney) ཡི་ཉེ་འགྲེམ་རི་སྔོན་པོ་ (Blue Mountain) རུ། རྒྱལ་སྤྱིའི་བོད་རང་བཙན་ཚོགས་ཆེན་ཐེངས་བརྒྱད་པ་འཚོགས་ཏེ་དེ་རིང་མཇུག་བསྡུས་ཡོད་པ་དང་། ཚོགས་ཆེན་འདིའི་ཐོག་ཨ་རི་དང་། སོག་པོ། རྒྱ་ནག ཐའེ་ཝན། ཉི་ཧོང་། རྒྱ་གར། ཤར་ཊུར་ཀི་སི་ཐན་སོགས་འཛམ་གླིང་གི་རྒྱལ་ཁབ་མི་འདྲ་བ་ ༡༢ ཀྱི་ཚོགས་མི་དང་ཚོགས་ཞུགས་པ་ ༡༠༠ ལྷག་མཉམ་ཞུགས་གནང་སྟེ། མཇུག་བསྡོམས་ཐོག་རྒྱ་ནག་གཞུང་གིས་བོད་མིའི་བདེན་པའི་འབོད་སྐུལ་རྩིས་མེད་གཏོང་བཞིན་ཡོད་པས་བོད་མིའི་སྒྲིག་འཛུགས་ལ་བོད་རིགས་ཡོངས་ལ་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ཕྱིར་འཐེན་གནང་དགོས་པའི་འབོད་སྐུལ་ཞུ་རྒྱུ་དང་། བོད་རྒྱལ་ཁབ་ཀྱི་རྩ་ཁྲིམས་ཀྱི་ཟིན་བྲིས་”དེ་བཙན་བྱོལ་ནང་གི་ཚོགས་པ་ཡོངས་ཀྱིས་ཐུན་མོང་གིས་མངོན་འགྱུར་བྱེད་དགོས་པའི་རྩ་དོན་ཞིག་ཏུ་འགྱུར་བར་ཤུགས་སྣོན་རྒྱག་དགོས་པ་སོགས་ཀྱི་གྲོས་ཆོད་དོན་ཚན་ ༤ བཞག་འདུག ཐེངས་འདིའི་ཚོགས་ཆེན་ཐོག་གཏམ་བཤད་པ་ཉི་ཧོང་གཙུག་ལག་སློབ་ཆེན་གྱི་སློབ་དཔོན་ཆེན་མོ་དང་ཉི་ཧོ་སྐུ་ཚབ་དོན་ཟུར་རྒྱ་རི་པདྨ་རྒྱལ་པོ་ལགས་དང་། ཉི་ཧོང་གཙུག་ལག་སློབ་ཆེན་དགེ་རྒན་འབུམ་རམས་པ་ཆོས་ལྡན་འབུམ་ལགས། ཨོ་གླིང་གི་གྲོས་ཚོགས་འཐུས་མི་ལྕམ་སྐུ་ཊི་རི་ཤི་ (Trish Doyle) ལགས། སིད་ནི་གྲོང་སྡེའི་སྤྱི་ཁྱབ་སྐུ་ཞབས་མར་ཀི་ (Mark Greenhill)...

བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་དྷ་ས་ས་གནས་མགོ་འཛིན་ལས་ཁུངས་མཉམ་འབྲེལ་གྱི་གོ་སྒྲིག་འོག ཟླ་འདིའི་ཕྱི་ཚེས་ ༢༨ ནས་ ༣༠ བར་དྷ་རམ་ས་ལའི་ཉེན་རྟོག་ལས་ཁུངས་ཀྱི་རྩེད་ཐང་དུ་བོད་ཀྱི་རིག་གཞུང་དུས་སྟོན་འཚོག་རྒྱུ་རེད་འདུག The post དྷ་རམ་ས་ལར་བོད་ཀྱི་རིག་གཞུང་དུས་སྟོན་འཚོག་རྒྱུ་རེད་འདུག appeared first on བོད་ཀྱི་དུས་བབ།.

རྒྱ་ནག་གཞུང་གིས་༧གོང་ས་མཆོག་གི་ཡང་སྲིད་ཀྱི་གནད་དོན་ནི་རྒྱ་ནག་ནང་སྲིད་ཀྱི་གནད་དོན་ཡིན་པས། ནང་སྲིད་ཀྱི་གནད་དོན་ལ་ཐེ་བྱུས་བྱེད་ན་མི་འགྲིག་པའི་ཉེན་བརྡ་བཏང་འདུག The post ༧རྒྱལ་བའི་ཡང་སྲིད་སྐོར་རྒྱ་གར་གྱིས་ཐེ་བྱུས་བྱེད་མི་ཆོག་པའི་ཉེན་བརྡ། appeared first on བོད་ཀྱི་བང་ཆེན།.