འདི་ལོའི་ཕྱི་ཟླ་ ༧ པའི་ཚེས་ ༢ ཉིན་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་རྒྱ་ནག་གཞུང་ལ་ངོ་རྒོལ་གྱིས་སྐུ་ལུས་མེར་སྲེགས་བཏང་སྟེ་སྐུ་གྲོངས་པའི་ཡིད་སྐྱོའི་གནས་ཚུལ་བྱུང་བ་དང་འབྲེལ། འཛམ་གླིང་ཁྱོན་ཡོངས་སུ་བོད་མི་གནས་སྡོད་གང་སར་ངོ་རྒོལ་སྐད་འབོད་དང་ཟས་བཅད་ངོ་རྒོལ། བོད་དོན་གོམ་གྲོད་དང་། རྐང་འཁོར་དང་སྦག་སྦག་སྐོར་སྐྱོད་སོགས་ཀྱི་ལས་འགུལ་ཚ་ཚ་འུར་འུར་ངང་སྤེལ་བཞིན་པའི་ཁྲོད། སང་ཉིན་རྒྱལ་གཅེས་དཔའ་བོ་བླ་དགའ་རང་བཙན་ལགས་སྐུ་གྲོངས་པའི་ཞག་ ༤༩ པའི་དུས་ཚིགས་དང་བསྟུན། དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་བདུན་དུ་དབུས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་མཐུད་ཟས་བཅད་ངོ་རྒོལ་གྱི་ལས་འགུལ་སྤེལ་སའི་འདུན་དུ། པོན་ཊ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག ཟླ་བ་འདིའི་ཚེས་ ༡༣ ཉིན་པོན་ཊ་གྲོང་ཁྱེར་ནས་དབུ་འཛུགས་གནང་བའི་སྤྱི་ལེ་ ༤༠༠ མིན་ཙམ་གྱི་རྒྱལ་གཅེས་དཔའ་བོའི་མངོན་འདོད་རྐང་འཁོར་སྐོར་སྐྱོད་ཀྱི་ལས་འགུལ་འདི་མཇུག་སྒྲིལ་གནང་སོང་། དེ་ཡང་དེ་རིང་སྔ་དྲོ་ཕྱག་ཚོད་ ༩ པའི་ཐོག་དབུས་བོད་ཀྱི་གཞོན་ནུ་ལྷན་ཚོགས་གཙོས་པའི་བོད་པའི་གཞུང་འབྲེལ་མིན་པའི་ཚོགས་པ་ཁག་གི་ཚོགས་མི་རྣམས་ནས་ཕེབས་བསུ་གཟབ་རྒྱས་ཞུས་པའི་ཐོག པོན་ཊ་ནས་རྡ་ས་བར་གྱི་རྐང་འཁོར་སྐོར་སྐྱོད་པ་རྣམས་བཞུགས་སྒར་དུ་ཕེབས་འབྱོར་བྱུང་སོང་བ་དང་། ཐེངས་འདིའི་ལས་འགུལ་ནང་དུ་པོན་ཊ་ས་གནས་གཞོན་ནུའི་ཚོགས་གཙོ་ངག་དབང་དཔལ་འབྱོར་གཙོས་པའི་ལས་འགུལ་བ་བཅུ་དང་ཕྱག་རོགས་གནང་མཁན་བཅས་མི་གྲངས་ ༡༨ ཡོད་པ་རྣམས་དེ་རིང་བཞུགས་སྒར་དུ་ཕེབས་འབྱོར་བྱུང་རྗེས། སང་བཞུགས་སྒར་དུ་བོད་མིའི་སྒྲིག་འཛུགས་བཀའ་སྤྱི་གཉིས་ཀྱི་གོ་སྒྲིག་གནང་བའི་མཆོད་འབུལ་སྨོན་ལམ་དང་གོམ་བགྲོད་ཀྱི་ལས་འགུལ་ནང་མཉམ་ཞུགས་གནང་རྒྱུ་རེད་འདུག  དེའི་སྐོར་པོན་ཊ་ས་གནས་གཞོན་ནུའི་ཚོགས་གཙོ་ངག་དབང་དཔལ་འབྱོར་ལགས་སུ་བཀའ་འདྲི་ཞུས་ཡོད།  རྩ་བའི་སང་དཔའ་བོ་བློ་དགའ་རང་བཙན་ལགས་ཀྱི་བོད་དོན་ཆེད་དུ་སྐུ་ལུས་མེར་མཆོད་ཕུལ་བ་ནས་བཟུང་སྟེ་བཞུགས་སྒར་རྡ་རམ་ས་ལ་གཙོས་པའི་འཛམ་གླིང་ཁྱོན་ཡོངས་སུ་བོད་མི་གནས་སྡོད་གང་སར་ངོ་རྒོལ་སྐད་འབོད་དང་ཟས་བཅད་ངོ་རྒོལ། ཞི་བའི་གོམ་བགྲོད་དང་སྦག་སྦག་དང་རྐང་འཁོར་སྐྱོད། དེ་བཞིན་སྐྲ་བཞར་བཅས་མ་གྲོས་བསམ་པ་གཅིག་མཐུན་གྱི་ལས་འགུལ་འདྲ་མིན་སྤེལ་ཡོད་པ་དང་། སང་ཕྱི་ཟླ་ ༨ པའི་ཚེས་ ༢༠ དེ་བཞིན་བློ་དགའ་རང་བཙན་ལགས་སྐུ་གྲོངས་ནས་ཞག་ ༤༩ པའི་དུས་ཚིགས་དང་བསྟུན། བཞུགས་སྒར་རྡ་རམ་ས་ལར་བོད་མིའི་སྒྲིག་འཛུགས་ཀྱི་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་གཉིས་མཉམ་རུབ་ཐོག་ཐེག་ཆེན་ཆོས་གླིང་གཙུག་ལག་ཁང་དུ་མཆོད་འབུལ་སྨོན་ལམ་དང་ཞི་བའི་གོམ་བགྲོད་ཀྱི་ལས་འགུལ་ཞིག་གོ་སྒྲིག་གནང་ཡོད་པ་མ་ཟད། བོད་མིའི་སྒྲིག་འཛུགས་ཀྱི་ཁྱབ་ཁོངས་ས་གནས་ཁག་གི་འགོ་འཛིན་རྣམས་ལ་ཡང་བོད་མི་བློས་གཏོང་བ་རྗེས་དྲན་དང་འབྲེལ་བའི་མཆོད་འབུལ་སྨོན་ལམ་གྱི་ལས་འགུལ་གོ་སྒྲིག་གནང་ཡོད་པའི་བཀོད་ཁྱབ་བཏང་ཡོད་པ་རེད་འདུག...

རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བློས་བཏང་ལ་རྗེས་དྲན་དང་རྒྱ་ནག་གི་མི་རིགས་མཐུན་སྒྲིལ་ཞེས་པའི་ཁྲིམས་གསར་ལ་ངོ་རྒོལ་ཆེད་དུ་རྒྱ་གར་ལྷོ་ཕྱོགས་ Ooty སྐྱིད་ཚལ་གླིང་བོད་རིགས་ཚོང་པ་ཚོགས་པའི་མི་སྣ་ ༥ ནས་དྭང་བླངས་ཐོག་ཀར་ན་ཊ་ཀ་མངའ་སྡེའི་ Chamarajanagar རྫོང་གི་བྷན་དི་པུར་ས་གནས་ནས་བྷེང་ལོར་གྲོང་ཁྱེར་བར་སྤྱི་ལེ་ ༢༡༧ ཙམ་གྱི་བོད་དོན་གོམ་བགྲོད་གནང་བཞིན་པ་དང་།  དེ་མཚུངས་སུ་ཧོན་སུར་རབ་རྒྱས་གླིང་གཞིས་ཆགས་ཀྱི་ས་གནས་འགོ་འཛིན་ལས་ཁུངས་དང་ཁུལ་དེའི་ས་གནས་གཞོན་ནུ་དང་བུད་མེད་ལྷན་ཚོགས་བཅས་ཀྱི་མཉམ་འབྲེལ་གོ་སྒྲིག་འོག་བོད་མི་ ༣ གྱིས་བྷེང་ལོར་གྲོང་ཁྱེར་ནས་ཧོན་སུར་རབ་རྒྱས་གླིང་གཞིས་ཆགས་བར་སྤྱི་ལེ་ ༡༨༠ ཙམ་གྱི་ཞི་བའི་རྒྱུང་རྒྱུག་ཅིག་གནང་འདུག དེ་ཡང་ཟླ་འདིའི་ཕྱི་ཚེས་ ༡༥ སྟེ་རྒྱ་གར་རང་བཙན་ཉིན་མོ་དང་བསྟུན་འགོ་འཛུགས་གནང་བའི་དྭང་བླངས་བོད་དོན་གོམ་བགྲོད་གནང་མཁན་ Ooty སྐྱིད་ཚལ་གླིང་བོད་རིགས་ཚོང་པ་ཚོགས་པའི་མི་སྣ་ ༥ རྣམས་ད་ལྟའི་ཆར་བྷེང་ལོར་ཁུལ་དུ་འབྱོར་འདུག་པ་དང་།  ཁོང་རྣམ་པའི་གོམ་བགྲོད་ཀྱི་དགོས་འདུན་གཙོ་བོ་ནི་ཉེ་ལམ་རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་གསར་ལག་བསྟར་བྱས་པ་དེར་མཐའ་གཅིག་ཏུ་ངོས་ལེན་མེད་པའི་ངོ་རྒོལ་དང་།  རྒྱལ་གཅེས་དཔའ་བོ་བློ་དགའ་རང་བཙན་ལགས་གཙོས་པའི་ད་བར་བོད་ཕྱི་ནང་གཉིས་སུ་བོད་མི་ ༡༧༠ ལྷག་གིས་བོད་བསྟན་སྲིད་མི་རིགས་ཀྱི་དོན་དུ་རང་ལུས་མེར་བསྲེགས་གནང་བའི་བློས་བཏང་ལ་རྗེས་དྲན་གྱིས་བོད་མིའི་ཛ་དྲག་གི་གནང་སྟངས་དང་མངོན་འདོད་གང་ཡིན་པ་སོགས་ཡིག་ཆ་འགྲེམས་སྤེལ་བརྒྱུད་རྒྱ་གར་མང་ཚོགས་ལ་གོ་རྟོགས་སྤེལ་རྒྱུ་ཆེད་དུ་ཡིན་པ་མ་ཟད།    དེ་རིང་ཕྱི་ཚེས་ ༡༩ ཉིན་མོ་དེ་བཞིན་ཁོང་རྣམས་ནས་གོམ་བགྲོད་གནང་སྒོ་བཙུགས་བྱས་ཉིན་གྲངས་ ༥ པ་དེ་ཆགས་ཀྱི་འདུག  གོམ་བགྲོད་པ་ཕུར་བུ་དགྲ་འདུལ་ལགས་ཀྱིས་འདི་གའི་གསར་འགོད་པར་གསུང་དོན་བྱས་ན།   ཐེངས་འདིའི་ལས་འགུལ་བརྒྱུད་དེ་ཁོང་རྣམས་ནས་དགེ་སྦྱོར་གང་བསགས་པ་དེས་བོད་ལ་སྐྱིད་པའི་ཉི་མ་མྱུར་དུ་ཤར་བའི་སྨོན་འདུན་ཞུ་རྒྱུ་ཡིན་པ་སོགས་གསུངས་སོང་།  ཕྱོགས་མཚུངས་རྒྱ་གར་ལྷོ་ཕྱོགས་ཧོན་སུར་གཞིས་ཆགས་ཀྱི་ས་གནས་འགོ་འཛིན་ལས་ཁུངས་གཙོས་པའི་ཁུལ་དེའི་ས་གནས་བོད་ཀྱི་བུད་མེད་ལྷན་ཚོགས་དང་ས་གནས་རང་བཙན་དང་དབུ་མའི་གཞོན་ནུ་ལྷན་ཚོགས་བཅས་ཀྱི་མཉམ་འབྲེལ་གོ་སྒྲིག་འོག་བོད་མི་ ༣ གྱིས་ཟླ་འདིིའི་ཕྱི་ཚེས་ ༡༥ རྒྱ་གར་རང་བཙན་ཉིན་མོ་དང་བསྟུན་བྷེང་ལོར་གྲོང་ཁྱེར་དུ་རྟེན་གཞི་བྱས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་ནས་ཧོན་སུར་རབ་རྒྱས་གླིང་བོད་མིའི་གཞིས་ཆགས་བར་སྤྱི་ལེ་ ༡༨༠ ཙམ་གྱི་ཞི་བའི་རྒྱུང་རྒྱུག་གི་ལས་འགུལ་ཞིག་སྤེལ་འདུག་པ་དང་། ...

According to the Phayul report, Zhang Yi, a retired resident of Wuhan, was detained by police in Lhasa on July 1 after showing a photograph of the Dalai Lama to a Tibetan woman at Sera Monastery.

Dharamshala: As part of his ongoing official engagements in Mundgod Doeguling Tibetan Settlement, Kalon of the Department of Religion and Culture (DoRC), Tsegyal Chukya Dranyi, attended the cremation ceremony of the former Abbot of Drepung Monastery, Jetsun Konchok Paksam...

In Rain and Heat, Tibetan Activists Cycle 360 km to Dharamsala, Honouring Martyr Lobga Rangzen

Advocates say China razes monks’ homes to restrict religious freedom and further ethnic unity law’s reach in Tibet.

By Jayanta Bhattacharya NEW DELHI-Afghanistan has seen an apparent “increase” in India’s pragmatic engagement with the Taliban authorities in recent months, as the regime marks five years of rule in Kabul this month. India’s diplomatic ties with Afghanistan have...

Tenzin Nyidon  DHARAMSHALA, Aug. 18: The son of imprisoned Chinese pro-democracy activist Zhang Yi has questioned the legal basis of the “inciting separatism” charge brought against his father, saying he cannot understand how the simple act of showing a photograph of...

SFT is seeking a dedicated and organized Office Manager to join our team in New York City. The ideal candidate will be a highly motivated team player with a positive attitude, strong time management skills, and the ability to...

The ongoing "Peace Walk for Free Tibet" in the United States reached Milton, Wisconsin, on Friday, with members of the local Tibetan community, including Kunga Norbu, nephew of His Holiness the 14th Dalai Lama, and Jigme Jungney, former Representative...